قازاقستان حالقى اسسامبلەياسى وزگە ۇلت وكىلدەرىنە ارناپ قازاق ءتىلىن جەدەل ۇيرەنۋدىڭ ادىستەمەسىن ازىرلەدى.

بۇگىن ۇيىم جانىنداعى «ءتىلدارىن» تىلدەردى وقىتۋ تەحنولوگيالارىنىڭ ادىستەمەلىك ورتالىعى 1 ايدىڭ ىشىندە دايىندالعان جاڭا ادىستەمەنىڭ جوباسىن ءدۇيىم جۇرتقا تانىستىردى. جوبانى ازىرلەگەن عالىم­دار توبى جاڭا ادىستەمەنى، ەڭ الدىمەن، ەلشىلىكتەردە ىستەيتىن قىزمەتكەرلەر اراسىندا سىناپ كورگەن.

ادىستەمە نەگىزى رەتىندە بەلگىلى رەسەيلىك پسيحولينگۆيست، الەمنىڭ 30 ءتىلىن مەڭگەرگەن، تىلدەردى جەدەلدەتىپ مەڭگەرۋدىڭ بىرەگەي ادىستەمەلەرىنىڭ اۆتورى دميتري پەتروۆتىڭ تاجىريبەسى الىندى.

بىرنەشە ساباقتان تۇ­را­تىن كۋرس بارىسىندا تىڭداۋشىلار ار­نايى بەينەماتەريالداردى كو­رىپ، ءتىل ۇس­تار­تۋدىڭ نەگىزگى ەرەجەلەرىن زەردەلەگەن. وسىدان كە­يىن ءسوز قۇرىلىمدارىن زەرتتەپ، ارنايى دىبىس جازۋ تەحنيكاسىنا سۇيەنىپ، 300-400-گە جۋىق قا­زاق تىلىندە ءجيى كەزدەسەتىن سوزدەر­دى جاتتاعان. وسى كۋرستان وتكەن قازاق ءتىلىن مۇلدەم بىلمەيتىن ءبىر توپ ازامات قىسقا ۋاقىتتىڭ ىشىندە قازاق ءتىلىنىڭ بازالىق ءبىلىمىن، اۋىزەكى تىلدە سۇحبات­تاسۋدى ۇيرەنىپ شىققان. جاڭا ادىستەمەنى ازىرلەگەن عالىمدار اتالعان جۇيەنىڭ ارقا­سىندا مەملەكەتتىك ءتىلدى ءتورت اپ­تانىڭ ىشىندە، ياعني ءبىر ايدا مەڭ­گەرىپ شىعۋعا بولاتىندىعىن دالەلدەدى.

اۆتورلار توبى ازىرلەنىپ جاتقان ادىستەمەلىك جوبانى «ءتىلدارىن» دەپ اتادى.

قازاقستان حالقى اسسامبلەياسى وزگە ۇلت وكىلدەرىنە ارناپ قازاق ءتىلىن جەدەل ۇيرەنۋدىڭ ادىستەمەسىن ازىرلەدى.

بۇگىن ۇيىم جانىنداعى «ءتىلدارىن» تىلدەردى وقىتۋ تەحنولوگيالارىنىڭ ادىستەمەلىك ورتالىعى 1 ايدىڭ ىشىندە دايىندالعان جاڭا ادىستەمەنىڭ جوباسىن ءدۇيىم جۇرتقا تانىستىردى. جوبانى ازىرلەگەن عالىم­دار توبى جاڭا ادىستەمەنى، ەڭ الدىمەن، ەلشىلىكتەردە ىستەيتىن قىزمەتكەرلەر اراسىندا سىناپ كورگەن.

ادىستەمە نەگىزى رەتىندە بەلگىلى رەسەيلىك پسيحولينگۆيست، الەمنىڭ 30 ءتىلىن مەڭگەرگەن، تىلدەردى جەدەلدەتىپ مەڭگەرۋدىڭ بىرەگەي ادىستەمەلەرىنىڭ اۆتورى دميتري پەتروۆتىڭ تاجىريبەسى الىندى.

بىرنەشە ساباقتان تۇ­را­تىن كۋرس بارىسىندا تىڭداۋشىلار ار­نايى بەينەماتەريالداردى كو­رىپ، ءتىل ۇس­تار­تۋدىڭ نەگىزگى ەرەجەلەرىن زەردەلەگەن. وسىدان كە­يىن ءسوز قۇرىلىمدارىن زەرتتەپ، ارنايى دىبىس جازۋ تەحنيكاسىنا سۇيەنىپ، 300-400-گە جۋىق قا­زاق تىلىندە ءجيى كەزدەسەتىن سوزدەر­دى جاتتاعان. وسى كۋرستان وتكەن قازاق ءتىلىن مۇلدەم بىلمەيتىن ءبىر توپ ازامات قىسقا ۋاقىتتىڭ ىشىندە قازاق ءتىلىنىڭ بازالىق ءبىلىمىن، اۋىزەكى تىلدە سۇحبات­تاسۋدى ۇيرەنىپ شىققان. جاڭا ادىستەمەنى ازىرلەگەن عالىمدار اتالعان جۇيەنىڭ ارقا­سىندا مەملەكەتتىك ءتىلدى ءتورت اپ­تانىڭ ىشىندە، ياعني ءبىر ايدا مەڭ­گەرىپ شىعۋعا بولاتىندىعىن دالەلدەدى.

اۆتورلار توبى ازىرلەنىپ جاتقان ادىستەمەلىك جوبانى «ءتىلدارىن» دەپ اتادى.

پسيحولينگۆيست-عالىم د. پەتروۆتىڭ ايتۋىنشا، بۇل جۇيە ءتىلدى مەڭگەرۋ كەزىندەگى سان الۋان پسيحولوگيا­لىق كەدەرگىلەردى جەڭۋگە كومەك­تەسىپ، تىلدىك نورمالاردى ەركىن يگە­رۋگە مۇمكىندىك بەرەدى.

«مەندە تىلدىك توسقاۋىلدار مەن قورقىنىش بولدى. بىراق قىسقا ۋاقىت ىشىندە ولار ءىزىم-عايىم جوعالدى. مەنىڭ ويىمشا بۇل ادىستەمە وتە قىزىقتى، جاڭا ءارى باسقالارىنا ۇقسامايتىن ادىستەمە. ويتكەنى گرامماتيكا تۇسىنىكتى فورمادا، سحەما ارقىلى باياندالادى»، - دەيدى 3 اپتا ىشىندە قازاق تىلىندە سويلەيتىندەي دەڭگەيدە ۇيرەنگەن قازاقستانداعى جاپون ەلشىلىگىنىڭ اتتاشەسى اكيو ياديحاشي.

«ءبىزدىڭ ادىستەمەمىز جەكە ادامداردىڭ ومىرلەرىنە قاتىستى 8 تاقىرىپ اياسىندا قۇراستىرىلدى. سونىمەن قاتار، ءجيى قولدانىستا بولاتىن 400-گە جۋىق ءسوز ەندى جانە 15 شاقتى گرامماتيكالىق كونسترۋكتسيالار كىردى. ءبىز دميتري پەتروۆتىڭ كوزقاراسىن، بىرەگەي ءادىسىن الدىق. سول سەبەپتى بۇل كونسترۋكتسيالار مەنىڭ ستۋدەنتتەرىمە ءبىر كونسترۋكتسيادان بىرنەشە كومبيناتسيالار جاساۋعا زور ىقپال ەتتى»، - دەيدى مەملەكەتتىك ءتىلدى جەدەلدەتىپ وقىتۋ ادىستەمەسىنىڭ اۆتورى، «پاراسات جانە ءدىل» قوعامدىق بىرلەستىگىنىڭ ديرەكتورى قۇرالاي مۇتانوۆا.

kaz.gazeta.kz