مادەنيەت – ۇلتتىڭ قۋاتى. عاسىرلار بويى ۇزىلمەي كەلە جاتقان رۋحاني بولمىسى، اقىل-وي، پاراساتى. ءاربىر ەلدىڭ رۋحاني كۇشى – ونىڭ مادەنيەتىمەن ولشەنەدى. ۇلت رۋحانياتى مەن مادەنيەتى جولىندا ەڭبەكتەنىپ جۇرگەن شىعارماشىلىق يەلەرىنىڭ الداعى تىنىس-تىرشىلىگى پارتيا نازارىندا. تالدىقورعان قالالىق سايلاۋ شتابى توراعاسىنىڭ ورىنباسارى جايىق تازابەكۇلى، وبلىستىق ءماسليحات دەپۋتاتتىعىنا ۇمىتكەر رۋسلان سەنكەباەۆ، قالالىق ءماسليحات دەپۋتاتتىعىنا كانديدات جامال نۇرلىباەۆا مەن سەرىك دجانسەڭگىروۆ مادەنيەت سالاسىنىڭ قىزمەتكەرلەرى جانە سپورت وكىلدەرىمەن كەزدەستى.

الداعى ۋاقىتتا دا ەلباسىنىڭ «بولاشاققا باعدار: رۋحاني جاڭعىرۋ» جانە «ۇلى دالانىڭ جەتى قىرى» باعدارلامالىق ماقالالارىن ىسكە اسىرۋ بويىنشا جۇمىستار  جالعاساتىن بولادى. تاريحي-مادەني مۇرانى ساقتاۋ، مەملەكەتتىك ءتىلدىڭ  قولدانىلۋ اياسىن كەڭەيتۋ باعىتىندا ءتۇرلى ءىس-شارالار مەن جوبالار جۇزەگە اسىرىلادى. مەرەيتويلىق داتالارعا جيىندار وتكىزۋ ارقىلى ەلگە بەلگىلى  تۇلعالاردىڭ، ونىڭ ىشىندە جەتىسۋلىقتار مۇراسىن كەڭىنەن ناسيحاتتاۋ، اقىندار ايتىسىن، ۇلتتىق سپورت تۇرلەرىنەن جارىستار ۇيىمداستىرۋ  ارقىلى جاستاردىڭ  پاتريوتتىق سەزىمىن نىعايتۋ باستى نازاردا بولماق. سونداي-اق، پارتيا الداعى بەس جىلداعى جۇمىسىندا ۇلت دەنساۋلىعىن نىعايتۋعا، حالىقتى سپورتپەن جاپپاي اينالىسۋعا تارتۋعا باعدارلاناتىن بولادى. وسى ورايدا ەڭبەك ۇجىمدارىندا سپورت كوماندالارىن قۇرۋ جانە سپورتتىق ءىس-شارالار وتكىزۋدى تۇراقتى تۇردە ۇيىمداستىرۋ كوزدەلۋدە. ءجۇزۋدى، سپورتتىق ءتۋريزمدى دامىتۋ، تۇرعىلىقتى جەرى بويىنشا حالىقتىڭ سپورتپەن شۇعىلدانۋى ءۇشىن جاعداي جاساۋ، ياعني،  10 شاعىن فۋتبول جانە 6 StreetWorkaut الاڭى ورناتىلماق. سونىمەن قاتار كوركەم گيمناستيكامەن اينالىسۋعا ارنالعان سپورت كەشەنىن، كوگالداعى حوككەيگە ارنالعان جابىق سپورت كەشەنىن، فۋتبول، باسكەتبول، ۆولەيبولمەن اينالىسۋعا ارنالعان امبەباپ سپورت كەشەنىن سالۋعا ىقپال ەتەتىن بولادى. قوعام بەلسەندىلەرى «تۇڭعىش پرەزيدەنتىمىز ن.نازارباەۆ «مادەنيەت پەن ونەر قوعام دامۋىنىڭ نەگىزگى قاجەتتى سالاسى. مادەنيەتتى ەل، ونەرى وركەندەگەن قوعام ءار ۋاقىتتا العا داميدى» دەگەن ەدى. ونەر – ۇلتتىڭ جانى. حالقىمىز عاسىرلار بويى مادەنيەتى مەن ونەرىن، ءداستۇرى مەن اسىل مۇراسىن التىن بەسىگىندە تەربەتىپ كەلەدى. قاي زاماندا دا ەلىمىز ءداستۇرىن دارىپتەپ، رۋحىن جوعارى ۇستاعان. ۇلى دالانىڭ ءبىر بولشەگى جەر جانناتى جەتىسۋ ولكەسى  ونەر قونىپ، باق دارىعان ءوڭىر. شاhارىمىز ءوندىرىس پەن بيزنەستىڭ، مادەنيەت پەن ونەردىڭ، سپورت پەن ءتۋريزمنىڭ ورتالىعىنا اينالۋدا. تولاعاي تابىستارىمىز بەن قول جەتكىزگەن جەتىستىكتەرىمىز اۋىز تولتىرىپ ايتارلىقتاي. ءبىز ءۇشىن بۇل ۇلكەن مارتەبە»-دەدى.

«Nur Otan» پارتياسى مادەني جانە رۋحاني قۇندىلىقتاردى ساقتاۋ مەن كوبەيتۋدى قولدايدى. بۇگىندە الماتى وبلىسىندا 105-تەن استام ۇلت وكىلدەرى تۇرادى، 71 ەتنو-مادەني بىرلەستىك بار. 558 مادەنيەت جانە ونەر ۇيىمى جۇمىس ىستەيدى. وڭىردە جىل سايىن ونلاين قاراۋدى ەسكەرە وتىرىپ، 6 ملن. ادامدى قامتۋمەن 60 مىڭنان استام مادەني ءىس-شارا وتكىزۋ كوزدەلۋدە. ودان بولەك 405 تاريحي-مادەني مۇرا نىساندارىن QR-كودتى بەلگىلەۋ جوسپارلانعان. سونداي-اق، ەلباسىنىڭ «رۋحاني جاڭعىرۋ» باستاماسىن جۇيەلى جۇزەگە اسىرۋ ماقساتىندا قاسيەتتى جانە تاڭبالى ورىندار بويىنشا ولكەتانۋ ەكسپەديتسيالارىن ۇيىمداستىرۋ جولعا قويىلماق. سايلاۋالدى باعدارلامانىڭ «تاريحى مەن مادەنيەتى باي ايماق» باعىتى بويىنشا   «كولساي كولدەرى»، «شارىن»، «التىنەمەل» مەملەكەتتىك ۇلتتىق تابيعي پاركتەرىندە تۋريستىك مارشرۋتتار بويىندا جۇمساق ينفراقۇرىلىمدى دامىتۋ (شاعىن ساۋلەت نىساندارىن، كورسەتكىشتەر مەن 19 كونسترۋكتسيالاردى ورناتۋ),  «التىنەمەل» مۇتپ-دا گەوپارك پيلوتتىق جوباسىنىڭ 4-ءشى كەزەڭىن ىسكە اسىرۋ،  قازاقستان حالقى اسسامبلەياسىنىڭ 25 جىلدىعىنا ارنالعان  «جۇلدىزى جارقىراعان – جەتىسۋ» وبلىستىق پاتريوتتىق فورۋمى وتكىزىلەدى.

ەسكەرتۋ! ماتەريالدىڭ اقىسى «Nur Otan» پارتياسى تالدىقورعان قالالىق فيليالىنىڭ سايلاۋ قورىنان تولەندى.

Abai.kz