مەملەكەتتىك ورگاندار 2021 جىلدىڭ ءبىرىنشى توقسانىندا وتكەن جىلدىڭ سايكەس كەزەڭىمەن سالىستىرعاندا شىعىندار بويىنشا كورسەتكىشتەردى الدەقايدا جاقسارتتى,- دەپ حابارلايدى قر قارجى مينيسترلىگى.

ماسەلەن، مەملەكەتتىك بيۋدجەتتىڭ شىعىستارى 99,5% -عا، رەسپۋبليكالىق - 99,8% -عا، جەرگىلىكتى بيۋدجەتتەر - 99,1% -عا ورىندالدى.

قارجى ءمينيسترى ەرۇلان جاماۋباەۆتىڭ ايتۋىنشا، رەسپۋبليكالىق بيۋدجەت شىعىستارى 3,5 ترلن. تەڭگەنى قۇرايدى. بيۋدجەتتىڭ 7 ميلليارد تەڭگەسى ورىندالمادى، ونىڭ 4 ميلليارد تەڭگەسى ۇنەمدەلدى، 3 ميلليارد تەڭگەسى يگەرىلمەدى.

قارجى ءمينيستىرىنىڭ ايتۋىنشا بۇعان نەگىزگى سەبەپ، تەندەرلىك راسىمدەردىڭ ۇزاق جانە ۋاقتىلى وتكىزىلمەۋى، تەك ناقتى كورسەتىلگەن قىزمەت كولەمىنە اقى تولەۋ، بيۋدجەتتىك باعدارلامالاردى ىسكە اسىرۋ ءۇشىن نورماتيۆتىك قۇقىقتىق اكتىلەردى ۋاقتىلى قابىلداماۋ.

جەرگىلىكتى بيۋدجەتتىڭ شىعىندارى 1,4 ترلن. تەڭگەنى قۇرادى. ورىندالماعان قارجى كولەمى - 13 ميلليارد تەڭگە. 2021 جىلى وڭىرلەرگە بەرىلەتىن 1,9 ترلن. ماقساتتى ترانسفەرتتەردىڭ، قاڭتار-ناۋرىز ايلارىندا ولارعا 328 ملرد.تەڭگە ءبولىندى، يگەرۋ 99,2% قۇرادى، 2,5 ملرد.تەڭگە ورىندالماعان بولىپ شىقتى، ونىڭ 0,5 ملرد.تەڭگەسى ۇنەمدەلدى، يگەرىلمەدى - 2 ملرد.

بولىنگەن قارجىنى يگەرە الماعاندار قاتارىندا الماتى، نۇر-سۇلتان، باتىس قازاقستان جانە الماتى وبلىستارى كوش باستاپ تۇر.

 Abai.kz