قاراعاندىدا ۇلەسكەرلەردىڭ قاراجاتىنا سالىنعان بەس قاباتتى ءۇي قۇلادى
قاراعاندىدا ءۇش جىل بۇرىن ۇلەسكەرلەردىڭ قارجىسىنا سالىنعان «بەسوبا» كەشەنىندەگى بەس قاباتتى ءۇيدىڭ اپاتتى بولىگى وپىرىلىپ ءتۇستى.
«بۇگىن ءۇيدىڭ اپاتتى بولىگى وپىرىلىپ قۇلادى، وقيعا ورنىنا كوميسسيا مۇشەلەرى كەلدى»، - دەپ حابارلادى قاراعاندى قالاسى ءباسپاسوز قىزمەتىنەن.
بۇرىن حابارلانعانداي، 1 ءساۋىر كۇنى بۇدان ءۇش جىل بۇرىن ۇلەسكەرلەردىڭ قاتىسۋىمەن سالىنعان قاراعاندىداعى «بەسوبا» شاعىن اۋدانىنىڭ № 7 ۇيىندە قۇرىلىستىق سالماق تۇسەتىن كونسترۋكتسيالار وپىرىلىپ قۇلادى. ءۇيدىڭ سىرتقى قاباتىنداعى ءتورتىنشى جانە بەسىنشى كىرەبەرىستەر اراسىندا تەحنيكالىق قاباتتىڭ ىرگەتاستىق بلوگىنىڭ تومەنگى بولىگى جارىلعان بولاتىن. بۇل كىرەبەرىستەردىڭ اراسىندا عيماراتتىڭ نەگىزگى تىرەكتەرى ورنىنان جىلجىپ كەتكەن. ەكى كىرەبەرىستەگى پاتەرلەردىڭ قابىرعالارى جارىلعان ەدى.
قاراعاندى وبلىسى اكىمدىگىنىڭ قاۋلىسىمەن 3 ءساۋىر كۇنى تۇرعىن ۇيدە ەسكەرتۋ شارالار كەشەنىن ورىنداۋ ءۇشىن توتەنشە جاعداي رەجيمى ەنگىزىلدى.
قارجى پوليتسياسى بۇل ءۇيدىڭ قۇرىلىسىمەن اينالىسقان «سەرۆيسپرومسناب» جشس-ءنىڭ ديرەكتورى اندرەي ماليانوۆقا قاتىستى ۇلەسكەرلەردى الداۋ فاكتىسى بويىنشا قىلمىستىق ءىستى تەرگەپ جاتىر. الدانعان ۇلەسكەرلەردىڭ اقشاسىن جىمقىرىپ، ءىزىن جاسىرىپ كەتكەن كومپانيا باسشىسىنا ىزدەۋ جاريالاندى.
"قازاقپارات"
قاراعاندىدا ءۇش جىل بۇرىن ۇلەسكەرلەردىڭ قارجىسىنا سالىنعان «بەسوبا» كەشەنىندەگى بەس قاباتتى ءۇيدىڭ اپاتتى بولىگى وپىرىلىپ ءتۇستى.
«بۇگىن ءۇيدىڭ اپاتتى بولىگى وپىرىلىپ قۇلادى، وقيعا ورنىنا كوميسسيا مۇشەلەرى كەلدى»، - دەپ حابارلادى قاراعاندى قالاسى ءباسپاسوز قىزمەتىنەن.
بۇرىن حابارلانعانداي، 1 ءساۋىر كۇنى بۇدان ءۇش جىل بۇرىن ۇلەسكەرلەردىڭ قاتىسۋىمەن سالىنعان قاراعاندىداعى «بەسوبا» شاعىن اۋدانىنىڭ № 7 ۇيىندە قۇرىلىستىق سالماق تۇسەتىن كونسترۋكتسيالار وپىرىلىپ قۇلادى. ءۇيدىڭ سىرتقى قاباتىنداعى ءتورتىنشى جانە بەسىنشى كىرەبەرىستەر اراسىندا تەحنيكالىق قاباتتىڭ ىرگەتاستىق بلوگىنىڭ تومەنگى بولىگى جارىلعان بولاتىن. بۇل كىرەبەرىستەردىڭ اراسىندا عيماراتتىڭ نەگىزگى تىرەكتەرى ورنىنان جىلجىپ كەتكەن. ەكى كىرەبەرىستەگى پاتەرلەردىڭ قابىرعالارى جارىلعان ەدى.
قاراعاندى وبلىسى اكىمدىگىنىڭ قاۋلىسىمەن 3 ءساۋىر كۇنى تۇرعىن ۇيدە ەسكەرتۋ شارالار كەشەنىن ورىنداۋ ءۇشىن توتەنشە جاعداي رەجيمى ەنگىزىلدى.
قارجى پوليتسياسى بۇل ءۇيدىڭ قۇرىلىسىمەن اينالىسقان «سەرۆيسپرومسناب» جشس-ءنىڭ ديرەكتورى اندرەي ماليانوۆقا قاتىستى ۇلەسكەرلەردى الداۋ فاكتىسى بويىنشا قىلمىستىق ءىستى تەرگەپ جاتىر. الدانعان ۇلەسكەرلەردىڭ اقشاسىن جىمقىرىپ، ءىزىن جاسىرىپ كەتكەن كومپانيا باسشىسىنا ىزدەۋ جاريالاندى.
"قازاقپارات"
