قازاقتىڭ قىسقاشا تاريحى: (باسقا بۇرىشتان قاراعاندا)

13-15 عاسىر

- ەشكى كەرنەيى تارتىلعاندا، ءاربىر ۇيدەن تولىق قارۋلانعان ءبىر-ءبىر سارباز شىعاتىن.

16-17 عاسىر

- قاراۋىلتوبەدەن ءتۇتىن شىققاندا، ءار اۋىلدان كۇلدىر-كۇلدىر كىسىنەتىپ، كۇرەڭدى مىنگەن، جاعاسى التىن، جەڭى جەز، شىعىرشىعى تورعاي كوز ساۋىت كيگەن، جاقسىلار كەڭەس قۇرعاندا، مۇرتى ورگە شانشىلىپ، بارىنەن بۇرىن سويلەگەن شالكيىز (XV ع.), دوسپامبەت (XVI ع.), جيەمبەت (XVII)...-تەر شىعۋشى ەدى.

18-19 عاسىر

- بوزتورعاي شىرىلداعاندا، ءار ۇيدەن شىبىرتقىسىن سۇيرەتىپ، ات ۇستىندە قالعىعان ءبىر-ءبىر قويشى شىعاتىن بولدى.

20 عاسىر

- ساعاتتىڭ قوڭىراۋى دىرىلداعاندا، ءاربىر ۇيدەن «پاپا-ماماسى» جەتەكتەگەن قىزىل تۇمارلى پيونەرلەر مەكتەپكە قاراي، گالستۋگىن قىلقيتقان «-وۆيچ»، «-ەۆيچتەر» كەڭسەگە قاراي شىعاتىن.

21 عاسىر

- مەشىت ازانى شاقىرىلعاندا، ءار بۇرىشتان بالاعى قىسقا، ساقالى ۇزىن، تاسپيعى سىرتىلداعان ءبىر-ءبىر «مونتانى سوپى» شىعاتىن بولدى...

مەنىڭ قازاقستانىمدا...

مەنىڭ سۇيىكتى قازاقستانىمدا 18,5 ميلليون حالىق تۇرادى.

18 ادام اراب شاحتارى سياقتى ءومىر سۇرەدى.

180 ادام امەريكالىق بايلار سياقتى ءومىر سۇرەدى.

1800 ادام اعىلشىن لوردتارى سياقتى ءومىر سۇرەدى.

18 000 ادام ەۋروپانىڭ ورتاشا دەڭگەيىندە ءومىر سۇرەدى.

180 000 ادام ازيا حالقى سياقتى ءومىر سۇرەدى.

18 000 000 ادام ۇندىستانداعى كەدەيلەر سياقتى ءومىر سۇرەدى.

امانتاي تويشىبايۇلى

Abai.kz