نازارباەۆ ۋنيۆەرسيتەتى ستۋدەنتتەرىمەن كەزدەسۋى كەزىندە پرەزيدەنت - كوممۋنيستەر باسقارعان سوۆەت وكىمەتى تۇسىنداعى قازاق حالقىنا قاساقانا جاسالعان ەڭ جويقىن قاستاندىقتىڭ ءبىرى - اشارشىلىقتىڭ 80 جىلدىعى اتالىپ وتەتىنىن مالىمدەدى.

انەۋگۇنى استانا قالاسىن قابىلداعان ەلباسى باس قالادا ورىن تەبەتىن «اشارشىلىق قۇرباندارىنا ەسكەرتكىش» مونۋمەنتىنىڭ رەسپۋبليكالىق كونكۋرس ناتيجەسىندە ىرىكتەلىپ الىنعان ەسكيزدەرىمەن تانىسقانىن جازىپ ەدىك. (http://old.abai.kz/content/nyra-matai-asharshylyk-astana-zhene-eskertkishtin-eskizi)

الداعى ۋاقىتتا اشارشىلىقتىڭ رەسپۋبليكا كولەمىندە اتالىپ ءوتىلۋى تۋراسىنداعى ءىس-شارالار باعدارلاماسى دا جارىق كورىپ قالار. ءبىزدىڭ تىلەك - 80 جىلدىق ءبىر رەتتىك ناۋقانعا اينالىپ كەتپەسى ەكەن.

استانا - قازاق تاريحىنداعى قارالى دا قاسىرەتتى زۇلماتقا قاتىستى ءوز ۇستانىمىن كورسەتتى. الايدا، ەڭ نەگىزگى ءبىر قادام - اشارشىلىققا ساياسي-قۇقىقتىق باعا بەرۋ ماسەلەسى كۇن تارتىبىنە شىقپاي تۇر. بىراق، استانانىڭ وڭ قادامى ول كۇننىڭ دە الىس ەمەس ەكەنىن اڭداتقانداي.

نازارباەۆ ۋنيۆەرسيتەتى ستۋدەنتتەرىمەن كەزدەسۋى كەزىندە پرەزيدەنت - كوممۋنيستەر باسقارعان سوۆەت وكىمەتى تۇسىنداعى قازاق حالقىنا قاساقانا جاسالعان ەڭ جويقىن قاستاندىقتىڭ ءبىرى - اشارشىلىقتىڭ 80 جىلدىعى اتالىپ وتەتىنىن مالىمدەدى.

انەۋگۇنى استانا قالاسىن قابىلداعان ەلباسى باس قالادا ورىن تەبەتىن «اشارشىلىق قۇرباندارىنا ەسكەرتكىش» مونۋمەنتىنىڭ رەسپۋبليكالىق كونكۋرس ناتيجەسىندە ىرىكتەلىپ الىنعان ەسكيزدەرىمەن تانىسقانىن جازىپ ەدىك. (http://old.abai.kz/content/nyra-matai-asharshylyk-astana-zhene-eskertkishtin-eskizi)

الداعى ۋاقىتتا اشارشىلىقتىڭ رەسپۋبليكا كولەمىندە اتالىپ ءوتىلۋى تۋراسىنداعى ءىس-شارالار باعدارلاماسى دا جارىق كورىپ قالار. ءبىزدىڭ تىلەك - 80 جىلدىق ءبىر رەتتىك ناۋقانعا اينالىپ كەتپەسى ەكەن.

استانا - قازاق تاريحىنداعى قارالى دا قاسىرەتتى زۇلماتقا قاتىستى ءوز ۇستانىمىن كورسەتتى. الايدا، ەڭ نەگىزگى ءبىر قادام - اشارشىلىققا ساياسي-قۇقىقتىق باعا بەرۋ ماسەلەسى كۇن تارتىبىنە شىقپاي تۇر. بىراق، استانانىڭ وڭ قادامى ول كۇننىڭ دە الىس ەمەس ەكەنىن اڭداتقانداي.

ال، الماتىعا كەلسەك، اشارشىلىق قۇرباندارىنا ارنالعان ەسكەرتكىش بوي كوتەرۋى ءتيىس ورىن بەلگىلەنىپ، «وسى جەردە 1931-1933 جىلدارداعى اشارشىلىق قۇرباندارىنا ەسكەرتكىش ورناتىلادى» دەگەن بادىرايعان جازۋى بار قارا تاس، مىنە، ءۇش جىلدىڭ جۇزىنە اينالدى، ءالى تۇر. قالا اكىمى ەسىموۆ مىرزانىڭ قۇلاعىنا التىن سىرعا، پرەزيدەنتتىڭ اشارشىلىقتىڭ 80 جىلدىعىن اتاپ ءوتۋ جونىندەگى مالىمدەمەسىنىڭ ناقتى كورىنىسى رەتىندە الماتىنىڭ ورتاسىنان ويىلىپ ورىن بەرىلگەن جەرگە اشارشىلىق قۇرباندارىنا ارنالعان ەسكەرتكىشتى قويىپ جىبەرسەڭىز، تاريحتىڭ، اتا-بابا ارۋاعىنىڭ الدىندا وتەلگەن ءبىر پارىزىڭىز بولار ەدى. جانە پرەزيدەنتتىڭ الدىندا ءجۇزىڭىز جارىق بولاتىنى جانە راس.

اشارشىلىقتىڭ 80 جىلدىعىن اتاپ ءوتۋ، اشارشىلىق قۇرباندارىنا ەسكەرتكىش ورناتۋ سياقتى شارالاردىڭ و باستان مەملەكەت پەن قوعامنىڭ ۇلت تاريحى الدىنداعى قاسيەتتى پارىزدارىنىڭ ءبىرى ەكەنى ءمالىم. كەشىگىپ تە بولسا، قولعا الىنىپ جاتقان ءىستىڭ استارىندا قازاق پەن بيلىكتىڭ ورتاسىنداعى ونسىزدا كەتەۋى كەتكەن سەنىمدى قايتا ورناتۋ ويىنى بۇعىپ جاتپاسا بولعانى...

«اباي-اقپارات»