بۇگىن قازاقستان حالىق پارتياسىنىڭ كەزەكتەن تىس XVI سەزى ءوتتى. جيىندا پارتيانىڭ پارلامەنت ءماجىلىسى جانە ءماسليحاتتار دەپۋتاتتارىنىڭ سايلاۋىنا قاتىسۋى، سايلاۋالدى باعدارلامانى بەكىتۋ، سايلاۋالدى شتابتى قۇرۋ، دەپۋتاتتىققا كانديداتتاردىڭ پارتيالىق ءتىزىمى ماسەلەلەرى قارالدى. 

پارتيا توراعاسى ايقىن قوڭىروۆ پارتيانىڭ اتاۋى وزگەرسە دە، سوتسياليستىك باعىت ۇستانىپ، قاراپايىم حالىقتىڭ مۇددەسىن قورعايتىنىن اتاپ ءوتتى.

پارتيا پارلامەنت ءماجىلىسى جانە ءماسليحاتتار دەپۋتاتتارىن سايلاۋعا قاتىسۋى تۋرالى ۇسىنىس ەنگىزىپ وتىر. ءبىزدىڭ ماقسات پارلامەنتكە ءوتۋ عانا ەمەس، سول جەردەن حالىقتىڭ الەۋمەتتىك ماسەلەلەرىن كوتەرۋ. ءبىز ۋاقىت تالابىمەن العا قاراي ىلگەرىلەۋگە نيەتتىمىز جانە وسىنى دۇرىس قادام دەپ ەسەپتەيمىز. وسى ورايدا ەل حالقى ءبىزدىڭ باستامالاردى قولدايتىنىنا سەنىمدىمىز، - دەدى ول.

ءوز كەزەگىندە ول پارتيا جەر، لايىقتى جالاقى، تەگىن ءبىلىم، زەينەت جاسىن تومەندەتۋ سىندى الەۋمەتتىك ماسەلەلەر ۇنەمى پارتيا نازارىندا بولعانى، الداعى ۋاقىتتا دا حالىق مۇددەسىن قورعاۋدى جالعاستىراتىنىن ايتتى.

پارلامەنتتەگى فراكتسيا ۇلكەن  بولماسا دا، وسى كۇنگە دەيىن اتقارعان جۇمىسى ايتارلىقتاي. وتكەن بەس جىلدا فراكتسيانىڭ 92 وتىرىسى وتكىزىلدى، 300-گە جۋىق دەپۋتاتتىق ساۋال جولداندى. ەلدى مەكەندەرگە 664 جۇمىس ساپارى جاسالىپ، حالىقپەن 1450 كەزدەسۋ بولدى. ءۇش مىڭنان استام جەكە ءارى زاڭدى تۇلعالاردىڭ ءوتىنىمى قارالدى، - دەدى ول.

تۇپنۇسقا: baq.kz

Abai.kz