بەلگىلى قالامگەر اياگۇل مانتاي ومىردەن ءوتتى. بۇل تۋرالى جازۋشىنىڭ تانىستارى الەۋمەتتىك جەلىدە مالىمدەدى. 

اياگۇل مانتاي تۇركىستان وبلىسى ماقتارال اۋدانى بايقونىس اۋىلىندا دۇنيەگە كەلگەن. رەسەي حالىقتار دوستىعى ۋنيۆەرسيتەتىنىڭ تۇلەگى.

جازۋشى ەكى كىتاپتىڭ اۆتورى. ونىڭ 2006 جىلى «جالىن» باسپاسىنان «جاڭبىرلى كوكتەم» جانە 2019 «جۇرەككە ورالۋ» اتتى قوس كىتابى جارىق كورگەن. ول «سەرپەر» جاستار سىيلىعىنىڭ لاۋرەاتى، باققوجا مۇقاي اتىنداعى ادەبي بايقاۋدىڭ جۇلدەگەرى. 2010 جىلى ادەبيەت نوميناتسياسى بويىنشا پرەزيدەنت ستيپەندياسىنىڭ يەگەرى. جازۋشى شىعارمالارىنا ءوز ومىرىندە ارقاۋ ەتىپ ۇلگەرگەن. ونىڭ «بوتەن»، «سوقىر سانا»، «تومپاق» سىندى كوپتەگەن وزگە دە اڭگىمەسى وقىرمان كوڭىلىنەن ورىن تاۋىپ ۇلگەرگەن.

مارقۇممەن قوشتاسۋ، بۇگىن ساعات 17:00 دە، جەتىساي اۋدانى جىلى سۋ اۋىلدىق وكرۋگىنە قاراستى بايقونىس (زاريا) ەلدى مەكەنىندە ءوز شاڭىراعىندا وتەدى.

Abai.kz پورتالى جازۋشىنىڭ جاقىندارى مەن تۋىستارىنا قايعىرىپ كوڭىل ايتادى! 

Abai.kz