جاڭاوزەندەگى جاپپاي تارتىپسىزدىك وقيعاسى بويىنشا 37 تۇلعاعا قاتىستى العاشقى سوت وتىرىسى وتەدى
ەرتەڭ، 27 ناۋرىز كۇنى ساعات 10.00-دە اقتاۋ قالاسىندا 2011 جىلدىڭ 16-17 جەلتوقسانىندا جاڭاوزەن قالاسىندا ورىن العان جاپپاي تارتىپسىزدىك وقيعاسى بويىنشا
37 تۇلعاعا قاتىستى قىلمىستىق ءىس بويىنشا العاشقى سوت وتىرىسى وتەدى. بۇل تۋرالى بۇگىن وتكەن بريفينگتە قر جوعارعى سوتىنىڭ رەسمي وكىلى وكسانا پەتەرس ءمالىم ەتتى.
«سوت وتىرىسى 37 سوتتالۋشىنى، 100-دەن استام جابىرلەنۋشى مەن 45 كۋاگەردى سىيعىزا الاتىن «ارمان» جاستار ورتالىعىنىڭ عيماراتىندا وتكىزىلەدى. سونداي-اق قىلمىستىق پروتسەسسكە 6 مەملەكەتتىك ايىپتاۋشى، 12 قورعاۋشى قاتىسادى دەپ كۇتىلۋدە. سوت ۇدەرىسىنىڭ اشىقتىعى مەن جاريالىلىعىن، ءىستىڭ جان-جاقتى قارالۋىن قامتاماسىز ەتۋ ماقساتىندا سوت تالقىلاۋىنىڭ بارىسىن باقىلاۋشىلارعا جانە زارداپ شەككەندەر مەن ايىپتالۋشىلاردىڭ تۋىستارى، قۇقىق قورعاۋ ورگاندارىنىڭ وكىلدەرى ءۇشىن بارلىق جاعداي مەن قوسىمشا ورىندار قاراستىرىلعان»، - دەيدى وكسانا پەتەرس.
ونىڭ ايتۋىنشا، باق ءۇشىن ارنايى ءباسپاسوز ورتالىعى دا جۇمىس ىستەيتىن بولادى. ءاربىر سوت وتىرىسىنىڭ ناتيجەسى بويىنشا وبلىستىق سوتتىڭ رەسمي وكىلى جۋرناليستەرگە ارناپ بريفينگ ۇيىمداستىرادى.
توقتالا كەتەتىن جايت، اتالعان قىلمىستىق ءىس بويىنشا 37 تۇلعا ايىپتالۋدا. ايىپتالۋشىلار قازاقستان رەسپۋبليكاسى قىلمىستىق كودەكسىنىڭ باپتارىمەن كۇش قولدانعاندارى، قيراتۋلار، ورتەۋ، بۇزۋ، مۇلىكتى جويۋعا ۇلاسقان جاپپاي تارتىپسىزدىكتى ۇيىمداستىرعانى، ۇكىمەت وكىلىنە قاتىستى كۇش قولدانىپ، توناۋشىلىق جاساعاندارى ءۇشىن ايىپتالۋدا.
ەرتەڭ، 27 ناۋرىز كۇنى ساعات 10.00-دە اقتاۋ قالاسىندا 2011 جىلدىڭ 16-17 جەلتوقسانىندا جاڭاوزەن قالاسىندا ورىن العان جاپپاي تارتىپسىزدىك وقيعاسى بويىنشا
37 تۇلعاعا قاتىستى قىلمىستىق ءىس بويىنشا العاشقى سوت وتىرىسى وتەدى. بۇل تۋرالى بۇگىن وتكەن بريفينگتە قر جوعارعى سوتىنىڭ رەسمي وكىلى وكسانا پەتەرس ءمالىم ەتتى.
«سوت وتىرىسى 37 سوتتالۋشىنى، 100-دەن استام جابىرلەنۋشى مەن 45 كۋاگەردى سىيعىزا الاتىن «ارمان» جاستار ورتالىعىنىڭ عيماراتىندا وتكىزىلەدى. سونداي-اق قىلمىستىق پروتسەسسكە 6 مەملەكەتتىك ايىپتاۋشى، 12 قورعاۋشى قاتىسادى دەپ كۇتىلۋدە. سوت ۇدەرىسىنىڭ اشىقتىعى مەن جاريالىلىعىن، ءىستىڭ جان-جاقتى قارالۋىن قامتاماسىز ەتۋ ماقساتىندا سوت تالقىلاۋىنىڭ بارىسىن باقىلاۋشىلارعا جانە زارداپ شەككەندەر مەن ايىپتالۋشىلاردىڭ تۋىستارى، قۇقىق قورعاۋ ورگاندارىنىڭ وكىلدەرى ءۇشىن بارلىق جاعداي مەن قوسىمشا ورىندار قاراستىرىلعان»، - دەيدى وكسانا پەتەرس.
ونىڭ ايتۋىنشا، باق ءۇشىن ارنايى ءباسپاسوز ورتالىعى دا جۇمىس ىستەيتىن بولادى. ءاربىر سوت وتىرىسىنىڭ ناتيجەسى بويىنشا وبلىستىق سوتتىڭ رەسمي وكىلى جۋرناليستەرگە ارناپ بريفينگ ۇيىمداستىرادى.
توقتالا كەتەتىن جايت، اتالعان قىلمىستىق ءىس بويىنشا 37 تۇلعا ايىپتالۋدا. ايىپتالۋشىلار قازاقستان رەسپۋبليكاسى قىلمىستىق كودەكسىنىڭ باپتارىمەن كۇش قولدانعاندارى، قيراتۋلار، ورتەۋ، بۇزۋ، مۇلىكتى جويۋعا ۇلاسقان جاپپاي تارتىپسىزدىكتى ۇيىمداستىرعانى، ۇكىمەت وكىلىنە قاتىستى كۇش قولدانىپ، توناۋشىلىق جاساعاندارى ءۇشىن ايىپتالۋدا.
30 تۇلعاعا قاتىستى «قاماۋعا الۋ» تۇرىندەگى بۇلتارتپاس شاراسى، 7 تۇلعاعا - «ەشقايدا كەتپەۋ جانە ءوزىن-ءوزى دۇرىس ۇستاۋ» جونىندەگى قولحات ارقىلى شارا قولدانىلعان.
«وسى قىلمىستىق ءىس بويىنشا جابىرلەنۋشىلەر قاتارىندا جەكە تۇلعالار، ورتەنگەن اۆتوكولىك يەلەرى، مەيرامحانالار، دۇكەندەر مەن كەڭسەلەردىڭ يەلەرى جانە جاڭاوزەن قالاسىنىڭ بىرقاتار كاسىپكەرلەرى بار»، - دەيدى و. پەتەرس.
قازاقپارات
