«الماتى» تەلەارناسىنىڭ ەفيرىنەن ۇلتتىق مۋزىكا ونەرىن دارىپتەيتىن «دالا سازى» باعدارلاماسى كورەرمەنگە جول تارتتى.

باعدارلامانىڭ ماقساتى دا اتادان بالاعا مۇرا بولىپ كەلە جاتقان، قاسيەتتى قارا دالامىزدى عاسىرلار بويى تەربەپ تۇرعان ءتول ونەرىمىز – ءداستۇرلى ءان، جىر-تەرمەلەردى، كۇيلەردى ودان ءارى دامىتىپ، وسكەلەڭ ۇرپاققا جەتكىزۋ، اتامۇرا ونەردىڭ قاسيەتىن سەزىنۋ.

«دالا سازىنىڭ» العاشقى سانى قازاق ءداستۇرلى مۋزىكاسىنداعى ءازىل-قالجىڭعا قۇرىلعان ءان-كۇيلەرگە ارنالدى. باعدارلاما قوناقتارى ۇلتتىق ونەردىڭ وكىلدەرى – قر ەڭبەك سىڭىرگەن ءارتىسى، ءانشى رامازان ستامعازيەۆ، ءداستۇرلى ءانشى امانگەلدى كۇزەۋباي، كۇيشى ەرجان جامەڭكەەۆ، قر مادەنيەت قايراتكەرى، سىبىزعىشى تالعات مۇقىشەۆ، قر مادەنيەت سالاسىنىڭ ۇزدىگى، ءداستۇرلى ءانشى ارمات يسلامعاليەۆ. ولار اننەن شاشۋ شاشىپ، كۇمبىرلەتە كۇي توكتى. باعدارلاما شىمىلدىعىن رامازان ستامعازيەۆ ۇكىلى ىبىرايدىڭ «قىزىل اسىق» انىمەن اشتى. باعدارلاما قوناقتارى ءان-كۇيدى ناقىشىنا كەلتىرە ورىنداپ قانا قويماي، مۋزىكانىڭ شىعۋ تاريحىن، كومپوزيتورىن، العاشقى ورىنداۋشىسىن، حالىقتىڭ بەرگەن باعاسىن ايتادى. ياعني، باعدارلامانىڭ رۋحاني تانىمدىق باعىتى دا جوق ەمەس. كورەرمەن اسەم انمەن سۋسىنداپ، سۇبەلى سۇقبات كورە الادى.

ايتا كەتۋ كەرەك، «دالا سازى» باعدارلاماسى 15 تاقىرىپتان تۇرادى.  قازاق ءداستۇرلى مۋزىكاسىنداعى ءازىل-قالجىڭعا قۇرىلعان ءان-كۇيلەر، قازاق ءداستۇرلى مۋزىكاسىنداعى ماحاببات، ناۋبەت، زۇلمات جىلدار، قازاق ءان ونەرىندەگى كۇرەسكەر ءانشى-كومپوزيتورلار، اباي اندەرى، ايتىس ونەرى، سونىمەن قاتار ەتنو-فالكلور انسامبلدەرىنىڭ شىعارماشىلىعىنا ارنالادى.

«دالا سازى» باعدارلاماسىن ءار سەنبىنىڭ كەشىندە ساعات 20.30-دا تاماشالاڭىزدار!

Abai.kz