قازۇۋ جەرىن العان كومپانيالاردىڭ ارتىندا تيمۋر قۇلىباەۆ تۇر. بۇل تۋرالى Arasha.kz مالىمدەدى. 

بۇعان دەيىن ORDA.kz 2017 جىلدىڭ تامىزىندا اۋماعى 0,7495 گا جەردى الماتى اكىمدىگى OMIREX جشس-عا ۋاقىتشا پايدالانۋعا بەرگەنىن، ال مۇلىكتى ATLAS DEVELOPMENT جشس-نىڭ جارعىلىق كاپيتالىنا وتكىزىپ جىبەرگەنىن جازعان.

Ras Aitamyn Telegram-ارناسى بۇل كومپانيالاردىڭ ارتىندا كىمدەر تۇرعانىن زەرتتەدى.

2009 جىلدىڭ شىلدەسىندە قۇرىلعان OMIREX كومپانياسىنىڭ قۇرىلتايشىلارى – ۋرازاەۆا فاتيما مۋستافاەۆنا مەن Joint Technologies كومپانياسى. ال Joint Technologies-ءتىڭ قۇرىلتايشىلارى – ساگديەۆا راۋشان ميحتاەۆنا جانە «كيپروس» جشس. ال «كيپروس» جشس-نىڭ قۇرىلتايشىسى – ەلدەگى ەڭ داۋلەتتى وليگارحتاردىڭ ءبىرى، ەكس-پرەزيدەنتتىڭ كۇيەۋبالاسى تيمۋر قۇلىباەۆ. ياعني قۇلىباەۆ «Joint Technologies» ارقىلى قازۇۋ-دىڭ جەرىن اكىمشىلىك ارقىلى ۋاقىتشا پايدالانۋعا العان OMIREX كومپانياسىنا يەلىك ەتەدى.

راۋشان ساگديەۆا دا، فاتيما ۋرازاەۆا دا تيمۋر اسقارۇلىنا جاقىن ادامدار.

فاتيما ۋرازاەۆانىڭ ۇلى ەرلان ۋپۋشەۆ تيمۋر اسقارۇلىمەن يىق تىرەسىپ جۇمىس ىستەگەن. ول «شۇباركول پرەميۋم» اق-نىڭ باس ديرەكتورى قىزمەتىن اتقارعان. ال “شۇباركول پرەميۋم” اق-نىڭ نەگىزگى اكتسيونەرى – تيمۋر قۇلىباەۆ يەلىك ەتەتىن “Joint Resources» اق. سونداي-اق ۋپۋشەۆ قۇلىباەۆ پەن ءوزىنىڭ اناسى فاتيما ۋرازاەۆا يەلىك ەتەتىن كومىر ءوندىرۋشى «مايكۋبەن ۆەست» جشس-نىڭ باس ديرەكتورى بولعان. ءتىپتى «اتامەكەن» كاسىپكەرلەر پالاتاسى پرەزيديۋم توراعاسى تيمۋر قۇلىباەۆتىڭ قولىنان «پاراسات» وردەنىن العان.

ۋپۋشەۆتىڭ اناسى، 77 جاستاعى زەينەتكەر فاتيما ۋرازاەۆانىڭ دا تيمۋر قۇلىباەۆ كومپانيالارىمەن بايلانىسى بار. ونىڭ جەكە نەمەسە جالعا الىناتىن مۇلىكتى پايدالانۋ جانە باسقارۋمەن اينالىساتىن «تبن” كومپانياسى بار. وسى “تبن-نىڭ” تاعى ءبىر قۇرىلتايشىسى – «Mercury Properties» جشس. ال «Mercury Properties» جشس-نىڭ قۇرىلتايشىلارى – تيمۋر قۇلىباەۆتىڭ «كيپروس» كومپانياسى مەن دينارا قۇلىباەۆا.

ۋرازاەۆا مەن قۇلىباەۆتىڭ بيزنەس بايلانىسى مۇنىمەن بىتپەيدى. «Demir Delux» جشس-نىڭ قۇرىلتايشىلارى دا – ف.ۋرازاەۆا مەن قۇلىباەۆتىڭ «كيپروس» كومپانياسى. Premier Development Company» جشس-نا دا فاتيما ۋرازاەۆا مەن «Joint Resources» اق ارقىلى قۇلىباەۆ يەلىك ەتەدى. «Joint Resources» اق-عا «قازازوت» اق-نىڭ 50 پايىز اكتسياسى تيەسىلى، سونداي-اق «Joint Resources» «شۇباركول پرەميۋم» اق-نىڭ نەگىزگى اكتسيونەرى.

قازۇۋ جەر داۋى مەن اكىمدىك قاۋلىسىندا اتى اتالاتىن تاعى ءبىر كومپانيا – ATLAS DEVELOPMENT جشس-نىڭ دا قۇلىباەۆقا تىكەلەي قاتىسى بار. بۇل كومپانيانىڭ قۇرىلتايشىلارى: قۇلىباەۆ يەلىك ەتەتىن «كيپروس» جشس مەن ساگديەۆا راۋشان.

راۋشان ساگديەۆا دا قۇلىباەۆتىڭ سەنىمدى ادامدارىنىڭ ءبىرى. ول قۇلىباەۆ يەلىك ەتەتىن «كيپروس» جشس-نىڭ جەتەكشىسى. «كيپروس» كومپانياسى ارقىلى تيمۋر قۇلىباەۆ پەن ساگديەۆا راۋشان رەسەيدەگى «روسستروينۆەستكە» يەلىك ەتەدى.

اكىمدىك قاۋلىسىندا اتى اتالاتىن ATLAS DEVELOPMENT ءال-فارابي داڭعىلىنان تومەن، ەسەنتاي وزەنىنىڭ باتىسىنداعى قازۇۋ-عا جاقىن جەرگە يەلىك ەتەدى. ول اۋماقتا جەراستى پاركينگى بار كوپقاباتتى ءۇي سالىنباق. ATLAS DEVELOPMENT-ءتىڭ جەرگە يەلىك ەتۋ قۇقىعى 2017 جىلدىڭ 9 قاراشاسىنداعى ساتۋ-ساتىپ الۋ كەلىسىمشارتىمەن بەكىتىلگەن.
ATLAS DEVELOPMENT جشس «قازۇۋ جەرلەرىنىڭ ءۇشىنشى تۇلعالارعا ءوتىپ كەتكەنى تۋرالى جەكەلەگەن ادامداردىڭ تاراتقان اقپاراتىندا ايتىلعان جەرگە وزدەرىنە تيەسىلى اۋماقتىڭ قاتىسى جوعىن» مالىمدەگەن. بىراق اڭگىمە ATLAS DEVELOPMENT-كە اكىمدىك ارقىلى ءوتىپ كەتكەن مۇلىكتە بولىپ وتىر عوي. اكىمدىك مۇلىك ATLAS DEVELOPMENT-كە، ال جەردى ۋاقىتشا پايدالانۋ Omirex-كە بەرىلگەنىن ايتقان. بىراق بۇل ەكى كومپانيا ءبىر-بىرىمەن بايلانىستى، kompra.kz مالىمەتىنشە، 2016-2019 جىلدارى Omirex جشس ATLAS DEVELOPMENT جشس-نىڭ قۇرىلتايشىسى بولعان.

Abai.kz