اسقار مامين ۇكىمەتتىڭ كەڭەيتىلگەن وتىرىسىندا بيىل 5,8 مىڭ شاقىرىم جول اقىلى بولاتىنىن ايتتى.

«نۇرلى جول» مەملەكەتتىك باعدارلاماسى اياسىندا كولىك ينفراقۇرىلىمىن اۋقىمدى جاڭعىرتۋ جانە كولىك الەۋەتىن جۇزەگە اسىرۋ ماقساتىندا 6 مىڭ شاقىرىم جول سالىنىپ، قايتا جاڭارتىلادى. اقى الۋ جۇيەسى 5,8 شاقىرىم جولعا ەنگىزىلەدى»، - دەدى ۇكىمەت باسشىسى.

ونىڭ اتاپ وتۋىنشە، قازاقستاننىڭ كورشى ەلدەرمەن تەمىر جول لەگىن وتكىزۋ قابىلەتىن ارتتىرۋعا باعىتتالعان جۇمىستار جۇرگىزىلەدى.

«قازاقستان-قىتاي جانە قازاقستان-وزبەكستان باعىتتارى بويىنشا تەمىر جول لەگىن وتكىزۋ قابىلەتىن ارتتىرۋ جانە «تار ورىنداردى» الىپ تاستاۋ ءۇشىن دوستىق-مويىنتى، ماقتارال-داربازا جانە الماتى ستانساسىن اينالما ۋچاسكەلەرگە ارنالعان تەمىر جولداردى سالۋ جانە جاڭعىرتۋ جۇمىستارى باستالاتىن بولادى»، - دەدى اسقار مامين.

Abai.kz