بايدەن پۋتينمەن كەزدەسەر الدىندا كەزەكتى سالتو جاساۋىن قويار ەمەس - ول تاعى دا كەشە نوردستريم-2 گاز قۇبىرىنا سانكتسيا سالدى. ادەتتە ەكى ەل اراسىنداعى قارىم-قاتىناس جاقسارۋى ءۇشىن قارسى تاراپتار ءبىر-بىرىنە جىلىشىرايلىق تانىتىپ، كەيبىر ۆيزاۆيگە جاقپايتىن قىلىقتاردان باس تارتا تۇرۋىنا بولار ەدى، الايدا اقش پەن رف جاعدايىندا ولاي بولماي تۇر.

مۇنىڭ سەبەبى مىنادا دەپ ويلايمىن - اقش رف-نى شىندىعىندا ماسقارا ەتىپ مازاقتاپ وتىر. بىرىنشىدەن، مۇنداي كەزدەسۋ بايدەنگە ەمەس، پۋتينگە كەرەك. ءوزىن اقش-پەن تەڭ دارەجەدە سويلەسە الاتىن فيگۋرا ەتىپ كورسەتۋ ءۇشىن. سول ءۇشىن دە ول اسكەرلەرىن ۋكراينا شەكاراسىنا شوعىرلاندىرىپ، ۇلكەن سوعىستى انە باستايمىن، مىنە باستايمىن دەپ قورقىتتى. شىندىعىندا تەررورلىق ارەكەتتەرگە باردى. ەسۋاستان ءبارىن دە كۇتۋگە بولاتىنىن سەزگەن بايدەن ءپۋتيندى كەزدەسۋگە شاقىردى. انانىڭ دا كۇتكەنى سول ەكەن، بىردەن كەلىسىمگە كەلىپ، ەندى بولاشاق كەزدەسۋدە نە ايتاتىنىن تالقىلاي باستادى. ارينە، ونىسىن بىلدىرمەۋگە تىرىسىپ بىرنەشە كۇنگە شەيىن جاۋاپ بەرمەي ءجۇردى. بىراق ءپۋتيندى ابدەن زەرتتەگەن بايدەننەن قۋلىق ارتىلعان با - كوزدەگەن نىساناسىنا ءدال تيگىزگەنىن بىلسە دە ول دا بىلمەگەن بولىپ ءوز ىسىمەن اينالىسا بەردى. اقىرى ماسكەۋ شىداماي كەزدەسۋگە قىزۋ دايىندالا باستادى...

نەگىزى مىناداي سانكتسيادان كەيىن رف بۇرقان-تالقان اشۋلانىپ، كەزدەسۋدەن باس تارتۋى كەرەك قوي؟ الايدا ءبىر سوتكە وتسە دە ماسكەۋ تاراپىنان ازىرگە ءۇن جوق! مۇنى ماسكەۋدىڭ ماسقارا جەڭىلىسى دەپ باعالاعاننان باسقا نە دەۋگە بولادى؟ قايدا الگى سيممەتريالىق جاۋاپتارى؟ ونداي قورلىققا شىداعانشا ولسەيشى. سونىمەن، اقش قارجى مينيسترلىگى نوردستيرم 2-گە قانداي سانكتسيا قولداندى؟

قارا تىزىمگە مىناداي ۇيىمدار ەنگىزىلدى:
مەملەكەتتىك فەدەرالدىق بيۋدجەتتىك "مورسكايا سپاساتەلنايا سلۋجبا" ۋچرەجدەنيەسى;
ووو "مورترانسسەرۆيس".
"سامارسكي تەپلوەنەرگەتيچەسكي يمۋششەستۆەننىي فوند" اق.
"كوكسوحيمترانس".
سونداي-اق نوردستريم-2 قۇرىلىسىنا قاتىسىپ جاتقان 13 كەمەگە سانكتسيا سالىندى. ولار مىنالار:
"اكادەميك چەرسكي".
"بالتيسكي يسسلەدوۆاتەل".
"سپاساتەل كارەۆ".
"يۋري توپچەۆ".
"ۆلاديسلاۆ ستريجوۆ".
"ارتەميس وففشور".
"باحتەمير".
"فينۆال".
"كاپيتان بەكلەميشەۆ".
"مۋرمان".
"نارۆال".
"سيۆۋچ".
"ۋمكا".

قۋانىش ەدىلحانتەگى

Abai.kz