مەملەكەت باسشىسى قاسىم-جومارت توقاەۆ جاڭاتاس قالاسىنداعى قايعىلى وقيعادان قازا بولعان بالالاردىڭ اتا-اناسىنا كوڭىل ايتتى. بۇل تۋرالى بەرىك ءۋالي مالىمدەدى.

«پرەزيدەنت قاسىم-جومارت توقاەۆ جاڭاتاس قالاسىنداعى ءورتتىڭ سالدارىنان بالالاردىڭ قازا بولۋىنا بايلانىستى كوڭىل ايتۋ جەدەلحاتىن جولدادى.

مەملەكەت باسشىسى ابدىمالىكوۆتەر وتباسىنىڭ قايعىسىمەن ءبولىسىپ، قازا بولعان بالالاردىڭ اتا-اناسى مەن تۋىستارىنا كوڭىل ايتتى.

پرەزيدەنت بۇل جاعدايدى ءبىر عانا وتباسىنىڭ ەمەس، بۇكىل ەلىمىزدىڭ باسىنا تۇسكەن تراگەديا دەپ سانايدى. ول بالالاردىڭ اتا-اناسىنا جان-جاقتى كومەك كورسەتۋدى تاپسىردى.

مەملەكەت باسشىسىنىڭ كوڭىل ايتۋ جەدەلحاتىن جامبىل وبلىسىنىڭ اكىمى بەردىبەك ساپارباەۆ جەتكىزدى»،- دەپ جازدى پرەزيدەنتتىڭ ءباسپاسوز حاتشىسى.

ايتا كەتەيىك، 19 اقپان كۇنى جامبىل وبلىسى سارىسۋ اۋدانى جاڭاتاس قالاسىنداعى 2 ىقشاماۋدانداعى 5 قاباتتى تۇرعىن ءۇيدىڭ 3-ءشى قاباتىندا ءورت شىققان. سالدارىنان  2015, 2016, 2017, 2019 جانە 2020 جىلى تۋعان بەس بالا قايتىس بولدى.

Abai.kz