كسرو -نىڭ بۇرىنعى پرەزيدەنتى ميحايل گورباچەۆ اۋعانستانداعى جاعداي تۋرالى مالىمدەمە جاسادى.

"ساتسىزدىكتى ەرتەرەك مويىنداۋ كەرەك ەدى. ەندى ساباق الۋ جانە ەڭ بولماعاندا مۇنداي قاتەلىكتەردى قايتالاماۋ ماڭىزدى. بۇل العاشقى ساتتەن باستاپ ءساتسىز باستاما بولدى، بىراق رەسەي ونى ءبىرىنشى كەزەڭدە قولدادى. بۇل كوپتەگەن تۇسىنىكسىز گەوساياسي جوسپارلارمەن قولۇستاسىپ جاتقان باعدارلامانىڭ ءبىرى بولدى. قوعامنىڭ سيپاتىن بايقاماستان دەموكراتيالاندىرۋ جۇمىستارىن جاساماق بولدى",- دەدى كسرو-نىڭ ەكس-پرەزيدەنتى.

گورباچەۆتىڭ باستاماسىمەن كەڭەس اسكەرلەرىنىڭ شىعارىلۋى باستالدى. ول كسرو -نىڭ اۋعانستاندا بولۋىن ساياسي قاتەلىك دەپ سانادى. گورباچەۆتىڭ ءوزى  كەڭەس اسكەرلەرىن اۋعانستاننان شىعارۋ تۋرالى شەشىم كوپتەگەن تالقىلاۋلاردان كەيىن قابىلدانعانىن، بۇل باعىتتى كسرو-نىڭ ساياسي جانە اسكەري باسشىلىعى دا، ەڭ باستىسى، حالىق قولداعانىن ايتتى.

Abai.kz