مەملەكەت باسشىسى قاسىم-جومارت توقاەۆ اۋعانستانداعى قازاقستان ازاماتتارى مەن ديپلوماتتارىنىڭ قاۋىپسىزدىگىن قامتاماسىز ەتۋ جونىندە كۇشتىك قۇرىلىم باسشىلارىمەن شۇعىل جيىن وتكىزگەنىن مالىمدەدى. 

سونداي-اق، ونداعى جاعدايدىڭ ۋشىعىپ بارا جاتقانىنا الاڭداۋشىلىق بىلدىرگەن پرەزيدەنت، ءپا مەن ءسىم-گە ءتيىستى تاپسىرمالار بەرىلگەنىن حابارلادى.

«اۋعانستانداعى جاعداي بويىنشا كۇشتىك قۇرىلىمداردىڭ باسشىلارىمەن جيىن وتكىزدىم. اير-داعى ازاماتتارىمىز بەن ديپلوماتتارىمىزدىڭ قاۋىپسىزدىگىن قامتاماسىز ەتۋ جونىندە تاپسىرما بەردىم. قازاقستان اۋعانستانداعى جاعدايدىڭ ۋشىعىپ بارا جاتقانىنا الاڭداۋشىلىق بىلدىرەدى. احۋال مۇقيات باقىلاۋدا.

پرەزيدەنت اكىمشىلىگى مەن سىرتقى ىستەر مينيسترلىگىنە اۋعانستانعا قاتىستى ماسەلەلەر بويىنشا مەملەكەتتىك ورگانداردىڭ قىزمەتىن ۇيلەستىرۋ تاپسىرىلدى. كابۋلداعى قازاقستان ەلشىلىگى شاعىن قۇرامدا جۇمىس ىستەۋدە. قىزمەتكەرلەردىڭ قاۋىپسىزدىگىن قامتاماسىز ەتۋ شارالارى قابىلدانىپ جاتىر»,- دەپ جازدى  پرەزيدەنتتوقاەۆ.

ايتا كەتەيىك، 15 تامىز كۇنى تۇستەن كەيىن «تاليبان» قوزعالىسىنىڭ وكىلدەرى (قازاقستاندا تىيىم سالىنعان) اۋعانستاننىڭ بۇكىل اۋماعىن باسىپ العانىن حابارلادى.

تالىبتەر كابۋلداعى پرەزيدەنت سارايىنا بارىپ، بيلىكتى بەرۋ ءۇشىن مەملەكەت باسشىلارىمەن كەلىسسوزدەر جۇرگىزدى. ودان سوڭ، اۋعانستان پرەزيدەنتى اشراف عاني بيلىكتەن كەتۋگە كەلىسىپ، تاجىكستانعا ۇشىپ كەتكەن.

عاني تاجىكستاننان ارى قاراي باسقا مەملەكەتكە باراتىنى حابارلانعان. الايدا، قايدا باراتىنى ءالى ناقتى بەلگىلى ەمەس. ەكس-پرەزيدەنتكە ونىڭ ۇلتتىق قاۋىپسىزدىك جونىندەگى كەڭەسشىسى حامدۋللا مۋحيب پەن اپپارات باسشىسى فازل ماحمۋد فازلي ەرىپ ءجۇر.

سونداي-اق، قازىر اۋعانستان اكىمشىلىگى ۋاقىتشا كەڭەسكە بەرىلدى. جاڭا كەڭەس قۇرامىنا ۇلتتىق تاتۋلاسۋ جونىندەگى جوعارعى كەڭەستىڭ باسشىسى ابدۋللا ابدۋللا مەن بۇرىنعى پرەزيدەنت حاميد كارزاي كىرگەن. ۋاقىتشا كەڭەس بيلىكتى «تاليبان» قوزعالىسىنىڭ وكىلدەرىنە وتكىزىپ بەرەدى.

CNN-ءنىڭ حابارلاۋىنشا، اقش كابۋلداعى ەلشىلىك قىزمەتكەرلەرىن سەيسەنبىگە دەيىن ەۆاكۋاتسيالايتىنىن مالىمدەدى. قازىر اقش تىكۇشاقتارى ديپلوماتيالىق قىزمەتكەرلەر مەن اقش اسكەرىندە جۇمىس ىستەگەن اۋعاندىقتاردى ەلشىلىكتەن كابۋل اۋەجايىنا جەتكىزگەن.

«تاليبان» قوزعالىسىنىڭ وكىلدەرى جاقىن ارادا پرەزيدەنتتىك سارايدان اۋعانستان يسلام امىرلىگىنىڭ قۇرىلاتىنىن جاريالاماق.  بۇل تۋرالى قوزعالىس وكىلىنە سىلتەمە جاساپ Associated Press حابارلايدى.

(تالىبتەر كابۋلداعى پرەزيدەنت سارايىندا)

(كابۋل اۋەجايى) 

فوتولار: Reuters

Abai.kz