پارلامەنت ءماجىلىسى مەن ءماسليحاتتار دەپۋتاتتارىن سايلاۋ ناۋقانىن وتكىزۋگە بايلانىستى ىشكى ىستەر ورگاندارىنىڭ بارلىق جەكە قۇرامى قىزمەت اتقارۋدىڭ كۇشەيتىلگەن تۇرىنە اۋىستىرىلدى. بۇل تۋرالى ءىىم ورىنباسارى ارىستانعاني زاپپاروۆ مالىمدەدى. 

ونىڭ ايتۋىنشا، قۇقىقتىق ءتارتىپ پەن قوعامدىق قاۋىپسىزدىكتى قامتاماسىز ەتۋگە 40 مىڭعا جۋىق پوليتسەي تارتىلعان.

«بۇگىندە ەلىمىزدەگى قۇقىقتىق ءتارتىپ پەن قوعامدىق قاۋىپسىزدىكتى 40 مىڭعا جۋىق ىشكى ىستەر ورگاندارىنىڭ قىزمەتكەرلەرى قامتاماسىز ەتۋدە. وقيعالارعا، ونىڭ ىشىندە داۋىس بەرۋ ورىندارىندا بولۋى مۇمكىن قۇقىقبۇزۋشىلىقتارعا جەدەل دەن قويۋ ءۇشىن قوسىمشا جەدەل-تەرگەۋ توپتارى قۇرىلدى، ولاردىڭ قۇرامىندا پروكۋراتۋرا قىزمەتكەرلەرى دە بار»، - دەپ اتاپ ءوتتى ءىىم وكىلى.

سايلاۋ ۋچاسكەلەرىندەگى جاعدايعا كەلەر بولساق: بيۋللەتەندەر اپارىلماي تۇرىپ، بارلىق سايلاۋ ۋچاسكەلەرى قاۋىپسىزدىك تۇرعىسىنان تەكسەرۋدەن ءوتتى. پوليتسەيلەردىڭ باقىلاۋىمەن بيۋللەتەندەردىڭ بارلىعى ۋچاسكەلەرگە ەش كەدەرگىسىز جەتكىزىلدى»، - دەدى زاپپاروۆ.

Abai.kz