كۇنى كەشە تۇساۋكەسەرى وتكەن رەجيسسەر وليۆەر ستوۋننىڭ «Qazaq: history of the golden man» اتتى دەرەكتى فيلمىندە ەكس-پرەزيدەنت نازارباەۆ بۇرىنعى كۇيەۋ بالاسى راحات اليەۆ پەن بۇرىنعى بانكير مۇحتار ءابىلازوۆ تۋرالى پىكىرىن ءبىلدىردى. 

نازارباەۆ اتالعان سۇحباتتا، ءوزىنىڭ كۇيەۋ بالاسىن قىزمەتكە تاعايىنداۋى قاتەلىك بولعانىن ايتقان.

- «قارجى پوليتسياسى ونىڭ قاراماعىندا ەدى. وسىنى پايدالانىپ، وزگەلەردىڭ بيزنەسى مەن اقشاسىن تارتىپ الا باستادى. ءبىر ۋاقىتتا وعان: "توقتا" دەپ ەسكەرتۋ جاسادىم. ول كەزدە مەنىڭ كۇيەۋ بالام، ءۇش كىشكەنتاي نەمەرەمنىڭ اكەسى بولدى. قىزىم، ءۇش نەمەرەم مەن ونىڭ اكەسى ماعان كەلدى. "مەن نە ىستەي الامىن؟ ول - قىلمىسكەر" دەپ جاۋاپ بەردىم.

«مەن ءۇشىن وتە اۋىر بولدى. ەگەر باسقا بىرەۋ بولسا... ال بۇل جەردە ءوزىم سەنىم ارتقان ادام... مەن داريعانىڭ باسىنان نە وتكەنىن تۇسىنەمىن. ونى ايايمىن»،- دەدى نازارباەۆ.

ال، ستوۋن داريعا نازارباەۆانىڭ بۇل تاقىرىپتى تالقىلاعىسى كەلمەگەنىن ايتادى.

ايتا كەتەيىك، راحات اليەۆ ەكس-پرەزيدەنتتىڭ بۇرىنعى كۇيەۋ بالاسى. اليەۆ 2008 جىلى بيلىكتى تارتىپ الماق بولعان ارەكەتى ءۇشىن ۇزاق جىلعا سوتتاۋ تۋرالى سىرتتاي ۇكىم شىققان.

2015 جىلى اۆستراليالىىق باق اليەۆتىڭ تۇرمەدە ءولى كۇيىندە تابىلعانىن حابارلادى.

سونىمەن قاتار، نازارباەۆ ەكس-بانكير مۇحتار ءابىلازوۆتى مينيستر لاۋازىمىنا تاعايىنداعانى دا قاتەلىك بولعانىن ايتادى.

- «ولار مەملەكەتتىڭ ازىن-اۋلاق اقشاسىن، كەرىسىنشە، جىمقىرا باستادى. كوبى جەمقورلىقپەن ۇستالدى. ونى لوندون سوتى حالىقارالىق الاياق دەپ تانىپ، سوتتادى. مەن وعان العاشقىدا كەشىرىم جاسادىم.

ونىڭ بانككە قايتا ورالىپ، اقشاسىن قولدى ەتۋى باستى قاتەلىك بولدى. ميللياردتاعان اقشا جىمقىردى. بۇعان قوسا، تاپسىرىس بەرىپ، ءوزىنىڭ سەرىكتەسىن ءولتىردى. ءبىز بوس ءسوز ايتىپ وتىر دەمەۋى ءۇشىن بۇل ءىستى امەريكالىق فبر-مەن بىرگە تەرگەدىك» ،- دەدى ەكس-پرەزيدەنت سۇحباتىندا.

Abai.kz