«يا» نەمەسە «جوق» دەمەس بۇرىن سوڭعى ۋاقىتتاردا ورىن العان بىرنەشە وقيعالار تىزبەسىن زەردەمىزدەن وتكىزىپ كورەيىك. وسى جىلدىڭ 20 ماۋسىمى كۇنى ماسكەۋدە رەسەي فەرەداتسيالىق كەڭەسى ءتورايىمى جانىنداعى ينتەگراتسيالىق كلۋبتا «پوستكەڭەستىك كەڭىستىكتەگى ينتەگراتسيالىق ۇدەرىستەردىڭ گۋمانيتارلىق نەگىزى» (گۋمانيتارنىە وسنوۆى ينتەگراتسيوننىح پروتسەسسوۆ نا پوستسوۆەتسكوم پروسترانستۆە») اتتى جيىن بولىپ، وندا اتالعان فەدەراتسيالىق كەڭەستىڭ سپيكەرى ۆالەنتينا ماتۆيەنكو «رەسەي ءرۋبلى  بولاشاقتا ەۋرازيالىق وداقتىڭ ورتاق ۆاليۋتاسى بولۋى مۇمكىن» دەدى. مۇنى ءبىر دەپ قويىڭىز. ەكىنشىدەن ول، تمد ەلدەرىن دامىتۋدا ورىن الىپ وتىرعان تاعى ءبىر ماسەلە پوستكەڭەستىك كەڭىستىكتە بىرىڭعاي ءبىلىم بەرۋ جۇيەسىن قالىپتاستىرۋ ەكەنىن ايتا كەلىپ، گۋمانيتارلىق بايلانىستاردى نىعايتۋدا وسى ماسەلەنى شەشۋدىڭ ماڭىزى زور ەكەنىن اتاپ ءوتتى. سونىمەن بىرگە تمد ەلدەرى اراسىنداعى قارقىندى دامىپ كەلە جاتقان ينتەگراتسيالىق پروتسەستەرگە ورىس ءتىلىنىڭ تارالۋ دەڭگەيى ىلەسە الماي وتىرعانىن ايتتى. ول «تمد ەلدەرىندە رەسەي مادەني ورتالىقتارىنىڭ سانىن ارتتىرۋ كەرەك، ورىس ءتىلىن وقۋدىڭ ىنتالاندىرۋ شارالارىن كۇشەيتۋ كەرەك» http://slovari21.ru/news/integraciya_trebuet_znaniya_russkogo_yazika دەدى سپيكەر حانىم. بۇنى ءۇش دەڭىز.

«يا» نەمەسە «جوق» دەمەس بۇرىن سوڭعى ۋاقىتتاردا ورىن العان بىرنەشە وقيعالار تىزبەسىن زەردەمىزدەن وتكىزىپ كورەيىك. وسى جىلدىڭ 20 ماۋسىمى كۇنى ماسكەۋدە رەسەي فەرەداتسيالىق كەڭەسى ءتورايىمى جانىنداعى ينتەگراتسيالىق كلۋبتا «پوستكەڭەستىك كەڭىستىكتەگى ينتەگراتسيالىق ۇدەرىستەردىڭ گۋمانيتارلىق نەگىزى» (گۋمانيتارنىە وسنوۆى ينتەگراتسيوننىح پروتسەسسوۆ نا پوستسوۆەتسكوم پروسترانستۆە») اتتى جيىن بولىپ، وندا اتالعان فەدەراتسيالىق كەڭەستىڭ سپيكەرى ۆالەنتينا ماتۆيەنكو «رەسەي ءرۋبلى  بولاشاقتا ەۋرازيالىق وداقتىڭ ورتاق ۆاليۋتاسى بولۋى مۇمكىن» دەدى. مۇنى ءبىر دەپ قويىڭىز. ەكىنشىدەن ول، تمد ەلدەرىن دامىتۋدا ورىن الىپ وتىرعان تاعى ءبىر ماسەلە پوستكەڭەستىك كەڭىستىكتە بىرىڭعاي ءبىلىم بەرۋ جۇيەسىن قالىپتاستىرۋ ەكەنىن ايتا كەلىپ، گۋمانيتارلىق بايلانىستاردى نىعايتۋدا وسى ماسەلەنى شەشۋدىڭ ماڭىزى زور ەكەنىن اتاپ ءوتتى. سونىمەن بىرگە تمد ەلدەرى اراسىنداعى قارقىندى دامىپ كەلە جاتقان ينتەگراتسيالىق پروتسەستەرگە ورىس ءتىلىنىڭ تارالۋ دەڭگەيى ىلەسە الماي وتىرعانىن ايتتى. ول «تمد ەلدەرىندە رەسەي مادەني ورتالىقتارىنىڭ سانىن ارتتىرۋ كەرەك، ورىس ءتىلىن وقۋدىڭ ىنتالاندىرۋ شارالارىن كۇشەيتۋ كەرەك» http://slovari21.ru/news/integraciya_trebuet_znaniya_russkogo_yazika دەدى سپيكەر حانىم. بۇنى ءۇش دەڭىز.

بۇل مالىمدەمەنى وقىعان كەزدە-اق ءىشىمىزدىڭ قىلپ ەتە قالعانى راس. ويتكەنى كەدەندىك وداقتىڭ، ەۋرازيالىق ەكونوميكالىق كەڭىستىكتىڭ بارلىق زاڭدارىنا قول قويىپ جىبەرگەنىمىز ەسكە تۇسكەندە ءىشىڭ الاي دۇلەي بولادى.  وتكەن جىلى ءوزىن ءوزى تاراتىپ جىبەرگەن ءماجىلىس دەپۋتاتتارىنىڭ كەدەندىك وداقتىڭ ماسەلەلەرىن رەتتەيتىن ماڭىزدى زاڭ جوبالارىن قالاي تالقىلاپ، (شىندىعىن ايتقاندا جوبالاردىڭ بەتىن دە اشپاستان) «وپتوم» قابىلداپ جىبەرگەنى ەسكە تۇسكەندە دەپۋتات مىرزالار ءۇشىن مەملەكەت مۇددەسىنىڭ قانشالىقتى باعالى ەكەنىن اڭعارعان ەدىك. ول كەزدە دە بىرەن-ساران تابانىنىڭ ءبۇرى، جۇرەگىنىڭ تۇگى بار، ازاماتتىق پوزيتسياسى مىعىم كەيبىر ماماندار بولماسا، «كۇشتىلەرى ءسوز ايتسا، باس يزەيتىن شىبىنداپ» بيلىكتىڭ بيشىگىن ۇستاعاندار تاعى دا قۇپتاپ، باس يزەگەندى. ارينە، ەلباسىنىڭ باستاماسىنا قارسى شىعىپ، داۋ ايتىپ كرەسلوسى ەكەۋ دەيسىڭ بە؟

مىنە ەندى، بارلىق زاڭداردى پارلامەنت قابىلدادى، پرەزيدەنت قول قويدى، قازاقستاننىڭ اياق-قولىنا بولات بۇعاۋ سالىندى. ەندى قازاق جۇرتىنا وكتەم سويلەپ، قىر كورسەتە بەرۋگە بولادى. ونى ەڭ الدىمەن وسىدان از عانا ۋاقىت بۇرىن رەسەي پرەزيدەنتى ۆلاديمير ءپۋتيننىڭ قازاقستاندى اينالىپ ءوتىپ، وزبەكستانعا بارعانىنان انىق بايقاي باستادىق. ۆلاديمير پۋتين نەگە قىر كورسەتتى؟ ويتكەنى نۇرسۇلتان نازارباەۆ وسى جىلدىڭ ناۋرىزىندا ەۋرازيالىق ەكونوميكالىق وداق قۇرۋ جونىندەگى كەلىسىمكە قول قويۋدى 2015 جىلعا شەگەرۋدى ۇسىنعان ەدى. بۇل تۋرالى بۇكىل رەسەي ءباسپاسوزى شۋ ەتە قالعان-دى. (http://novostink.ru/sng/32469-nursultan-nazarbaev-vystupil-protiv-evraziyskogo-ekonomicheskogo-soyuza.html)  ەكىنشىدەن، بارلىق زاڭدارعا قول قويىلىپ، راتيفيكاتسيالانىپ كەتكەن سوڭ قازاقستان ەشقايدا قاشپايدى. ەندى ول رەسەيدىڭ قولبالاسىنا اينالدى... ونىڭ «جارقىن» كورىنىسىن ۆلاديمير پۋتين وزبەكستاننان قايتقان جولىندا ەلىمىزگە سوققان كەزىندە دە انىق كورسەتىپ، قازاقستاندىق مارقاسقا مينيسترلەردى، پرەمەر مەن پرەزيدەنت اكىمشىلىگى باسشىسىن قوسىپ ساۋساعىن شوشايتىپ، شاقىرىپ العانى. ونىڭ وتىرىسىنىڭ ءوزى قۇل يەلەنۋشىلەردىڭ قۇلداردىڭ توبەسىنەن قاراعانىنداي تاكاپپار، مەنمەندىگىن پاش ەتىپ تۇردى. مىنە بۇل ۆ. ءپۋتيننىڭ  قاس-قاباعىن اڭدىعان رەسەيلىك شەنەۋلىكتەر ءۇشىن «فاس» دەگەن بەلگى ەدى.

كوپشىلىك بۇل وقيعانىڭ مانىسىنە ءۇڭىلىپ ۇلگەرمەي جاتىپ-اق، قازاقستان كوممۋنيستەر پارتياسىنىڭ مارقاسقاسى، قازىرگى ءماجىلىس دەپۋتاتى، كەشەگى پرەزيدەنتتىككە ۇمىتكەر جامبىل احمەتبەكوۆ «ەۋرازيالىق وداق كەڭىستىكتىگىندە قىزمەت ەتۋ - وتە دۇرىس شارۋا. ورتاق ءتىل ماسەلەسىن قازاقستان وتە دۇرىس شەشىپ قويعان. ءبىزدىڭ مەملەكەتتە رەسمي ءتىل - ورىس ءتىلى. ەگەر باسقا دا مەملەكەتتەردە حالىق قاي تىلدە كوبىرەك سويلەسە، ورتاق ءتىل ورىس ءتىلى بولسا دا، ەشتەڭە ەتپەيدى. ويتكەنى بىزدە ورتاق ءتىل، رەسمي ءتىل - ورىس ءتىلى. باسقا مەملەكەتتەر دە ورىس ءتىلىن رەسمي ءتىل رەتىندە قابىلداسا، بۇل يمپەريانىڭ كورىنىسى بولىپ سانالمايدى» دەپ، (http://old.abai.kz/content/kommunist-deputat-ortak-til-orys-tili-bolganyn-kalaidy) ايدى اسپانعا بىراق شىعاردى.

مۇنى وقىعان كوپشىلىكتىڭ، الەۋمەتتىك جۇيەدە وتىرعان «بەلسەندىلەردىڭ» اراسىندا ۇلكەن داۋ تۋىپ، دەپۋتاتتىڭ بۇل مالىمدەمەسىن ساتقىندىق دەپ باعالاعاندار دا تابىلىپ جاتتى. ال كەشە الماتىدا ءوزىن قازاق زيالىسىمىن دەپ سانايتىن «قازاقستاندىق ۇلت»، «ەۋرزيالىق كەڭىستىك» يدەيالارىن قولداپ، ورىس ۇلتىنىڭ جوعىن جوقتاۋ ارقىلى اتى شىققان اۋەزحان قودار «Battler» اتتى  ارنايى كلۋب اشىپ،  ورىس ءتىلىن دامىتۋعا بىلەك سىبانا كىرىسىپ كەتىپتى. ول تۋرالى جازعان janaozen.net  سايتىنىڭ ءجۋرناليسى دياس بەيسەنبەك بىلاي دەيدى: «پىكىرتالاس الدىندا «الماتى قالاسىنداعى ۇلتارالىق قارىم-قاتىناستىڭ ەتيكاسى» دەگەن جازۋى بار 2 بەت قاعاز بارلىعىمىزعا بىردەي تاراتىلدى. ونىڭ مازمۇنىمەن تانىسىپ: «مىناۋ، قازاق ۇلتىن جويۋ جوسپارى ەمەس پە؟»، - دەگەن ويعا قالدىق. «امەريكاندىق ۇلت» يدەياسىن نەگىزگە الا جازىلعان جيىن ۇيىمداستىرۋشىلارىنىڭ ۇندەۋى قازاق ۇلتىن مەملەكەتقۇراۋشى ۇلت رەتىندە ەمەس، قاتارداعى جۇزدەن استام ەتنوسقا تەڭەپ، ونىڭ دا، ءتىلىنىڭ دە قانداي دا ارتىقشىلىقتارعا يە بولۋىنا ءۇزىلدى-كەسىلدى قارسى». سونىمەن اۋەزحان قوداردىڭ كوكسەگەنى نە ەكەن؟ ءوز ۇلتىنا ءوزى قويعا تيگەن قاسقىرداي شۇيلىگۋىنىڭ سەبەبى نە دەپ ويىمىزدىڭ سان ساققا كەتكەنى دە جالعان ەمەس. سويتسەك اتالعان ماقالانىڭ اياعىنان ونىڭ دا جاۋابىن تاپقاندايمىز. ماقالا بىلاي دەپ اياقتالىپتى «بۇل توپتىڭ ايتۋىنشا، 2015 جىلى قۇرىلاتىن وداقتىڭ ءتىلى ورىس ءتىلى بولۋى ءتيىس. Janaozen.net ءتىلشىسىنىڭ «ورىس ءتىلى تىقپالاۋلارىڭىز، رەسەيدىڭ يمپەريالىق وداق قۇرۋ ساياساتىن ناسيحاتتاۋدىڭ كورىنىسى ەمەس پە؟» دەگەن ساۋالىنا: «مۇندا رەسەيدىڭ يمپەريالىق امبيتسياسى ساياسيدان گورى، ەكونوميكالىق جاعىنان باسىم» دەپ اشىق ايتتى. دەمەك، رەسەيدىڭ ورىس ءتىلى ارقىلى ءوزىنىڭ يمپەريالىق امبيتسيالارىن كورسەتىپ جاتقانىن ۇيىمداستىرۋشىلار انىق مويىندادى. ايتا كەتەرلىگى بۇل باستاماشىل توپ وزدەرىنىڭ بۇل ويلارى مەن جوسپارلارىنىڭ وزەگى رەتىندە پرەزيدەنت نازارباەۆتىڭ ينتەگراتسيا مەن ورىس ءتىلىن جاقتاۋ سوزدەرىن بىرنەشە مارتە قايتالاپ، رەسەيگە راحمەتتەرىن ايتۋدان تانبادى.» (http://janaozen.net/oam/orys-tln-zhataushylary-belsenp-tr-nege.html?lang=kz) دەيدى.

يا، پرەزيدەنت وتكەن جىلعا دەيىن كوپۆەكتورلى ساياسات جۇرگىزىپ، اقش-قا رەسەيدى، رەسەيگە قىتايدى دەگەن سياقتى ءبىر بىرىنە قارسى پايدالانۋ ارقىلى تارازىنىڭ باسىن تەڭ ۇستاپ كەلگەن ەدى. وتكەن جىلعى ليۆيا كوسەمى مۋاممار كاددافيدىڭ يت ولىمىنەن كەيىن ەلباسىنىڭ  سىرتقى ساياساتتاعى كوزقاراسى كۇرت وزگەرتىپ، قازاقستان كەمەسىنىڭ باسى رەسەيگە قاراي تۇبەگەيلى ويىسقان ەدى. ونى ەلباسىنىڭ وسى جىلدىڭ 2 ناۋرىزىنداعى مالىمدەمەسىنەن انىق بايقاۋعا بولادى. وندا نۇرسۇلتان ءابىشۇلى «ەقىۇ اتتى كەمە ءالى كۇنگە ءبىر جاعىنا قيسايىپ بارادى» (كورابل پود نازۆانيەم وبسە پو-پرەجنەمۋ يدەت كرەنوم نا ودين بوك (http://news.ivest.kz/news/7284649) دەپ، ەندى قازاقستاننىڭ باسقا ەلدىڭ دەموكراتياسىن قۇلاعىنا قىستىرمايتىنىن ايتقان بولاتىن.

سول ۋاقىتتان باستاپ، وسىعان دەيىن دەنساۋلىق ساقتاۋدى، سالاۋاتتى ءومىر سالتىن قۇرۋدى، سپيد-پەن كۇرەستى قارجىلاندىرىپ كەلگەن اقشتىڭ ءتۇرلى قورلارى ەندى بەلسەندى جاستار ۇيىمدارىنىڭ جەتەكشىلەرىمەن كەزدەسىپ، جاسىل قاعازدارىن كورسەتە باستادى. ەكىنشى جاعىنان، مىنە، ءوز ىشىمىزدەن دە جاۋ شىعىپ، رەسەيدىڭ يمپەرياليستىك ساياساتىنىڭ وتىن مازداتۋعا دايىندار قاتارى كوبەيە باستادى.

وسى تۇستا ەندى عانا كوزىمىز شالىپ قالعان مىنا ءبىر جاعدايدى ەلەۋسىز قالدىرۋعا تاعى بولمايدى. ءتىپتى جوعارىدا ايتىلعان كوپ اڭگىمەنىڭ نەگىزگى ءتۇيىنى دە وسى جەردە جاتقان سياقتى. سونىمەن بۇگىن، ياعني 25 ماۋسىم كۇنى ءوزىن جەلتوقسان قۇربانىمىن دەپ سانايتىن، كوپشىلىك ۇلت پاتريوتى رەتىندە تانيتىن حاسەن قوجا-احمەت بەلگىلى اقىن، قازاق ءتىلىنىڭ جاناشىرى مۇحتار شاحانوۆتى «ار-وجدانعا ءتيىپ، قورلاۋ» جانە «الاياقتىق» باپتارى بويىنشا سوتقا بەردى.

حاسەن قوجا-احمەت ءوزىنىڭ سوتقا جازعان ارىزىندا مۇحتار شاحانوۆتىڭ جەلتوقسان وقيعاسىنا قاتىسۋشىلارعا تيگىزگەن زالالىن باستان-اياق تىزىمدەپ شىعىپتى. ونىڭ ايتۋىنشا، م.شاحانوۆ 1986 جىلى جەلتوقسان كوتەرىلىسى كۇندەرى ماسكەۋدە اقىندىق كەشىن وتكىزىپ جۇرەدى. سول كەزدە ماسكەۋدە جۇرگەن ستۋدەنت ەربول بايجارقىنوۆ الماتىداعى قان-جوسا قىرعىن تۋرالى م.شاحانوۆتىڭ كەشىنە كەلگەن قازاق دياسپوراسىنا، شەتەلدىكتەرگە حابارلاماق بولعاندا ول «نە ايتاتىنىڭدى بىلەمىن، كەت، كەشىمدى بۇزاسىڭ!» دەپ، وعان ميكروفون بەرمەي، كگب-عا ۇستاتتىرىپ جىبەرىپتى. «ەگەر سول كەشتە ە.بايجارقىنوۆقا الماتىداعى جاعداي تۋرالى حابارلاۋعا م.شاحانوۆ مۇمكىندىك بەرگەندە شەت مەملەكەتتەر جەلتوقساندىقتارعا  سوت باستالعانعا دەيىن-اق اراشا ءتۇسىپ، كسرو ۇكىمەتى ءدال اناداي رەپرەسسيالاۋدان تارتىنار ەدى» دەيدى ح.قوجا-احمەت. ودان ءارى قاراي تاعى ءبىراز ماسەلەلەردى تىزبەلەپ، مۇحتار شاحانوۆتى جەلتوقسانشىلاردىڭ جاۋى دەگەنگە كەلتىرىپتى. (http://www.serke.org/node/358#.T-gHxncGYIY.facebook)

مەنىڭ ويىمشا ونىڭ استارىندا ۇلكەن ساياسي ويىن، بىرەۋلەردىڭ ءتۇن ۇيىقتاماي، سامايىن سىعىمداپ وتىرىپ ويلاپ تاپقان ۇلكەن جوسپارى جاتىر....

ەندى ويلانىپ قاراڭىز، نەگە حاسەن قوجا-احمەت، نەگە مۇحتار شاحانوۆقا قارسى شىقتى؟ حاسەن قوجا-احمەت مۇحتار شاحانوۆتى سوتقا بەرۋدى نەگە 26 جىل كۇتتى؟

جوعارىداعى  ەۋرازيالىق وداقتىڭ ورتاق ۆاليۋتاسى، ورتاق ءتىلى تۋرالى اڭگىمەنىڭ ورتتەي قاۋلاي جونەلگەنى ءبىراز ۇلت پاتريوتتارىنىڭ الاڭداۋشىلىعىن تۋعىزعانى انىق. بۇل جەردە كوپشىلىككە باستاماشى بولاتىن دا، تارتىلۋ ورتالىعىنا اينالۋى مۇمكىن ادام دا مۇحتار شاحانوۆ بولاتىن. جۇرەگى السىرەپ، دەنساۋلىعى سىر بەرىپ تۇرسا دا ءوزىنىڭ ومىرلىك ۇستانىمىنان تايمايتىنىن سوڭعى پارلامەنت سايلاۋىندا دا م. شاحانوۆ تاعى ءبىر دالەلدەپ تاستادى. ۇلت پاتريوتتارىنىڭ ارىنىنان قورىققاندار ول سايلاۋعا تۇسكەن پارتيانى دوداعا قاتىستىرماي تاستادى. سوندىقتان مۇحتار شاحانوۆتىڭ اۋزىن جابۋ ءۇشىن ونى سوتقا سۇيرەپ، سىلىكپەسىن شىعارۋ كەرەك بولدى. ونىڭ ۇستىنە م. شاحانوۆتىڭ ساياسي تۇلعا رەتىندە اتىن شىعارعان جاعداي جەلتوقسان وقيعاسى. ەگەر مۇحتار شاحانوۆتى جەلتوقسانشىلاردىڭ جاۋىنا اينالدىرسا، ونىڭ بيىك تۇلعاسىنىڭ كولەڭكەسى دە قالماۋى مۇمكىن، ەل الدىنداعى بەدەلى جەرمەن جەكسەن بولارى  حاق. سونداي-اق شىعارماشىلىق پەن ازاماتتىقتىڭ اۋىر جۇگىن ارقالاپ، بۇگىنگى زاماننىڭ سىقپىتىنان ونسىز دا ءتۇڭىلىپ جۇرگەن اقىن جۇرەككە بۇل وراسان زور سوققى بولارى تاعى دا ايقىن. ودان ارعىسى تاعى ءبىر ينسۋلتكە تۋرا جول... ەندى ەكىنشى ماسەلە، نەگە حاسەن قوجا-احمەت، نەگە اۋەزحان قودار، نە بولماسا باسقا بىرەۋ ەمەس؟ سەبەبى حاسەن قوجا-احمەت ەل الدىندا ۇلت پاتريوتى رەتىندە تانىلعان ادام، ونىڭ اينالاسىندا جۇرگەن ءبىردى ەكىلى ادامدار ءوزىن ۇلتقا جاقىنبىز دەپ سانايدى، ال مۇحتار شاحانوۆ ەكى باستان ۇلت جاناشىرى. سوندىقتان ۇلت پاتريوتتارىنىڭ ەكى جەتەكشىسىن ءبىر بىرىنە قارسى قويۋ ارقىلى ۇلتىنىڭ ەرتەڭىن ويلاعان جانداردى ءبىر بىرىنە قارسى قويادى. بۇل ءارى قاراي ولاردىڭ اراسىنداعى قيرعيقاباق، ارازدىقتىڭ تۋعىزاتىنىن ايتپاسا دا تۇسىنىكتى.

سونىمەن ءبىر بىرىمەن جالعاسقان بۇل ۇلكەن ساياسي جوسپار كىمگە، نە ءۇشىن قاجەت؟ بۇل ەڭ نەگىزگى جانە جاۋاپتى سۇراق... بۇعان جاۋاپتىڭ دا ءارتۇرلى بولۋى مۇمكىن. مەنىڭ ويىمشا، بۇل جوعارى جاقتاعى بيلىككە تالاسقان  توپتاردىڭ پرەزيدەنتكە جاساپ وتىرعان قىسىمى بولۋى مۇمكىن. اقتوبە، اتىراۋ، جاڭاوزەن، ارقانكەرگەن وقيعالارى، بۇل ءبىر باعىت... «ءدىن ىستەرى جانە ءدىني بىرلەستىكتەر تۋرالى» جانە «ميگراتسيا تۋرالى» زاڭنىڭ دۇنيەگە كەلۋى ەكىنشى باعىت... قازىرگى ءتىل ماسەلەسىنە، ۇلت ماسەلەسىنە قارسى باعىتتالاعان وقيعالار تىزبەسى ءۇشىنشى باعىت... مۇنىڭ ءبارى ەڭ ءبىرىنشى حالىقتى بيلىككە، ەڭ الدىمەن پرەزيدەنتكە ايداپ سالۋ، قارسى شىعارۋ، باعىنباۋ ءۇشىن جاسالىپ جاتقان ارەكەتتەر... سونىمەن بىرگە كەيبىر ادامدار قازاقستاننىڭ رەسەيگە تاۋەلدى بولىپ قالعانىن ءوز مۇددەسىنە پايدالانىپ، رەسەيگە ارقا سۇيەۋ ارقىلى بيلىككە كەلۋگە ىنتالى بولۋى مۇمكىن. بۇل جاعدايدا رەسەيگە ۇلت پاتريوتتارىنىڭ دا، مۇسىلمانداردىڭ دا، ورالمانداردىڭ دا كۇش الىپ، بەدەلگە يە بولعانى استە قاجەت ەمەس...

ەندى نە ىستەۋگە بولادى؟ بۇل شىرعالاڭنان شىعار جول بار ما؟

بۇل الدىڭعى سۇراقتان دا جاۋابى جوق قيىن ماسەلە... بۇدان شىعۋدىڭ ءبىر جولى، اتاپ ايتقاندا ەۋرازيالىق وداققا كىرۋ ارقىلى تاۋەلسىزدىكتەن ايىرىلۋدان قۇتىلۋدىڭ ءبىر عانا جولى، پرەزيدەنت نۇرسۇلتان نازارباەۆتىڭ پرەزيدەنتتىكتەن كەتۋى بولماق. «قر ءبىرىنشى پرەزيدەنتۋ تۋرالى» زاڭنىڭ نەگىزىندە بيلىكتەن شەگىنىس جاساپ، ناقتى مۇراگەرىن انىقتاۋ كوپ ءتۇيىندى ماسەلەنىڭ شەشىلۋىنە جول اشۋى مۇمكىن. الايدا ەلباسىنىڭ مۇنداي قادامعا باراتىنىنا ەشكىم سەنە قويمايدى. رەسەي ساياساتتانۋشىسى اجدار كۋرتوۆتىڭ ايتۋىنشا قازاقستان پرەزيدەنتى ءتىرى كەزىندە تاقتان كەتپەۋى مۇمكىن. (http://www.respublika-kz.info/news/politics/23175/) الايدا قانداي دا ءبىر جولمەن ەلباسى اۋىسسا، ەكىنشى پرەزيدەنت كىم بولماق؟ ول  قازىرگى پرەزيدەنت قول قويعان كەلىسىم شارتتاردىڭ كۇشىن جويىپ، ەۋرازيالىق وداق بۇعاۋىنان شىعا الام ما، كوپۆەكتورلى ساياساتقا قايتا بەت بۇرىپ، تارازى باسىن تەڭەي الا ما؟ ءتىپتى ونداي نيەتى بولعان كۇننىڭ وزىندە ودكب اسكەرى اۆتوماتىن شوشايتۋى دا عاجاپ ەمەس... ول كەزدە ناتوعا يەك ارتۋعا ءماجبۇر بولا ما؟ نە بولماسا ول باسشى قولتىعىنان دەمەگەن رەسەيدىڭ قوينىنا كىرىپ، ودان ءارى مەملەكەت قۇراۋشى ۇلتتى قۋدالاۋعا ۇشىراتىپ، مۇلدە جاعدايدى ۋشىقتىرىپ جەبەرە مە؟ بۇل قازىر تەك ءبىر اللاعا عانا ايان نارسە... سونىمەن قازاقستان مەملەكەتىنىڭ تاۋەلسىز عۇمىرى 2015 جىلى بىتە ما، جوق پا بەلگىسىز... كەشە «قايران دا مەنىڭ ەدىلىم» دەپ ەڭىرەگەن قازاق، ەرتەڭ «قايران دا مەنىڭ ەسىلىم» دەپ جىلاۋى بەك مۇمكىن بولىپ تۇر...

«اباي-اقپارات