سارسەنبى, 20 قاڭتار 2021
2095 2 پىكىر 12 قاڭتار, 2021 ساعات 12:57

ەستونيا پرەمەرى: رەسەيگە ەشقاشان قوسىلمايمىز

ەستونيا پرەمەر-ءمينيسترى يۋري راتاس وپپوزيتسيا دەپۋتاتتارىنىڭ رەسەي قۇرامىنا كىرۋ تۋرالى ۇسىنىسىنا جاۋاپ بەردى. 

ونىڭ ايتۋىشا، دەپۋتاتتاردىڭ بۇل ۇسىنىسى جاۋاپسىزدىق ءارى مۇنى ەستونيانىڭ بارلىق ساياسي كۇشتەرى ايىپتاۋى ءتيىس.

«ەستونيا رەسپۋبليكاسى كونستيتۋتسياسىنىڭ ءبىرىنشى ابزاتسىندا ەستونيا - حالىق جوعارى مەملەكەتتىك بيلىككە ىقپال ەتە الاتىن، تاۋەلسىز جانە ەگەمەندى دەموكراتيالىق رەسپۋبليكا دەپ كورسەتىلگەن. ەستونيانىڭ تاۋەلسىزدىگى مەن ەگەمەندىگى ماڭگىلىك جانە بولىنبەيدى.

ەستونيا رەسپۋبليكاسىنىڭ پرەمەر-ءمينيسترى رەتىندە مەن ريگيكوگانىڭ رەفورمالار پارتياسىنان شىققان انت لاانەوتس، ۋرماس كرۋزە جانە يۋري دجاانسون دەپۋتاتتارىنىڭ رەفەرەندۋمعا «رەسەيدىڭ قۇرامىندا بولعان ەستونيا رەسپۋبليكاسىندا ءومىر سۇرگەنىمىز جاقسى» دەگەن مۇلدەم جاۋاپسىز ۇسىنىستارىن ايىپتايمىن.

مۇنىڭ ءبارىن ءبىز ەستونيا ءۇشىن تاۋەلسىزدىكتى قالپىنا كەلتىرۋدىڭ 30 جىلدىعى قارساڭىندا كورۋىمىز كەرەك. بۇل ويعا كەلمەيتىن جانە دۇرىس ەمەس ۇسىنىس.

مەنىڭ ويىمشا، ەستونيانىڭ بارلىق ساياسي كۇشتەرى مۇنداي ۇسىنىستى ءسوزسىز ايىپتاۋى كەرەك. رەسپۋبليكا پرەزيدەنتى دە وسىلاي جاسايتىنىنا سەنىمدىمىن»,- دەپ جازدى يۋري راتاس.

ايتا كەتەيىك، بۇعان دەيىن ەستونيا وپپوزيتسيالىق رەفورما پارتياسىنىڭ دەپۋتاتتارى ەستونيانىڭ رەسەيگە قوسىلۋى تۋرالى ماسەلەنى ۇسىنعان. ولار وسىلايشا بۇكىل داۋىس بەرۋدىڭ ماعىناسىزدىعىن كورسەتكىلەرى كەلەتىندەرىن، ولاردىڭ پىكىرىنشە، سۇراقتاردىڭ ارقايسىسىنا «جوق» دەپ جاۋاپ بەرۋ كەرەك ەكەنىن ءتۇسىندىردى. كەيىن وپپوزيتسيالىق دەپۋتاتتار ءوز باستامالارىنان باس تارتتى.

Abai.kz

2 پىكىر