قىرعىزستان مەن تاجىكستان شەكاراشىلارى اراسىندا اتىس بولدى. وقيعا 8 شىلدەدە ساعات 17:00 شاماسىندا بولدى دەپ حابارلادى قىرعىزستان ۇلتتىق قاۋىپسىزدىك جونىندەگى مەملەكەتتىك كوميتەتىنىڭ شەكارا قىزمەتىنىڭ ءباسپاسوز قىزمەتى.

شەكارا اسكەرلەرىنىڭ حابارلاۋىنشا ءتورت قىرعىز اسكەري قىزمەتكەرى جەرگىلىكتى تۇرعىنداردىڭ بىرنەشە جىلقىسىن ۇرلاپ، قىرعىزستانعا الىپ كەتۋ ءۇشىن تاجىكستاننىڭ مەملەكەتتىك شەكاراسىن زاڭسىز كەسىپ وتكەن. اسكەريلەر كالاشنيكوۆ اۆتوماتتارىمەن قارۋلانعان. الايدا بۇل اقپاراتتى قىرعىز تاراپى جوققا شىعارىپ وتىر.

شەكاراداعى قاقتىعىس سالدارىنان ەكى تاراپتان دا قازا تاپقاندار مەن جاراقات العاندار بار. قازىرگى ۋاقىتتا ەكى ەلدىڭ شەكارا ۆەدومستۆولارىنىڭ وكىلدەرى وقيعا ورنىنا اتتانىپ، قىرعىزستاننىڭ باتكەن وبلىسى مەن كورشىلەس تاجىكستاننىڭ سوعدى وبلىسى وكىلدەرىنىڭ كەزدەسۋىن وتكىزدى.

Abai.kz