فەدوروۆتىڭ ۇيىمى وسكەمەندە دە اشىلعان با؟
قر ۇقك توراعاسىنىڭ،
قر ءىىم ءمينيسترىنىڭ،
قر باس پروكۋرورىنىڭ نارازىنا!
بىلتىر، تاۋەلسىزدىك كۇنى قارساڭىندا قازاقستاننىڭ تەرريتوريالىق تۇتاستىعىنا كوز الارتىپ، جەرىمىزگە، تاۋەلسىزدىگىمىزگە سۇقتانعان، مەملەكەتتىگىمىزدى جوققا شىعارىپ سويلەگەن، «قازاقتىڭ جەرى رەسەي مەن كسرو-نىڭ سىيلىعى»، «قازاقستان تەرريتوريانى قايتارۋى ءتيىس»، دەپ بۇلىك شاقىرعان رەسەيدەگى دۋما دەپۋتاتتارىن جاقسى بىلەسىزدەر.
ەۆگەني فەدروۆ، ۆياچەسلاۆ نيكونوۆ پەن ۆلاديمير جيرينوۆسكيلەردىڭ سوزدەرى مەملەكەتارالىق دەڭگەيدە داۋ بولدى. قازاقستاننىڭ سىرتقى ىستەر مينيسترلىگى رەسەي ديپلوماتتارىنا نارازىلىق نوتاسىن تاپسىردى. پرەزيدەنت توقاەۆ «تاۋەلسىزدىك بارىنەن قىمبات» ماقالاسىندا قازاقستان شەكاراسى تۋرالى ايتا كەلە، قازاقتارعا جەردى ەشكىمنىڭ سىيعا بەرمەگەنىن جانە ەل تاريحى 1991 جىلمەن نەمەسە 1936 جىلمەن ولشەنبەيتىنىن ايتتى.
ول داۋدىڭ قالاي باستالىپ، قالاي «تىنشىعانىن» وزدەرىڭىز دە بىلەسىزدەر. ءبىز دە بۇل تۋرالى ءوز ۋاقىتىندا ايتتىق، جازدىق. قازىر قايتالاپ جاتپايىق. ەستەرىڭىزگە ءتۇسىرۋ ءۇشىن، ماتەريالداردىڭ سىلتەمەسى مىنەكەي:
1. مولوتوۆتىڭ نەمەرەسى «سوعىس» تىلەپ وتىر ما؟..
2. بۇل – ميلليونداعان قازاقتىڭ تاريحي تانىمىن قورلاۋ!
4. «ولار «قازاق تۇرماعان» دەگەن جەردە مىڭداعان قازاقتىڭ سۇيەگى جاتىر»
5. ءپۋتيننىڭ تاعى ءبىر «دەپۋتاتى» قازاق جەرىنە شۇيلىكتى
6. سوباكا لاەت، كاراۆان دۆيجەتسيا...
7. تۇرىك جاستارى: قازاقستاننان تارت قولىڭدى، رەسەي!
9. دۋما ۇشتىگىنىڭ ساندىراعى ءھام ءمينيستردىڭ جاۋابى
10. فەدوروۆتىڭ ۇيىمى كىمدى، نەدەن ازات ەتپەكشى؟
11. پوليتسيا: «استانادا «نود» ۇيىمى جوق»، دەيدى
12. شەۆچەنكو: ماسكەۋدەن تەك يمپەرياليزمدى كۇتۋگە بولادى
13. داۋىل الدىنداعى ىسقىرىق...
14. شەكارامىزدى داۋلاۋعا ەشكىمنىڭ حاقىسى جوق!
15. جەر دە - قازاقتىكى، ەل دە - قازاقتىكى!
ورىس (رەسەي) ساياساتكەرلەرىنىڭ بۇل پروۆوكاتسياسى قازاق قوعامىندا، قازاق قوعامىندا عانا ەمەس تۇركىتىلدەس ەلدەردە دە اجەپتاۋىر تالقى بولدى.
«نود استانا»
جوعارىداعى ۆ.نيكونوۆتىڭ بەيساۋات سوزدەرىنەن سوڭ تۇتانعان داۋعا بەلسەندى ارالاسقان ورىس دەپۋتاتتارىنىڭ ءبىرى – ەۆگەني فەدوروۆ دەيتىن ادام بولدى. ول دا ۆلاديمير پۋتين باسقاراتىن «ەدينايا روسسيا» پارتياسىنىڭ وكىلى. رەسەيدىڭ فەدەرالدى دۋماسىنىڭ بەس مارتە دەپۋتاتى بولعان، قازىر مەملەكەتتىك دۋمادا دەپۋتات. اۋعان سوعىسىنىڭ ارداگەرى جانە «ۇلتتىق ازات ەتۋ قوزعالىسى» ساياسي بىرلەستىگىنىڭ ليدەرى.
بىلتىر جەلتوقساندا ءبىز فەدوروۆتىڭ «ۇلتتىق ازات ەتۋ قوزعالىسىنىڭ» ءبىر فيليالى قازاقستاندا دا جۇمىس ىستەپ جاتقانىن، ول ۇيىمنىڭ - «نود استانا» دەپ اتالاتىنىن ايتىپ، دابىل قاقتىق. «فەدوروۆتىڭ ۇيىمى كىمدى، نەدەن ازات ەتپەكشى؟»، - دەپ جازدىق. سول ۋاقىتتا جاڭاعى «نود استانا» دەپ اتالاتىن سايت اشىق تۇردى. جاي تۇرعان جوق، «ءبىزدىڭ قاتارىمىزعا قوسىل»، دەپ شاقىرىپ تۇردى.
ارادا ەكى-ءۇش كۇن وتكەندە استانا (نۇر-سۇلتان) پوليتسياسى: «ەلوردامىزدا فەدوروۆتىڭ ۇاق شتابى جوق», دەپ مالىمدەمە جاسادى.
«داننايا ينفورماتسيا پروۆەرەنا. پو ۆىشەۋكازاننومۋ ادرەسۋ ي نا تەرريتوري ستوليتسى ۆ تسەلوم شتابا ورگانيزاتسي پود نازۆانيەم نود نە سۋششەستۆۋەت. سسىلكا فەيكوۆايا، ا ليتسا، ۋكازاننىە ۆ ەتوي ورگانيزاتسي، نە ياۆليايۋتسيا گراجدانامي رك. پروسيم نە پودداۆاتسيا نا پروۆوكاتسيوننىە دەيستۆيا»، - دەدى.
وسىدان سوڭ، الەۋمەتتىك جەلىدەگى ءبىراز جۇرت استانا پوليتسياسىنىڭ سوزدەرىنە سەنگەندەي بولدى. ال بيىلعى جىلدىڭ 10 قاڭتارىندا (قازاقستاندا) پارلامەنت سايلاۋى وتكەننەن كەيىن بۇل داۋدىڭ قىزۋ تالقىسى ءسال سايابىرسىعان سىڭايلى ەدى. كەشە تاعى ءبىر داۋلى ءھام قاۋىپتى ماسەلەنىڭ بەتى اشىلدى. بۇگىن سول تۋرالى «دابىل» قاعامىز...
«نود» دەگەن ۇيىم وسكەمەندە دە اشىلعان با؟
«You Tube» جەلىسىندەگى «ءتىل مايدانى» (Til Maydanı) ارناسىندا وسكەمەندىك قۋات ەسىمدى ازامات «رەسەي قازاقستاننان تەرريتوريانى قايتارۋىن تالاپ ەتۋ كەرەك»، دەپ سويلەيتىن ەۆگەني فەدورۆتىڭ «نود» دەگەن ۇيىمى اشىلعانىن ءھام جۇمىس جاساپ جاتقانىن مالىمدەدى.
قۋاتتىڭ ايتۋىنشا، «نود» ۇيىمى وسكەمەن قالاسىندا اشىلعان. ۇيىم وكىلدەرى قالا ىشىندە ارنايى پاراقشالار تاراتىپ، جۇرتتى ءوز قاتارلارىنا تارتۋدى باستاپتى. الگى ءبىر بەتتىك پاراقشادا «قازسسر»، «سسسر» دەگەن سوزدەر قولدانىلعان.
سونداي-اق، «بۇل مالىمدەمە ارقىلى مەن ءوزىمنىڭ كسرو ازاماتى ەكەنىمدى راستايمىن»، «كسرو مەن قازسسر ازاماتتىعىنان شىعۋ تۋرالى ارىزعا قول قويعان جوقپىن»، «قر ازاماتتىعىن قابىلداۋ تۋرالى ارىزعا قول قويعان جوقپىن»، دەگەن سويلەمدەر جازىلعان.
وسى جايلى «ءتىل مايدانى» بەلسەندىلەرى قازاقستاننىڭ قۇزىرلى ورگاندارىنا بەينە ۇندەۋ جولداپ، «نود» ۇيىمىنىڭ سەپاراتيستىك ارەكەتتەرىن اشكەرەلەگەن. بەينە ۇندەۋ مەن سۆەتلانا ۆيكتوروۆنا دەيتىن اداممەن (قوزعالىستىڭ كۋراتورى) بولعان 6 مينۋتتىق ديالوگ «ءتىل مايدانى» «You Tube» ارناسىنا 26 قاڭتار 2021 جىلى جاريالانعان.
;feature=youtu.beقازاقستاننىڭ قۇزىرلى ورگاندارى، قر ۇقك، قر ءىىم مينيسترلىگى، قر باس پروكۋراتۋراسى اتالعان جايدى باسشىلىققا الىپ، ەلىمىز بەن جەرىمىزگە كوز الارتقان ارانداتۋشىلاردىڭ جولىن دەرەۋ كەسۋى كەرەك! قازاقستاننىڭ تەرريتوريالىق تۇتاستىعىن قاساقانا بۇزۋدى ماقسات ەتكەندەر قىلمىستىق جاۋاپكەرشىلىككە تارتىلۋى كەرەك!
رەسەيدىڭ «ۇلتتىق ازات ەتۋ قوزعالىسى» (نود) قازاقستاندا نە ءۇشىن جۇمىس ىستەپ تۇر؟ ارانداتۋشىلاردىڭ اشىق ۇگىت جاساۋى – تاۋەلسىزدىگىمىزگە ۇلكەن قاتەر ەكەنى انىق! بۇل باسسىزدىقتىڭ جولى بۇگىن كەسىلمەسە، ەرتەڭ كەش!
Abai.kz
