جەكسەنبى, 24 قازان 2021
1540 0 پىكىر 6 قىركۇيەك, 2021 ساعات 16:53

كاددافيدىڭ ۇلى تۇرمەدەن شىقتى

ليۆيا بيلىگى بۇرىنعى كوسەم مۋاممار كاددافيدىڭ ۇلى ساادي كاددافيدى بوساتتى.

جەتى جىل تۇرمەدە وتىرعان ساادي بوستاندىققا شىققاننان كەيىن بىردەن ستامبۋلعا ۇشىپ كەتكەن. كاددافيدىڭ ۇلىن بوساتۋ تايپالاردىڭ جوعارعى وكىلدەرى مەن پرەمەر-مينيستر ابدۋلحاميد دبەيبە قاتىسقان كەلىسسوزدەردىڭ ناتيجەسىندە ىسكە استى. كەلىسسوزدەرگە بۇرىنعى ىشكى ىستەر ءمينيسترى فاتحي باشاگا دا قاتىسقانى انىقتالدى.

ساادي كاددافي ناتو قولداۋىمەن كوتەرىلىس كەزىندە نيگەرگە قاشىپ كەتتى، بىراق 2014 جىلى ليۆياعا ەكستراديتسيالاندى جانە سودان بەرى تريپوليدە تۇرمەدە وتىرعان ەدى. ول 2011 جىلى دەمونسترانتتارعا قارسى قىلمىس جاسادى جانە 2005 جىلى ليۆيا فۋتبولىنىڭ جاتتىقتىرۋشىسى باشير ءال-ءريانيدى ءولتىردى دەپ ايىپتالعان بولاتىن.

Abai.kz

0 پىكىر