شىعىس قازاقستان وبلىستىق  اباي اتىنداعى امبەباپ كىتاپحاناسىندا 6 ناۋرىز كۇنى  «قازاقتىڭ ۇلى انالارى» تاقىرىبىندا  تاريحي-ادەبي سازدى كەش وتكىزىلدى.  شاراعا قاتىسۋشى قوناقتاردى «حالقىمنىڭ اسىل انالارى» تاقىرىبىنداعى كىتاپ كورمەسى قارسى الدى. كىتاپحانا قىزمەتكەرلەرى شاراعا قاتىسۋشى قوناقتاردى حالقىمىزدىڭ تاريحىنداعى تانىمال انالار ەسىمىمەن تانىستىرىپ، انالارىمىزدىڭ ءومىر سۇرگەن داۋىرلەرىنە بايلانىستى  كىتاپحانا قورىندا ساقتالعان ادەبيەتتەردى بىرنەشە بولىمدەرگە ءبولىپ، دارىستىك شولۋ جاسادى.  شارانىڭ «ۇلى دالانىڭ ۇلى قىزدارى» بولىمىندە ايگىلى ساق-ماسساگەت پاتشايىمى توميريس-تۇمار حانىم، قايراتتى ءارى ۇستەم تەركەش-حاتۋن،  باتىل ءارى ارمانشىل ايشا - ءبيبى، نەكەدە تەڭ قۇقىقتى چاتا، بىرنەشە رەت قاجىلىق جاساعان  پاراساتتى حاجىجادجي، 15 جىل دانالىقتىڭ  ۇلگىسىن كورسەتىپ بيلىك جاساعان بۇحار حاتۋن ت.ب. تاريحتا بولعان ۇلى انالار تۋرالى ماتەريالداردان اقپارات بەرىلدى. قازاق حالقىنىڭ تاريحىندا حاندىق داۋىردە ءومىر سۇرگەن، تاريحي كەزەڭدەردە كوشباسشى بولعان قازاقتىڭ  ءاربىر حانىنىڭ، داڭقتى جاۋىنگەردىڭ، باتىل دا باتىر جىگىتتىڭ  اقىلشىسى مەن كومەكشىسى، سەنىمدى سەرىگى، جان دوسى، جارى بولعان دانا دا تاماشا انا-ايەلدەر ايبيكە، ايعانىم،  كۇنىمجان، بوپاي حانىمدار جايلى شارانىڭ «قازاق حاندىعى داۋىرىندەگى حانىمدار» بولىمىندە دارىستىك شولۋ جاسالدى.

شىعىس قازاقستان وبلىستىق  اباي اتىنداعى امبەباپ كىتاپحاناسىندا 6 ناۋرىز كۇنى  «قازاقتىڭ ۇلى انالارى» تاقىرىبىندا  تاريحي-ادەبي سازدى كەش وتكىزىلدى.  شاراعا قاتىسۋشى قوناقتاردى «حالقىمنىڭ اسىل انالارى» تاقىرىبىنداعى كىتاپ كورمەسى قارسى الدى. كىتاپحانا قىزمەتكەرلەرى شاراعا قاتىسۋشى قوناقتاردى حالقىمىزدىڭ تاريحىنداعى تانىمال انالار ەسىمىمەن تانىستىرىپ، انالارىمىزدىڭ ءومىر سۇرگەن داۋىرلەرىنە بايلانىستى  كىتاپحانا قورىندا ساقتالعان ادەبيەتتەردى بىرنەشە بولىمدەرگە ءبولىپ، دارىستىك شولۋ جاسادى.  شارانىڭ «ۇلى دالانىڭ ۇلى قىزدارى» بولىمىندە ايگىلى ساق-ماسساگەت پاتشايىمى توميريس-تۇمار حانىم، قايراتتى ءارى ۇستەم تەركەش-حاتۋن،  باتىل ءارى ارمانشىل ايشا - ءبيبى، نەكەدە تەڭ قۇقىقتى چاتا، بىرنەشە رەت قاجىلىق جاساعان  پاراساتتى حاجىجادجي، 15 جىل دانالىقتىڭ  ۇلگىسىن كورسەتىپ بيلىك جاساعان بۇحار حاتۋن ت.ب. تاريحتا بولعان ۇلى انالار تۋرالى ماتەريالداردان اقپارات بەرىلدى. قازاق حالقىنىڭ تاريحىندا حاندىق داۋىردە ءومىر سۇرگەن، تاريحي كەزەڭدەردە كوشباسشى بولعان قازاقتىڭ  ءاربىر حانىنىڭ، داڭقتى جاۋىنگەردىڭ، باتىل دا باتىر جىگىتتىڭ  اقىلشىسى مەن كومەكشىسى، سەنىمدى سەرىگى، جان دوسى، جارى بولعان دانا دا تاماشا انا-ايەلدەر ايبيكە، ايعانىم،  كۇنىمجان، بوپاي حانىمدار جايلى شارانىڭ «قازاق حاندىعى داۋىرىندەگى حانىمدار» بولىمىندە دارىستىك شولۋ جاسالدى. شارانىڭ «ەل قورعاعان ەرجۇرەك ارۋلار» بولىمىندە  ۇلى وتان سوعىسىنىڭ وتتى جىلدارىندا ەر-ازاماتپەن بىرگە قولىنا قارۋ الىپ، مايدان شەبىنە اتتانعان مانشۇك مامەتوۆا، ءاليا مولداعۇلوۆا، اتاقتى باتىر ۇشقىش حيۋاز دوسپانوۆانىڭ ەرلىكتەرى مەن ەڭبەكتەرى جايلى جانە جەلتوقسان كوتەرىلىسىنىڭ قۇرباندارى بولعان ارۋلارىمىز سابيرا مۇحامەدجانوۆا،  ءلاززات اسانوۆا سياقتى قايسار قازاق قىزدارى  جايلى اڭگىمەلەندى.  قاتىسۋشىلار «سەن تاريحىڭدى تانىپ بىلەسىڭ بە؟» اتتى ۆيكتورينالىق ويىن جۇرگىزىلىپ، دۇرىس جاۋاپ بەرگەن قاتىسۋشىلارعا سىيلىقتار تاراتىلدى. سەمەي مەملەكەتتىك پەداگوگيكالىق ينستيتۋتى مۋزىكا ءبولىمىنىڭ  ستۋدەنتتەرى ىسبەك ناۋرىزحان مەن سادىقوۆ قانىش، ءا.قاشاۋباەۆ اتىنداعى فيلارمونيانىڭ ءانشىسى باقىتجان تۇكتىباەۆ شاراعا قاتىسۋشى ارۋلاردى مەرەكەمەن قۇتتىقتاپ، قازاق ارۋلارى تۋرالى اسەم اندەردى جولدادى.