سەيسەنبى, 26 قازان 2021
بىلگەنگە مارجان 5173 4 پىكىر 14 شىلدە, 2021 ساعات 15:14

«اقىلدى قالا» دەگەنىمىز نە؟..

حالىقپەن اقپاراتتى ءبولىسۋ، ءىس-قىزمەتتى ءتيىمدى بولدىرۋ، ازاماتتارىنىڭ  جاقسى ءومىر ءسۇرۋى ءۇشىن  اكىمشىلىك  قىزمەتىن جاقسارتۋ ماقساتىندا اقپاراتتىق-كوممۋنيكاتسيالىق تەحنولوگيالاردى قولداناتىن قالا -  «اقىلدى قالا» دەپ اتالادى.

اقىلدى قالانىڭ باستى ماقساتى - اقىلدى تەحنولوگيالار جانە دەرەكتەردى تالداۋ كومەگىمەن ازاماتتاردىڭ ءومىر ءسۇرۋ ورتاسىن جاقسارتۋمەن قاتار، ەكونوميكالىق ءوسىمدى قولداۋ، سونداي-اق قالا قۇرىلىمى مەن فۋنكتسيالارىن وڭتايلاندىرىپ، ناقتىلى دەڭگەيگە جەتكىزۋ بولماق. ونىڭ نەگىزگى ءمانى تەحنولوگيانىڭ قانشالىقتى قولدانىلاتىندىعىنا ەمەس، ونىڭ قالاي قولدانىلاتىنىنا بايلانىستى.

اقىلدى قالا كەلەسى سيپاتتامالارعا يە بولۋى ءتيىس:

- تەحنولوگياعا نەگىزدەلگەن ينفراقۇرىلىم

- ەكولوگيالىق باستامالار

- ءتيىمدى جانە ونىمدىلىگى جوعارى قوعامدىق كولىكتەر

- سەنىمدى جانە بولاشاقتى بولجايتىن قالا جوسپارى

- بار رەسۋرستاردى پايدالانا وتىرىپ، قالادا جۇمىس ىستەۋ جانە ءومىر ءسۇرۋ مۇمكىندىگى

اقىلدى قالانىڭ جەتىستىگى كوپشىلىكتىڭ جانە جەكە سەكتورلاردىڭ ءوزارا ءتيىمدى قاتىناسىنا تىكەلەي  بايلانىستى. مالىمەتتەرگە نەگىزدەلگەن ورتانى قۇرۋ جانە پايدالانۋ ءۇشىن ۇكىمەتپەن بىرلەسىپ جۇمىس ىستەيدى.

اقىلدى قالانىڭ كەيبىر قۇرالدارى:

اۆتوماتتاندىرۋ، ماشينالىق وقىتۋ جانە زاتتاردىڭ ينتەرنەتىن بىرىكتىرە وتىرىپ، اقىلدى قالا تەحنولوگياسىن بىرنەشە ماقساتتا ەنگىزۋگە بولادى. مىسالى، اقىلدى اۆتوتۇراقتار جۇرگىزۋشىلەرگە بوس ورىن  تابۋعا جانە ساندىق تولەمدەر جاساۋعا مۇمكىندىك بەرەدى.

اقىلدى جول مەنەدجمەنتى قالالىق كەپتەلىستى باقىلاۋدى، كەپتەلىستى ازايتۋ ءۇشىن باعدارشامداردى وڭتايلاندىرۋدى نەمەسە كولىك قۇرالدارىن ءبولۋ قىزمەتىن ەنگىزۋدى قامتيدى.

«اقىلدى قالا» باستاماسى ينتەرنەتكە نەگىزدەلگەن قالدىق-قوقىستاردى جيناۋ جانە تاسىمالداۋ جۇيەسى ارقىلى كليماتتىڭ وزگەرۋىن، اۋانىڭ لاستانۋىن، قالدىقتاردى باقىلاپ، سانيتارلىق قىزمەتتەردى جۇزەگە اسىرا الادى.

اقىلدى قالا تەحنولوگياسى قوعامدىق قاۋىپسىزدىكتى باقىلاي الادى. بۇعان مىسال رەتىندە قىلمىس وشاقتارىن باقىلاۋ جانە سۋ تاسقىنى مەن تابيعي اپاتتار تۋرالى الدىن-الا ەسكەرتۋ جاتادى.

اقىلدى عيماراتتار كەڭىستىكتى باسقارۋ جانە قىزمەت كورسەتۋ تۋرالى ناقتى ۋاقىت رەجيمىندە اقپارات بەرە الادى. قالا تۇرعىندارىنا  انىقتالعان اپاتتى  شۇڭقىرلار مەن ترانشەيا جامىلعىلارى سياقتى پروبلەمالار تۋرالى، سونداي-اق ينفراقۇرىلىم ماسەلەلەرى تۋرالى دەر ۋاقىتىندا  حابارلاي الادى.

سونىمەن قاتار اقىلدى قالا تەحنولگياسى ءوندىرىس وشاقتارى، اۋىل شارۋاشىلىعى،  ەنەرگيا تيىمدىلىگىن ارتتىرۋعا باعىتتالادى.

امانتاي تويشىبايۇلى

Abai.kz

4 پىكىر