قىتايدىڭ گانسۋ پروۆينتسياسىندا ۋلترامارافون كەزىندە جيىرمادان استام ادام قايتىس بولدى. تاۋ جارىسى كەزىندەگى قايعىلى جاعدايعا اۋا رايىنىڭ كۇرت ناشارلاۋى سەبەپ بولدى.

جارىس سەنبى كۇنى گانسۋ پروۆينتسياسىنىڭ بايين قالاسى ماڭىندا باستالدى. قاتىسۋشىلار قاشىقتىقتىڭ تاۋلى بولىگىنەن وتكەندە،  اۋا رايى كۇرت وزگەرىپ، جاڭبىر جاۋىپ، جەل سوعىپ، اۋا تەمپەراتۋراسى ءتۇسىپ كەتكەن.

مارافوندى سپورتشىلار اشىق اۋا-رايىندا باستاعاندىقتان، جەڭىل كيىنگەن، كوپشىلىگىندە جىلى كيىم بولماعان. ال تاۋلى ايماقتا اۋا تەمپەراتۋراسى 6 گرادۋسقا دەيىن ءتۇسىپ كەتكەن. بۇل كەزدە جۇگىرۋشىلەر تەڭىز دەڭگەيىنەن 2000 مەتر بيىكتىككە كوتەرىلگەن ەكەن.

جارىستى دەرەۋ توقتاتىپ، 700-دەن استام قۇتقارۋشى ىزدەۋ جۇمىستارىنا كىرىسكەن.  سپورتتىق شاراعا بارلىعى 172 ادام قاتىسىپ، ولاردىڭ 21-ءى ءۇسىپ ولگەن. قۇزىرلى ورگاندار بۇل وقيعانى تەرگەۋ ءۇشىن جۇمىس توبىن قۇردى.

Abai.kz