قىرعىزستان استاناسىندا 8 قاراشا كۇنى "كونستيتۋتسيا ءۇشىن" دەگەن اتپەن مارش ءوتتى،-دەپ حابارلايدى سentralasian.org.

اكتسياعا 20-عا جۋىق ازاماتتىق بەلسەندى قاتىستى. ولار "كونستيتۋتسياگا تيبە" ("كونستيتۋتسياعا تيمە") دەگەن جازۋى بار پلاكات ۇستاپ شىقتى.

بەلسەندىلەر ەركينديك بۋلۆارىمەن ءجۇرىپ ءوتىپ، "الا-توو" ورتالىق الاڭىنا دەيىن باردى. مارشتى ۇيىمداستىرۋشىلاردىڭ ءبىرى ۋلان ۋسويۋن قازىرگى قولدانىستاعى كونستيتۋتسياعا وزگەرىستەر ەنگىزۋدى قالامايتىنىن جەتكىزدى.

22 قازاندا جوگوركۋ كەڭەشتىڭ 83 دەپۋتاتى نەگىزگى زاڭعا پارلامەنت سايلاۋىن كەلەسى جىلى وتكىزۋگە مۇمكىندىك بەرەتىن وزگەرىستەر ەنگىزىپ، قاتارىنان ءۇش وقىلىمدا قابىلداعان. پارلامەنتكە بۇل قۇجات قابىلدانعان كۇنى تۇسكەن.

اسىعىس قابىلدانعان قۇجاتقا سايكەس، جوگوركۋ كەڭەشكە سايلاۋ 2021 جىلدىڭ 1 ماۋسىمىنا دەيىن كەشىكتىرىلمەي ءوتۋى ءتيىس.

وسىنىڭ الدىندا "رەفورما" پارتياسى كونستيتۋتسيالىق پالاتاعا ەل كونستيتۋتسياسىنىڭ 38-, 63-باپتارىن توقتاتۋ تۇرۋ تۋرالى ءوتىنىش تۇسىرگەن.

پرەزيدەنت مىندەتىن اتقارۋشى پرەمەر-مينيستر سادىرا جاپاروۆ الدا كونستيتۋتسياعا رەفورما اشىق تالقىلىنادى دەپ ۋادە ەتتى.

Abai.kz