شارا كەزىندە ميليتسيا مىڭنان استام ادامدى ۇستادى. "ۆەسنا" قۇقىق قورعاۋ توبىنىڭ مالىمەتىنشە، ۇستاۋلار نەگىزىنەن مينسك قالاسىندا بولعان. مۇندا ارنايى جاساق كوزدەن جاس اعىزاتىن گاز جانە قۇلاق تۇندىراتىن ءتۇتىن قولدانىپ، نارازىلاردى كۇشپەن تاراتۋعا تىرىسقان.

ازىق-تۇلىك دۇكەنىنىڭ الدىندا قاۋىپسىزدىك كۇشتەرى ەكى ادامدى ۇرىپ-سوققان. بەلارۋس جۋرناليستەر قاۋىمداستىعىنىڭ دەرەگى بويىنشا، كەمىندە 18 جۋرناليست ۇستالعان. اراسىندا ازاتتىقتىڭ بەلارۋس قىزمەتىنىڭ ءتورت ءتىلشىسى بار.

نارازىلار وپپوزيتسيانىڭ اق-قىزىل ءتۇستى تۋى مەن بوندارەنكوعا ارنالعان پلاكاتتار ۇستاعان. نارازىلار "لۋكاشەنكو! تريبۋنال!", "مەن شىعامىن" (بوندارەنكونىڭ ماسكا تاققان ادامدارمەن جانجالداسپاي تۇرىپ ايتقان ءسوزى) دەپ ۇرانداپ، ايقايلاعان.

اكتسيا كەزىندە ينتەرنەت توقتاپ قالعان. مينسك ورتالىعىندا بىرنەشە مەترو ستانتسياسى جابىلعان. مينسكىمەن قاتار گومەل، گرودنو، موگيلەۆ قالالارىندا دا ميليتسيا ادامداردى ۇستاعان. بەلارۋس وپپوزيتسياسىنىڭ جەتەكشىسى سۆەتلانا تيحانوۆسكايا جەكسەنبىلىك اكتسيانى تاراتۋدى ايىپتاپ، حالىقارالىق قاۋىمداستىقتان نارازىلاردى قولداۋدى سۇراعان.

Abai.kz