جۇما, 29 ناۋرىز 2024
ەل ءىشى... 8289 4 پىكىر 4 ماۋسىم, 2021 ساعات 14:47

نىعماتۋليننىڭ ۇلى «كازفوسفاتقا» باستىق بولدى

قر ءماجىلىسىنىڭ توراعاسى نۇرلان نىعماتۋليننىڭ ۇلى قازاقستانداعى فوسفات وندىرۋمەن اينالىساتىن بىرەگەي كومپانيا «كازفوسفات» جشس-نىڭ توراعاسى بولدى. نۇرحان نۇرلانۇلى بۇل قىزمەتكە كومپانيانىڭ بۇرىنعى باسشىسى مۇقاش يسكاندەروۆ كەتكەننەن كەيىن تاعايىندالعان. 

«كازفوسفات» جشس - تەمىرجول-كولىك كەشەنىنىڭ كومەگىمەن فوسفاتتاردى وندىرۋدەن باستاپ، جەتكىزۋگە دەيىنگى تولىق وندىرىستىك جەلىنى يەلەنەتىن قازاقستان اۋماعىنداعى بىرەگەي كومپانيا.

ال، 27 مامىر كۇنى كومپانيانىڭ سول كەزدەگى باسشىسى مۇقاش يسكاندەروۆ الەۋمەتتىك جەلىدەگى پاراقشاسىندا «كازفوسفات» باسشىلىعىنان كەتكەنىن جازعان.

«قۇرمەتتى ارىپتەستەر! قۇرمەتتى دوستار! وسى جىلدىڭ 26 ​​مامىرىندا مەن قىرىق جىل جۇمىس ىستەگەن «كازفوسفات» جشس-ءنىڭ باس ديرەكتورى قىزمەتىنەن كەتتىم. 

مەن ءوزىمنىڭ توبىما كەرەمەت كاسىبي جانە ادامي قاسيەتتەرى ءۇشىن العىس ايتامىن. ءبىز الدىمىزدا تۇرعان قيىندىقتاردى جەڭۋ ءۇشىن كوپ نارسە ىستەي الدىق. مەن سىزدەرگە توزىمدىلىك پەن كاسىبي شەبەرلىكتەرىڭىز ءۇشىن شىن جۇرەكتەن ريزاشىلىعىمدى بىلدىرەمىن!»،- دەپ جازدى ول.

ودان كەيىن «كازفوسفاتتىڭ» Instagram پاراقشاسىندا مامىر ايىنىڭ سوڭعى جەكسەنبىسىندە اتاپ وتىلەتىن حيميا ونەركاسىبى قىزمەتكەرلەرىنىڭ كاسىبي مەرەكەسى جونىندە اقپارات سالىندى. وندا كومپانيانىڭ جاڭا باسشىسى نۇرحان نۇرلانۇلى ەكەنى ايتىلادى.

«2021 جىلى 28 مامىردا ۇزدىك قىزمەتكەرلەردى سالتاناتتى ماراپاتتاۋ ءراسىمى ءوتتى. ماراپاتتاۋ ءراسىمىن «كازفوسفات» جشس باس ديرەكتورى نۇرلانوۆ نۇرحان نۇرلانۇلى اشتى. ول جينالعاندارمەن امانداسىپ، سالا ارداگەرلەرىنە جانە كومپانيانىڭ كاسىپورىندارىندا جۇمىس جاسايتىندارعا حيميا ونەركاسىبىنە قوسقان قۇندى ۇلەستەرى ءۇشىن العىسىن ءبىلدىردى»،- دەپ جازدى كومپانيانىڭ الەۋمەتتىك جەلىدەگى پاراقشاسى.

ايتا كەتەيىك، ءماجىلىس سپيكەرى نۇرلان نىعماتۋلليننىڭ ءۇش ۇلى بار:

نۇرجان نۇرلانوۆ - 1988 جىلى تۋعان. «قازمۇنايگاز - اەرو» جشس-نىڭ باس ديرەكتورى.

بۇعان دەيىن ول «قازترانسگاز ايماق» اق قارجى جونىندەگى باسقارۋشى ديرەكتورى، «بايتەرەك» ۇلتتىق باسقارۋشى حولدينگى»اق باسقارۋشى ديرەكتورى - باسقارما مۇشەسى، «قازترانسگاز» اق باسقارما مۇشەسى، «كازروسگاز» جشس باسقارما مۇشەسى، قازاقستان ترياتلون فەدەراتسياسىنىڭ تۇراقتى مۇشەسى، كاراتە-دو WKF جانە استاناداعى ءداستۇرلى جەكپە-جەك ونەرى فەدەراتسياسىنىڭ قۇرمەتتى پرەزيدەنتى سىندى لاۋازىمدى قىزمەتتەر اتقارعان.

نۇرحان نۇرلانۇلى - 1993 جىلى تۋعان. «كازفوسفات» جشس باس ديرەكتورى. بۇعان دەيىن ول RBK بانك باسقارما توراعاسىنىڭ ورىنباسارى, «KAZChemicals» جشس باسقارما توراعاسى قىزمەتتەرىن اتقارعان.

ءمادي نۇرلانۇلى - 2003 جىلى تۋعان.

ودان بولەك، ءماجىلىس توراعاسىنىڭ ءىنىسى ەرلان نىعماتۋللين قازاقستاننىڭ ەڭ ىقپالدى كاسىپكەرى رەتىندە Forbes تىزىمىنە ەنگەن.

ول  «سارىارقا نان ​​قاراعاندى» جشس، «بالقاش نان» جشس، «پۋلس» جشس (بولشەك ساۋدا، قوناق ءۇي بيزنەسى، قالاارالىق جولاۋشىلار تاسىمالىمەن اينالىسادى), «وركەن مەديا» جشس جانە «Trend Capital» جشس (اۋىل شارۋاشىلىعى) ناۋبايحانالارىنىڭ جالعىز قۇرىلتايشىسى.

سونداي-اق، «ۆيراج سەرۆيس قاراعاندى» جشس، «اۆتو لوگيستيكالىق قاراعاندى» جشس، «Qaz Qarbon» جشس، «كۆارتسيت» تاۋ-كەن كومپانياسى، «شىعىس ءوندىرىس» جشس، «ەكو گلوبالينۆەست» جشس، «ۇلىتاۋ نان» جشس-ءنىڭ جالعىز قۇرىلتايشىسى.

كاسىپكەر سونىمەن قاتار، «اگروكاپيتال» جشس، «ترەند كاپيتال» جشس، «ترەند پليۋس» جشس، «توبىل نان» جشس، «سارىارقا نان ​​قاراعاندى» جشس جانە «YDD Corporation» جشس اكتسيالارىنا يە.

«اتامەكەن» ۇقك تورالقاسىنىڭ، قازاقستان رەسپۋبليكاسى ىشكى ىستەر مينيسترلىگى جانىنداعى پوليتسيا قىزمەتىن باقىلاۋ جونىندەگى قوعامدىق كەڭەستىڭ مۇشەسى.

نۇربيكە بەكسۇلتانقىزى

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3577