اقش بيىل بۇۇ-نىڭ ادام قۇقىقتارى جءونىندەگى كەڭەسىنە سايلانۋدى كءوزدەيدى. بۇل تۋرالى مەملەكەتتىك حاتشى ەنتوني بلينكەن كەڭەستىڭ 24 اقپاندا جەنەۆادا باستالعان كەزەكتى سەسسياسىنا قاتىسۋشىلارعا ارنالعان بەينەءۇندەۋىندە مءالىمدەدى.

بلينكەننىڭ ايتۋىنشا، ۆاشينگتون كەڭەسكە 2022-2024 جىلدار ارالىعىندا مۇشە بولۋ تۋرالى ارىز تاپسىرادى. ء"بىز بۇۇ-عا مۇشە مەملەكەتتەردى ارىزىمىزدى قولداۋعا شاقىرامىز", - دەدى مەملەكەتتىك حاتشى.

اقش بۇۇ-نىڭ ادام قۇقىقتارىن قورعاۋ كەڭەسىنەن 2018 جىلى شىعىپ كەتتى. قۇراما شتاتتاردىڭ سول كەزدەگى پرەزيدەنتى دونالد ترامپ بۇل ورگاننىڭ يزرايلگە قاتىناسىن، رەفورمانىڭ جوقتىعىن سىناعان. بلينكەننىڭ ايتۋىنشا، جاڭا باسشىلىق بۇرىنعى ۇكىمەتتىڭ سىنىمەن تولىق كەلىسپەيدى.

47 مۇشەدەن تۇراتىن كەڭەستىڭ جىلداعى سايلاۋى بيىل قازاندا بۇۇ-نىڭ باس اسسامبلەياسىندا ءوتۋى ءتيىس. كەڭەستىڭ قازىرگى قۇرامىنا ۇلىبريتانيا، قىتاي، رەسەي جانە باسقا دا مەملەكەتتەر كىرەدى.

Abai.kz