سارسەنبى, 20 قاڭتار 2021
603 0 پىكىر 17 قاراشا, 2020 ساعات 10:46

HRW ەۋرووداقتى ورتالىق ازياعا ادام قۇقىعى بويىنشا كومەكتەسۋگە شاقىردى

ەۋروپالىق وداق ورتالىق ازيا ەلدەرىنىڭ بيلىگىنە ادام قۇقىقتارى سالاسىنا جۇرگىزىلگەن رەفورمالارعا بايلانىستى قولداۋ كورسەتىلەتىنىن اشىق جەتكىزۋى ءتيىس.

وسىلاي دەپ Human Rights Watch (HRW) حالىقارالىق ۇيىمى ەۋرووداقتىڭ سىرتقى ساياسات جانە قاۋىپسىزدىك جونىندەگى جوعارعى وكىلى جوزەپ بوررەل مەن ورتالىق ازيا ەلدەرى سىرتقى ىستەر مينيسترلەرىمەن كەزدەسۋى قارساڭىندا مالىمدەدى.

"بيىل داعدارىس كەزىندە ورتالىق ازيا ەلدەرىنە قولداۋ كورسەتۋ ادام قۇقىقتارى مىندەتىن ساقتاۋىنا بايلانىستى كورسەتىلسە جاقسى بولار ەدى", - دەلىنگەن HRW ەۋروپا جانە ورتالىق ازيا ەلدەرى بويىنشا ديرەكتورى حيۋ ۋيليامسون مالىمدەمەسىندە.

HRW ەۋروپالىق وداقتىڭ ورتالىق ازيا ەلدەرى بويىنشا 2019 جىلى قابىلداعان ستراتەگياسى بريۋسسەلگە ادام قۇقىقتارى تالاپتارىن ساقتاۋعا شاقىرۋعا جاقسى مۇمكىندىك بولۋشى ەدى دەپ اتاپ وتكەن.

COVID-19 پاندەمياسى ورتالىق ازيا ەلدەرىنە قاتتى اسەر ەتىپ جاتىر. ونىڭ ۇستىنە قۇقىق قورعاۋشىلار كارانتين شارالارى جۋرناليستەرگە، بەلسەندىلەرگە جانە مەديتسينا قىزمەتكەرلەرىنە قارسى شەكتەۋلەر قويۋعا پايدالانىلدى دەپ ەسەپتەيدى.

ەۋروپالىق وداق پەن ورتالىق ازيا ەلدەرىنىڭ ۇكىمەت وكىلدەرى جىل سايىن ەو ستراتەگياسىنىڭ قالاي جۇزەگە اسىپ جاتقانىنا ەسەپ بەرۋ ماقساتىندا كەزدەسۋ وتكىزەدى.

Abai.kz

0 پىكىر