ءبىز بوياۋمەن وسكەن قازاقپىز
قايىرباي زاكىروۆ، قازكسر ەڭبەك سىڭىرگەن ونەر قايراتكەرى، قر كوركەمونەر اكادەمياسىنىڭ اكادەميگى، بەلگىلى سۋرەتشى:
«الاش ايناسى» گازەتi مەن قازاق راديوسىنىڭ بiرلەسكەن جوباسى
«ايتوبەل» حابارىنىڭ جازباشا نۇسقاسى
اۆتورى: ەدiل انىقباي
حاباردىڭ تiكەلەي تولقىنداعى ۋاقىتى: 101 عم، سارسەنبى كۇنى ساعات 14:05-15:00
- قايىرباي مىرزا، قازاق مەملەكەتىنىڭ تاۋەلسىز 20 جىلىندا بەينەلەۋ ونەرى قانشالىقتى بيىككە كوتەرىلدى؟ ەگەمەندىكتىڭ ەڭسەلى تۇستارىن قىلقالام قاي دەڭگەيدە بەينەلەدى؟
- قازاق حالقىنا ءتان بەينەلەۋ ونەرىنىڭ اعىمىن بەلەس-بەلەسكە، بۋىن-بۋىنعا بولە بەرمەيمىن. دەگەنمەن ءار زاماندا ايىرماشىلىقتار بولادى عوي. كەڭەس وكىمەتى كەزىندە سۋرەتشىلەرگە كەرەمەتتەي، ايتىپ جەتكىزگىسىز مۇمكىندىكتەر جاسالعان ەكەن. ەگەمەندىك العاننان كەيىنگى كەزدەگى بۇل ونەر سالاسىنا جاسالعان جاعدايلارعا كوڭىلىم تولادى.
- قازاق حالقىنا بەينەلەۋ ونەرىنىڭ سىڭىسە باستاۋى قاي كەزدەن باستالادى؟
قايىرباي زاكىروۆ، قازكسر ەڭبەك سىڭىرگەن ونەر قايراتكەرى، قر كوركەمونەر اكادەمياسىنىڭ اكادەميگى، بەلگىلى سۋرەتشى:
«الاش ايناسى» گازەتi مەن قازاق راديوسىنىڭ بiرلەسكەن جوباسى
«ايتوبەل» حابارىنىڭ جازباشا نۇسقاسى
اۆتورى: ەدiل انىقباي
حاباردىڭ تiكەلەي تولقىنداعى ۋاقىتى: 101 عم، سارسەنبى كۇنى ساعات 14:05-15:00
- قايىرباي مىرزا، قازاق مەملەكەتىنىڭ تاۋەلسىز 20 جىلىندا بەينەلەۋ ونەرى قانشالىقتى بيىككە كوتەرىلدى؟ ەگەمەندىكتىڭ ەڭسەلى تۇستارىن قىلقالام قاي دەڭگەيدە بەينەلەدى؟
- قازاق حالقىنا ءتان بەينەلەۋ ونەرىنىڭ اعىمىن بەلەس-بەلەسكە، بۋىن-بۋىنعا بولە بەرمەيمىن. دەگەنمەن ءار زاماندا ايىرماشىلىقتار بولادى عوي. كەڭەس وكىمەتى كەزىندە سۋرەتشىلەرگە كەرەمەتتەي، ايتىپ جەتكىزگىسىز مۇمكىندىكتەر جاسالعان ەكەن. ەگەمەندىك العاننان كەيىنگى كەزدەگى بۇل ونەر سالاسىنا جاسالعان جاعدايلارعا كوڭىلىم تولادى.
- قازاق حالقىنا بەينەلەۋ ونەرىنىڭ سىڭىسە باستاۋى قاي كەزدەن باستالادى؟
- جالپى، ونەر ادام بالاسى ومىرگە قالىپتاسا باستاعاننان ءوزىنىڭ كولەڭكەسىندەي بىرگە كەلە جاتىر. ونەرسىز - عۇمىر جوق. بابالارىمىز اۋەلگى كەزدە جارتاستارعا سۋرەت سالا باستاعان. تاستاردان مۇسىندەر جاساعان. ماسەلەن، پەتروگليفتەر. جارتاستارعا سالىنعان سۋرەتتەردىڭ سونشالىقتى ماندىلىگىن جانە الەمدىك دەڭگەيدەگى سۋرەت سالۋ ءۇردىسى بولعانىن بەلگىلى عالىم الان مەدوەۆ جازىپ كەتتى. ال جارتاستارعا سالىنعان ءمۇسىن-بالبال تاستاردى الەمدىك دەڭگەيدەگى مۇسىنشىلەر مويىنداعان. ادامنان اينىتپاي سالۋ پروپورتسياسى ەمەس، وبەكتىنىڭ بەرەتىن ءمانىنىڭ قۇندىلىعى نازار اۋدارتادى. رودەننىڭ ايتقانى بار: «پلاستيچەسكيە يسكۋسستۆا پرينادلەجات ستەپنىم نارودام» دەپ. ول مويىنداعان. مىسالى، سالىستىرمالى تۇردە ايتساق، قازاق حالقىنىڭ بوياۋدى ەتەنە تۇسىنەتىنىنە تاڭعالامىن. مەن قىزىلوردا - سىردىڭ تابانىنانمىن. قازىر قاراساڭىز، سور دالادا دىم جوق. ءتىپتى كوگەرىپ تۇرعان اعاش تا تىم سيرەك. ال قاراشا ءۇيدىڭ ىشىنە قاراساڭىز، قانشاما بوياۋ بار. بۇل بوياۋدى سيمفونيا دەسەك تە ازدىق ەتەدى، كەرەمەت. جۇكاياق، تەكەمەت، كىلەم، باسقۇردى قاراڭىز. دەمەك، ءبىز بوياۋمەن ءوسكەن قازاقپىز. ال بوياۋ كوكىرەككە كەرەمەتتەي قاسيەت بەرەدى دەپ ەسەپتەيمىن.
- قازاق مەملەكەتىندەگى بەينەلەۋ ونەرى سالاسىنداعى مەكتەپتەردىڭ دامۋى قانداي؟
- بىرىنشىدەن، كەشەگى ەگەمەندىك العاننان كەيىنگى عۇمىرىمىزدا دايىن اسقا تىك قاسىق دەگەن ۇعىمنان ادا بولۋىمىز كەرەكتىگىن ۇقتىق. بەينەلەۋ ونەرى دە تىرشىلىكتىڭ ءبىر سالاسى، تۋراسىن ايتقاندا، نان تابۋ - كاسىپ. شەتەلدە وسىلاي. تالانتىڭ ون جەردەن بولا بەرسىن، بىراق شارۋاشىلىق جاعى كەمشىن بولماۋى ءتيىس. قازاقستاندا نەبىر سۋرەتشىلەر بار، جۇمىستارى مىقتى، بىراق ونى ساتۋدا، وتكىزۋدە دارمەنسىز بولىپ جۇرگەندەر كەزدەسەدى. شىنىن ايتقاندا، جاقسى سۋرەتشىلەر دالادا قالىپ قويىپ جاتىر.
- بەينەلەۋ ونەرىندە وزىندىك ەرەكشەلىگىمەن ايقىندالعان مەكتەپتەردى اتاۋعا بولا ما؟
- مەن مۇنى بىلاي ايتايىن. جالپى، بەينەلەۋ ونەرى سالا-سالاعا بولىنەدى. مىسالى، سونىڭ ىشىندە قولدانبالى ونەر. بۇعان جاتاتىن - اتالارىمىزدىڭ كەلى جاساۋى، جۇزىك سوعۋى، تەكەمەت باسۋى، شي توقۋى ت.س.س. بۇلار بىزدە كەرەمەتتەي دامىعان. ال ستانوكقا سالىپ، كارتينا جازۋ، ياعني ەۋروپاشا كەسكىندەمە-جيۆوپيس، گرافيكا، ءمۇسىن-سكۋلپتۋرا، بۇلار كەيىنىرەك دامىدى. كەڭەس داۋىرىندە، تار مەزگىلدىڭ ىشىندە الەمدىك دەڭگەيگە جەتتىك. قازاقستاندىق بەلگىلى سۋرەتشىلەردىڭ جۇمىستارىن الەمنىڭ قاي تۇكپىرىنە اپارىپ قويساڭىز دا، ەش قىسىلماي، بويىن تىك كوتەرىپ تۇرادى، وتە جوعارى باعاسىن الادى. سۋرەتشى قانداي تاقىرىپتا جۇمىس جاساسا دا، ول سول حالىقتىڭ ينتەللەكتۋالدى تەرەڭدىگىن كورسەتە العان جاعدايدا عانا ونەرى ونەر بولادى. كوبىنە جۇرت ۇلتتىق بوياۋدى ىزدەپ جاتادى. مەن ولاي ويلامايمىن. سۋرەتشى ينتەللەكتۋالدى دەڭگەيىنىڭ تەرەڭدىگىن الەمگە تانىتا الۋى كەرەك. ۇلتتىڭ شەڭبەرىندە، ياعني شەكتەۋلى قۇرساۋدا قالىپ قويماۋى كەرەك دەپ ويلايمىن.
- اتاقتى فرانتسۋز اعارتۋشىسى، فيلوسوف دەني ديدرو: «ۇرپاعىن وقۋعا، جازۋعا ۇيرەتكەندەي، سۋرەت سالۋعا دا ۇيرەتكەن ۇلت وزگەلەردەن وزىق تۇرادى» دەگەن ەكەن. وسى تۇرعىدان كەلىپ كورسەك.
- دەني ديدرو - سۋرەت ونەرىنىڭ مارتەبەسىن وتە بيىك قويعان، كوزى اشىق ادام بولعان. مىسالى، جاپونداردىڭ مەكتەپتەرىندە ءار ادام ورتا ءبىلىم دارەجەسىندە بەينەلەۋ ونەرىن مەڭگەرىپ شىعۋى كەرەك ەكەن. ونىڭ سۋرەتشى بولۋى مىندەتتى ەمەس. سوسىن مىنا رەسەيدە، كەشەگى دۆوريانداردىڭ كەزىندە كىم بولسىن مەيلى، اقىن، جازۋشى - ءبارى سۋرەت سالا بىلگەن، بيلەي بىلگەن. وسىنداي ەستەتيكالىق قاسيەتتەر، كومپونەنتتەردىڭ ادام بويىندا بولعانى جاقسى عوي. دۇنيە ەسىگىن اشقان ءار بالانىڭ بويىندا سۋرەتشىلىك قاسيەت بار. ءتىلى شىقپاي جاتىپ، قابىرعاعا شيمايلاپ، سۋرەت سالمايتىن بالا بولمايدى. بۇل - ادام تابيعاتىنىڭ بولمىسقا ءوزىن تانىتۋى نەمەسە بولمىستى ءوزى تانۋى.
- قازاق بەينەلەۋ ونەرىنىڭ التىن عاسىرى دەپ اتايتىن كەزەڭ جانە وسى دەڭگەيگە ۇلەس قوسقان سۋرەتشىلەر تۋرالى ايتساڭىز.
- وتكەن عاسىردىڭ 60-جىلدارى ءبىر توپ جاستار شىقتى. ارينە، وعان دەيىن دە قاناپيا تەلجانوۆ، مولداحمەت كەنباەۆ سىندى مىقتى سۋرەتشىلەر بولدى. ودان كەيىن شايماردان ساريەۆ، ساليحيددين ايتباەۆ، توقبولات توعىزباەۆ، مۇقىم قيسامەددينوۆ، ەركىن مەرگەنوۆ - بۇلار ءبىر توپ بولىپ شىقتى. بۇلار تەك جالقى سۋرەتشىلەر بولىپ قالعان جوق، ولارمەن بىرگە ارحيتەكتورلار، اقىن-جازۋشىلار، فيلوسوفتار تولقىنى شىقتى جانە ولار دوس بولدى. مىسالى، ولجاس سۇلەيمەنوۆ، مۇرات اۋەزوۆ، ءساتىمجان سانباەۆ، عادىلبەك شالاحمەتوۆ - سىندى تالانتتاردىڭ سالا-سالا بويىنشا شىعۋى ۇلكەن قۇبىلىس بولدى. مۇنداي قۇبىلىس فرانتسيانىڭ ونەرىندە ءحىح عاسىردىڭ باستاپقى كەزىندە بولعان. قازاق بەينەلەۋ ونەرىنىڭ التىن عاسىرى دەپ وسىلار كەلگەن كەزەڭدى ايتامىن. ال ەندى ونىڭ قىزىعى - ونەرگە قانات قاققان جاستار، ول كەزدە ءار وبلىستا ۇلكەن-ۇلكەن كورمەلەر بولاتىن، سوندا قىزىلوردادان 15 ادام پويىزبەن، اقتوبەدەن 20 ادام سامولەتپەن، پاۆلوداردان تاعى سونداي ادامدار كەلەتىن. بۇل ۇلى كوش ەدى. مۇنداي كورىنىس كەيىن توقتادى. وسىدان ءبىز ايىرىلىپ قالدىق. قازىر ونداي جوق، تەك دەمەۋشىلەر تابىلىپ جاتسا، سولار ارقىلى كوتەرىلىپ، شىعىپ جاتقاندار بار. ال ۇياڭ، باستاپقىدا ايتقان، جۇمىسىن ساتۋعا، وتكىزۋگە كەلگەندە ىڭعايىن تابا بەرمەيتىندەر تاسادا قالا بەرەدى.
- قايىرباي اعا، ماسەلەن، پابلو پيكاسسونى جانە ونىڭ تۋىندىلارىن بۇكىل الەم بىلەدى. قازاقتىڭ بەينەلەۋ ونەرىندە الەمگە اتى ايگىلى اۆتورلار بار ما نەمەسە الداعى ۋاقىتتا بولا ما؟
- ونداي بولۋ ءۇشىن سۋرەتشىنى ۇلكەن ونەر يەسى دەپ قابىلداۋعا ورتا دايىن بولۋى كەرەك. مىسالى، بىزگە تاپسىرىس بەرۋشىلەر كەلەدى. ولار وزدەرى «مىناداي بولسا، اناداي بولسا» دەپ ايتىپ وتىرادى. دەمەك، تاپسىرىس بەرۋشى سۋرەتشى ىزدەپ كەلمەيدى، ول ءوزىنىڭ كەرەگىن جاساتۋ ءۇشىن كەلەدى. ال ەگەر سۋرەتشى ىزدەپ كەلسە، ۇلكەن قۇبىلىس بولار ەدى. باتىستا سونداي. مىسالعا ۆان گوگ سالعان «كۇنباعىس» سۋرەتىن الايىق. ۆان گوگ، جاسىراتىنى جوق، ءىشىپ ءجۇرىپ، وسى جۇمىسىن ءبىر بوتەلكە ىشىمدىككە وتكىزە الماي قويعان عوي. ال قازىر ونىڭ ءبىر جۇمىسى 47 ميلليون دوللار تۇرادى. ءبىزدىڭ سۋرەتشىلەردىڭ جۇمىسى سونداي دارەجەدە باعالى بولماعانمەن، ماسەلەن، جاڭاتاي شاردەنوۆتىڭ، ساليحيددين ايتباەۆ، توقبولات توعىزباەۆ اعالارىمىزدىڭ جۇمىستارى جاقسى باعاعا ءوتىپ جاتادى.
- قايرەكە، ەندى ءوز شىعارماشىلىعىڭىزعا كەلەيىك. كورمەلەر وتكىزىپ تۇراسىز با؟
- مەن كوبىنە تىرشىلىككە قاجەت مونۋمەنتالدى جۇمىستارمەن اينالىسامىن. گرافيكا سالاسىندا ىستەپ جاتقان جۇمىستارىم دا جەتەرلىك. بىلتىر قازاقستان مەملەكەتى تاۋەلسىزدىگىنىڭ 20 جىلدىعىنا وراي قىزىلوردا وبلىسى اكىمدىگى جانە وبلىستىق مادەنيەت دەپارتامەنتىنىڭ قولداۋىمەن «قۇس جولى» دەپ اتالاتىن البومىم جارىق كورگەن ەدى. الماتىدا قاستەەۆ مۇراجايىندا سول «قۇس جولى» البومىنىڭ تۇساۋكەسەرى جانە جەكە شىعارماشىلىعىمنىڭ كورمەسى بولدى. «قۇس جولى» دەپ اتاۋىمنىڭ سەبەبى، ماسەلەن، ونەر ادامىنىڭ كەڭىستىگى - اسپان، جۇلدىزدار. بۇل البومنىڭ ىشىندە «جەنت كەنىشىنىڭ قۇپياسى» دەپ اتالاتىن جۇمىسىم بار. بۇل جۇمىستى ەرتەرەكتە باستاپ ەدىم. سىر بويىنداعى جەنت قالاسى كەزىندە وعىز-قىپشاقتىڭ استاناسى بولعان ەكەن. ءبىر كەزدە استانا بولعان قالا قازىر ءبىر توبە عانا. نە دەگەن سۇمدىق؟ ءبىر كەزدەگى سان مىڭ ات تۇياعىنىڭ ءدۇبىرى، قۇجىناعان حالىق، باسى مەن اياعىنا كوز جەتكىزگىسىز كەرۋەن قازىر جوق، تىپ-تىنىش، تەك سەلدىرەگەن سەكسەۋىل، سوراڭ عانا قالدى. ءبىر كەزدە قايناعان تىرشىلىك بولعان-اۋ دەپ، ارينە، رەالدى تۇردە ەمەس، ءوز سانامنىڭ سۇزگىسىنەن وتكىزىپ، جانۋارلاردى، ول جىلقى بولا ما، تۇيە بولا ما، قۇس بولا ما، سولاردىڭ بارلىعى جەردىڭ استىندا سياقتى. يرراتسيونالدىق كەڭىستىكتەگى ءوزىمنىڭ ويىمداعى دۇنيەلەردى سالعىم كەلدى.
- سۋرەتشىلىككە قالاي كەلدىڭىز؟
- مەن تەمىرجولدىڭ بويىندا شالقار جاقتا تۇردىم. اكەم دە، ونىڭ اكەسى دە تەمىرجولشى بولعان. بالا كەزدەن پويىزدىڭ سارتىلى، پاراۆوزدىڭ ارقىراعان داۋىسىن ەستىپ ءوستىم. سولار ماعان كەرەمەت اسەر ەتەتىن. ەس بىلگەننەن پويىزداردىڭ سۋرەتىن سالا باستادىم. سالعان سۋرەتتەرىمدى اكەم كورىپ: «وۋ، مەنىڭ بالام سۋرەتشى بولادى ەكەن» دەيتىن. ءوزىمنىڭ ىقىلاسىم بار، اكەمنىڭ جاڭاعىداي ءسوزى مەنى سۋرەتشىلىككە اكەلگەن بولۋى كەرەك. مەكتەپتە دە سۋرەت سالۋمەن اينالىستىم. كەيىننەن كوركەم سۋرەت ۋچيليششەسىنە وقۋعا تۇسكەندە دوستارىم دا مىقتى بولدى. اماندوس اقاناەۆ، فاتيما تارازي، ءباتيما زاۋىربەكوۆا، مارقۇم، داركەنباي شوقپاروۆ - ءبارىمىز ءبىر توپ بولىپ وقۋعا تۇستىك.
- بەينەلەۋ ونەرىندە ەڭ العاشقى ءوزىڭىزدىڭ بيىگىڭىزدى تانىتقان تىرناقالدى تۋىندىڭىز تۋرالى ايتساڭىز.
- 1968 جىلدارى ۇلكەن كورمەلەرگە جۇمىس قويا باستادىم، بىراق 1974 جىلدان باستالدى. اباي اتىنداعى مەملەكەتتىك وپەرا جانە بالەت تەاترىندا جاس سۋرەتشىلەردىڭ كورمەسى ءوتتى. سول كورمەگە «قىزىل قۇم تۋرالى ولەڭدەر» اتتى سەريالارىمدى قويدىم. التى-جەتى شاعىن ليست جاساعانمىن. ءوزىم بايقاعان جوقپىن. ءبىر كۇنى گازەتتى اشىپ وتىرىپ قاراسام، وسى جۇمىسىمدى جاقسى باعالاپ، بلكجو-نىڭ گراموتاسىن 4-5 ادامعا بەرىپتى. سونىڭ ىشىندە مەن دە بار ەكەنمىن. بۇل - ول كەزدە ۇلكەن نارسە. قاتتى تولقىدىم... وسىدان قۇلشىنىس پايدا بولدى. جالپى، ونەر - ازارت قوي.
- بۇگىنگى جاس سۋرەتشىلەر تۋرالى نە ايتاسىز؟
- كوكتەمگە ءتان گۇل اللانىڭ قالاۋىمەن ءوزى شىعادى عوي. بىرەۋگە بايلانىستى ەمەس، تابيعي عوي. سول سياقتى ءار قوعامنىڭ ءوزىنىڭ سۋرەتشىلەرى بولادى. مەن جاس سۋرەتشىلەرگە قۋانامىن جانە قىزىعامىن. دەگەنمەن كەڭەس كەزىندەگىدەي سۋرەتشىلەرگە كومەك بولسا، جاۋقازىنداي جايناپ كەتەر ەدى - قازاق دالاسى. ەسكى قوعامنىڭ ءبارىن جامانداي بەرۋگە بولمايدى. مەنىڭ ۇسىنىسىم، ارمانىم، وسىلاردى ءبىر جۇيەگە كەلتىرىپ، ءبىر ارناعا تۇسىرەتىندەي، ءوزىمىز ءومىر ءسۇرىپ جاتقان مەملەكەتتەن كوزقاراس كەرەك سياقتى. ماسەلەن، كوپشىلىگىندە شەبەرحانا جوق. كەڭەس كەزىندە سۋرەتشىلەر وداعىنا مۇشەلىككە وتسەڭ، جاس سۋرەتشىنى شەبەرحانامەن قامتاماسىز ەتۋگە وكىمەت مىندەتتى بولاتىن. ال قازىر ول جاعى قيىنداۋ. سۋرەتشىلەر وداعى دا دارمەنسىزدەۋ بولىپ قالدى. قولدارىنداعى موردەن باسقا دىم جوق، بىراق مۇلدە جوق بولىپ كەتپەي اتىنىڭ بارىنا شۇكىر. كەلەشەكتە كەمەلىنە كەلەتىن شىعار دەگەن ءۇمىت بار.
- قايرەكە، ەندى ءتۇيىن ءسوزىڭىز.
- مەن ءوزىمنىڭ بەينەلەۋ ونەرىنە كەلگەنىمە ريزامىن. اداسپاعان ەكەنمىن-اۋ دەپ ويلايمىن. مەن ونەردى اقىن-جازۋشى، تەاتر، بەينەلەۋ، باسقا دەپ سالا-سالاعا ءبولمەيمىن. مۇنىڭ بارلىعىنىڭ شوعىن تۇتاندىراتىن ءبىر قوز. مارقۇم قادىر اعام ايتاتىن: «مەن ەگەر اقىن بولماعاندا، سۋرەتشى بولار ەدىم» دەپ. شىنىندا، بۇل قىزىق... قادەكەڭ سولاي ارماندادى. ال ونىڭ نەمەرەسى مۇحيت، 22-23 جاستاعى جىگىت سۋرەتشى بولىپ شىقتى، البومدارى بار. ارينە، اقىن دەگەن ات مەن ءۇشىن ۇلكەن. ازداپ ۇيقاستىراتىنىم بار. ءبىر-ەكى شۋماق ولەڭ وقىپ بەرەيىن. سول اڭگىمەمىزدىڭ قورىتىندىسى بولسىن.
پەندە ەمەس ەم، سىر بولگەن سىباعادان،
ولەڭدى دە سىيلاي ما، ءسىرا، ماعان؟
قارعىپ جەتسەم، اق بوز ات جايداق ءمىنىپ،
دەمىڭمەن ءجۇر جانى جاز، ءبىر-اق ادام.
كەلتىرە مە كوپشىلىك، ءشۇبا، ماعان،
ولەڭ دەپ بوساعادان سىعالاعان.
وڭىمدە دە اقىنسىڭ، باۋىرىم، دەپ،
ماعان قۋات بەرىپ ءجۇر، ءبىر-اق ادام.
بىلگىڭ كەلسە، سۇراعىن سىراعادان،
اعا بىلەر، ايرىقشا، ءبىر-اق ادام.
جىلىتپاسا، ىشپەيدى سۋ دا بولسا،
سال جانىنا سالقىندىق ۇناماعان.
قارا بولعان، ءسىرى بولعان ىزدەردەن قۇراماعان،
سارا جولدى ىزدەنگەن مىنا ماعان.
جانى جايداق، توعىشار ءجۇز ادامعا،
جەتىپ جاتىر - جانى جاز ءبىر-اق ادام، - دەپ قومشاباي ءسۇيىنىشوۆ اعامىزعا جازعان ولەڭ ەدى. سىرباي ماۋلەنوۆ اعامەن دە داستارقانداس بولىپ ارالاسقانمىن. سىراعاڭ جىلىتپاسا ۆينو ىشپەيدى ەكەن. داستارقان باسىندا وسى اڭگىمە بولعان-دى. سول ءسوز ەسىمدە قالىپتى. ولەڭدەگى ايتىلىپ وتىرعان سىراعا - سىرباي ماۋلەنوۆ. وسى كىسىلەر مەنىڭ اعا تۇتقان، ومىردە ۇمىتپايتىن اعالارىم جانە مەن «قازاقستان» تەلەراديو كورپوراتسياسىنا قارىزبىن دەپ ەسەپتەيمىن. وسى مەكەمەدەن «جىل ادامى» اتالىمىمەن «سامعاۋ» دەگەن مەدال العانمىن. بۇل جەردە كوپ دوستار بار جانە ۇيامداي كورەمىن. ارقاشان مەرەيلەرىڭىز ۇستەم بولسىن! ەلىمىزگە تىنىشتىق، جۇرتىمىزعا ىنتىماق، تاتۋلىق، اماندىق تىلەيمىن.
- اڭگىمەڭىزگە راقمەت.
"الاش ايناسى" گازەتى
