پارلامەنت سايلاۋىنان شەتتەتىلگەن سوڭ ءبىراز ۋاقىت ءۇنسىز جاتىپ قالعان «رۋحانيات» پارتياسىنىڭ بۇرىنعى توراعاسى سەرىكجان مامبەتالين ساياسات ساحناسىندا جۇرگەن ازدى-كوپتى اتقامىنەرلەر ءۇشىن كۇتپەگەن «توسىن سىي» جاسادى. ول «فەيسبۋك» الەۋمەتتىك جەلىسى ارقىلى ۆيرتۋالدى «جاڭا ۇكىمەت» جاساقتاي باستاپتى. قۇرامىندا 200-دەي مۇشەسى بار 40 شاقتى مينيسترلەردەن تۇراتىن جاڭا كوماندا - «ازاماتتىق ۇكىمەت» دەپ اتالادى.

ەلگە تانىمال تۇلعالار مەن قاتار جۇرت بىلە بەرمەيتىن ادامدار كىرگەن «ازاماتتىق ۇكىمەتتىڭ» نەگىزگى ماقساتى - حالىقتىڭ ءسوزىن بيلىككە جەتكىزۋ سەكىلدى. ويتكەنى، ۆيرتۋالدى ۇكىمەتكە قىزىققاندارعا «وسى ۋاقىتقا دەيىن ءبىز بيلىككە سىن ايتىپ كەلگەنىمىزبەن، وپپوزيتسيا تاراپىنان ناقتى ءبىر ۇسىنىستار جاساعان جوقپىز. سوندىقتان  ازاماتتىق ۇكىمەتتىڭ باستى مىندەتى - بىرىنشىدەن حالىقپەن سويلەسۋ، ەكىنشىدەن ۇسىنىستاردى حالىققا، قوعامعا، بيلىككە جەتكىزۋ بولىپ وتىر»، - دەپ سۇحبات بەرىپتى.

پارلامەنت سايلاۋىنان شەتتەتىلگەن سوڭ ءبىراز ۋاقىت ءۇنسىز جاتىپ قالعان «رۋحانيات» پارتياسىنىڭ بۇرىنعى توراعاسى سەرىكجان مامبەتالين ساياسات ساحناسىندا جۇرگەن ازدى-كوپتى اتقامىنەرلەر ءۇشىن كۇتپەگەن «توسىن سىي» جاسادى. ول «فەيسبۋك» الەۋمەتتىك جەلىسى ارقىلى ۆيرتۋالدى «جاڭا ۇكىمەت» جاساقتاي باستاپتى. قۇرامىندا 200-دەي مۇشەسى بار 40 شاقتى مينيسترلەردەن تۇراتىن جاڭا كوماندا - «ازاماتتىق ۇكىمەت» دەپ اتالادى.

ەلگە تانىمال تۇلعالار مەن قاتار جۇرت بىلە بەرمەيتىن ادامدار كىرگەن «ازاماتتىق ۇكىمەتتىڭ» نەگىزگى ماقساتى - حالىقتىڭ ءسوزىن بيلىككە جەتكىزۋ سەكىلدى. ويتكەنى، ۆيرتۋالدى ۇكىمەتكە قىزىققاندارعا «وسى ۋاقىتقا دەيىن ءبىز بيلىككە سىن ايتىپ كەلگەنىمىزبەن، وپپوزيتسيا تاراپىنان ناقتى ءبىر ۇسىنىستار جاساعان جوقپىز. سوندىقتان  ازاماتتىق ۇكىمەتتىڭ باستى مىندەتى - بىرىنشىدەن حالىقپەن سويلەسۋ، ەكىنشىدەن ۇسىنىستاردى حالىققا، قوعامعا، بيلىككە جەتكىزۋ بولىپ وتىر»، - دەپ سۇحبات بەرىپتى.

ۆيرتۋالدى ۇكىمەتتىڭ تورىندە ازىرشە «مەملەكەتتىك حاتشىنىڭ» مىسى باسىم. ونى بەلگىلى اقىن، ءتىل جاناشىرى مۇحتار شاحانوۆقا ۇسىنعان كورىنەدى. قاۋىپسىزدىك كەڭەسىنىڭ حاتشىسى - تولەگەن جۇكەەۆ. ەلىمىزدەگى ساناۋلى عانا بۋندەركيندتەردىڭ ءبىرى - وراز جاندوسوۆتى قارجى ءمينيسترى دەپ بەكىتىپتى (وتە ءساتتى تاڭداۋ). «بۋتيا»-بولات ابىلەۆتى يندۋستريا جانە جاڭا تەحنولوگيالار ءمينيسترى دەپ كوردىك. ايتپاقشى،  بەلگىلى ساياساتكەر - عالىمجان جاقيانوۆتى جۇرت ءبىراۋىزدان ەكونوميكا سالاسىنا قۇپ كورسە، قارتايعان شاعىندا شەشىنىپ اتى شىققان گۇلجان ەرعاليەۆانىڭ اقپارات ءمينيسترى بولىپ «بەكىتىلگەنىن» بايقادىق.

ءبىر قىزىعى، ادىلەت مينيسترلىگىن جاقىندا عانا تۇرمەدەن شىققان قۇقىققورعاۋشى ەۆگەني جوۆتيس باسقاراتىن بولىپتى. ال بۇرىنعى دەپۋتات زاۋرەش باتتالوۆا - ەڭبەك جانە حالىقتى الەۋمەتتىك قورعاۋ ءمينيسترى بولسا، باقىت تۇمەنوۆا دەنساۋلىق سالاسىن ساۋىقتىراتىن ءتارىزدى. بولات اتاباەۆ - مادەنيەت، جۋرناليست ءامىرجان قوسانوۆ - كولىك جانە كوممۋنيكاتسيا ءمينيسترى. سەرىكحان جاقىپوۆ -  باس پروكۋرور، ايگۇل كوحاەۆا - ەسەپ كوميتەتىنىڭ ءتورايىمى، قايرات بوداۋحان - وتانداستار جانە كوشى-قون جونىندەگى اگەنتتىك توراعاسى، وتستاۆكاداعى گەنەرال امىربەك توعىسوۆ - قورعانىس ءمينيسترى، زاڭگەر سەرگەي ۋتكين جوعارعى سوتقا توراعالىق ەتسە، وتستاۆكاداعى پولكوۆنيك ارات نارمانبەتوۆ ۇقك-ىنە باسشىلىق جاسايدى. ءتىزىم وسىلاي جالعاسا بەرەدى. ال سەرىكجان مامبەتاليننىڭ ءوزى قورشاعان ورتانى قورعاۋ ءمينيسترىن قۇپ كورىپتى. بۇل ۇكىمەتتە كىمنىڭ پرەمەر-مينيستر بولاتىنى بەلگىسىز. الداعى ۋاقىتتا انىقتالىپ قالۋى دا عاجاپ ەمەس.

بۇنىمەن تىنباي جاڭا ۇكىمەت مۇشەلەرى ازاماتتىق ۇكىمەتتىڭ سايتى قانداي بولۋى كەرەك دەگەن ماسەلەنى تالقىلانىپ جاتقانعا ۇقسايدى. ۇكىمەتتىڭ ەلتاڭباسىنىڭ جوباسى كەلىپ ءتۇسىپتى. اقىرى، ۇكىمەتتىڭ تاڭباسى رەتىندە ماڭگىلىك نىشانىمەن كومكەرىلگەن شاڭىراق تاڭدالىپ الىنىپتى.

مامبەتاليننىڭ بۇنىسىن الدەكىمدەر ايتىپ جۇرگەندەي «بار ەكەنىنەن حابار بەرۋ» دەۋدەن اۋلاقپىز. جۇرتتىڭ باسىم بولىگى مامبەتالين پارتيانىڭ تىزگىنىن «لاقتىرىپ كەتىپتى» دەگەننەن گورى «ءوزى لاقتىرىلىپ» كەتتى دەگەنگە يلاندى. سايلاۋدا بار بولعانى 0,66 پايىز داۋىس جيناپ، اۋتسايدەر اتانعان  «ادىلەتتەن» گورى، «جاسىلداردىڭ» باعىت-باعدارى الدەقايدا انىقتاۋ كورىندى. مامبەتالين مەن نارىكباەۆتى سالىستىرا المايسىز، ال «اۋىل» مەن  «پاتريوتتار» جايلى ءسوز باسقا... ونىڭ ۇستىنە بۇل شەتەلدىك تاجىريبەدە بۇرىننان بار دۇنيە.

«رۋحانيات» پارتياسىنىڭ بۇرىنعى جەتەكشىسى سەرىكجان مامبەتاليننىڭ ايتۋىنشا، بالاما ۇكىمەت اتى ۇسىنىلعان ادامدارمەن ءالى تىكەلەي كەلىسسوز جۇرگىزىلمەگەن. بۇل تىزىمدەگىلەر «Facebok»-تەگى ازاماتتىق ۇكىمەت تۋرالى توپ بەلسەندىلەرىنىڭ ۇسىنىسى بويىنشا جاسالىپتى. «الداعى كۇندەرى الماتىدا ازاماتتىق ۇكىمەت قۇرۋ جولىنداعى جيىندار وتكىزۋدى جوسپارلاپ وتىرمىز»، - دەيدى س.مامبەتالين.

ب.نۇراتاي

"حالىق ءسوزى" گازەتى