تۇركيا بيلىگى كوروناۆيرۋس پاندەمياسىنا بايلانىستى ەنگىزىلگەن كارانتيندىك شەكتەۋلەردى بوساتىپ، كومەندانتتىق ساعاتتى الاتىنىن مالىمدەدى.

تۇركيا پرەزيدەنتى رەجەپ تايىپ ەردوعان ارنايى مالىمدەمە جاساپ، كارانتيندىك شەكتەۋلەر الىناتىنىن، تۇركيا الەم تۋريستەرى ءۇشىن قايتا اشىلاتىنىن ايتتى. بۇل تۋرالى تۇركيانىڭ تۋريزم جانە مادەنيەت مينيسترلىگى حابارلادى.

«پرەزيدەنتىمىز رەجەپ تايىپ ەردوعان 1 شىلدەدەن باستاپ بىرقاتار كارانتيندىك شەكتەۋلەر الىتانىنىن مالىمدەدى. پاندەمياعا بايلانىستى جاريالانعان كومەندانتتىق ساعاتتى الدى. ەلدەگى ەپيدەميولوگيالىق احۋال تۇراقتاندى. العاشقى اپتانىڭ وزىندە انتالياعا 300 مىڭنان كوپ تۋريست كەلدى»، - دەدى تۇركيا رەسپۋبليكاسى تۋريزم مينيسترلىگىنىڭ وكىلى.

ايتا كەتەيىك، وسىعان دەيىن، تۇركيا پرەزيدەنتى رەجەپ تايىپ ەردوعان انتالياعا جاساعان ساپارى بارىسىندا ەلدەگى ەپيدەميولوگيالىق جاعدايدىڭ تۇراقتالعانىن، بىرقاتار كارانتيندىك شەكتەۋلەر جەڭىلدەتىلەتىنىن مالىمدەگەن.

وسىدان كەيىن تۇركيانىڭ تۋريزم جانە مادەنيەت مينيسترلىگى شەتەلدىك تۋريستەردى قابىلداۋ ءۇشىن «قاۋىپسىز تۋريزم» جوباسىن جاريالاعان.

Abai.kz