بەيسەنبى, 22 ءساۋىر 2021
2004 1 پىكىر 25 اقپان, 2021 ساعات 13:18

كحدر بيلىگى ساياسي تۇتقىنداردى كومىر وندىرۋگە پايدالانادى

كحدر بيلىگى ساياسي تۇتقىنداردى، سونىڭ ىشىندە بالالاردى كومىر وندىرۋگە پايدالانادى.

كەڭسەسى سەۋلدە ورنالاسقان سولتۇستىك كورەياداعى ادام قۇقىقتارى ءۇشىن ازاماتتىق اليانسى وسىنداي تۇجىرىم جاسادى، دەپ حابارلادى Reuters.

ادام قۇقىقتارىن قورعاۋ ۇيىمى "سولتۇستىك كورەيانىڭ قاندى كومىر ءوندىرىسى: بيلىك قۇرىلىمدارىنا دەم بەرەتىن تابىس پيراميداسى" دەپ اتالاتىن بايانداما ازىرلەدى. قۇجاتتا كونتسلاگەرلەردەگى ساياسي تۇتقىندار كومىر كەندەرىندە جۇمىس ىستەيتىنى ايتىلعان.

بۇۇ سولتۇستىك كورەياعا كومىردى شەتەلگە ساتۋعا تىيىم سالعان. بۇل سانكتسيا پحەنياننىڭ جاپپاي قىرىپ جوياتىن قارۋ وندىرىسىنە قاجەتتى قاراجاتتىڭ جولىن كەسۋ ماقساتىندا ەنگىزىلگەن. بۇۇ مالىمەتى بويىنشا، سولتۇستىك كورەياداعى ەڭبەك لاگەرلەرىندە 200 مىڭعا جۋىق تۇتقىن وتىر. لاگەرلەر كەن وندىرىستەرىنە جاقىن ورنالاسقان.

Abai.kz

 

1 پىكىر