بۇل تۋرالى Wall Street Journal امەريكالىق ءبىر شەنەۋنىككە سىلتەمە جاساپ جازدى. جوعارى لاۋازىم يەلەرىنىڭ كەلىسسوزى 22 قىركۇيەكتە حەلسينكيدە وتكەن. ماسكەۋ مەن ۆاشينگتون بۇل ماسەلەگە قاتىستى مالىمدەمە جاساۋدان باس تارتتى.
"كوممەرسانت" گازەتىنىڭ حابارلاۋىنشا, ۆلاديمير پۋتين اقش پرەزيدەنتى دجو بايدەنمەن بيىل ماۋسىم ايىندا جەنەۆادا كەزدەسكەن ۋاقىتتا رەسەيلىك اسكەري بازالاردى اۋعانستاندا تۋىنداعان تەرروريستىك قاۋىپكە قارسى ارەكەت ەتۋگە پايدالانۋدى ۇسىنعان. Wall Street Journal گازەتىنىڭ حابارلاۋىنشا، سامميتتەن سوڭ اقش-تىڭ ۇلتتىق قاۋىپسىزدىك كەڭەسىنىڭ قىزمەتكەرلەرى ءميلليدى وسى ۇسىنىستى ناقتىلاۋعا جىبەرگەن.
اق ءۇي وكىلىنىڭ Wall Street Journal گازەتىنە حابارلاۋىنشا، اقش ماسكەۋدەن ءوز اسكەرىن اۋعانستانعا جاقىن اسكەري بازالارعا ورنالاستىرۋعا رۇقسات سۇراماعان. دەگەنمەن ۆاشينگتون وسى ماسەلە بويىنشا ءپۋتيننىڭ ۇستانىمىن تۇسىنگىسى كەلەدى، دەگەن دەرەككوز.
امەريكالىق اقپارات قۇرالدارى اقش اسكەرىن اۋعانستاننان شىعارىپ العان سوڭ ۆاشينگتون جاۋىنگەرلەرىن تاجىكستان مەن وزبەكستانعا ورنالاستىرۋ مۇمكىندىگىن قاراستىرىپ جاتىر دەپ جازدى. "كوممەرسانت" دەرەككوزىنىڭ مالىمەتىنشە، جەنەۆادا پۋتين بايدەنگە تاجىكستان مەن قىرعىزستانداعى رەسەيلىك بازالاردى بىرگە پايدالانۋ تۋرالى ۇسىنىس جاساعان.
اقش اۋعانستاننان اسكەرىن شاعارىپ جاتقان ۋاقىتتا، بيىل تامىزدا "تاليبان" كابۋلعا ۇرىسسىز كىرىپ، ۇكىمەت جاساقتاي باستادى. اۋعانستانعا كورشى ەلدەر تالىپتەر بيلىككە كەلگەن سوڭ ايماقتا تەرروريستىك قاۋىپ كۇشەيىپ بارادى دەپ الاڭدايدى.
Abai.kz
