بەيسەنبى, 28 ناۋرىز 2024
بيلىك 2956 3 پىكىر 14 قازان, 2021 ساعات 14:04

ەتنوسارالىق كەلىسىمنىڭ وزەكتى ماسەلەلەرى بويىنشا حالىقارالىق كونفەرەنتسيا باستالدى

«قازىرگى كەزەڭدەگى ەتنوسارالىق كەلىسىم: تاجىريبە مەن الداعى مىندەتتەر» اتتى حالىقارالىق عىلىمي-پراكتيكالىق كونفەرەنتسيانىڭ ەكى كۇندىك جۇمىسى باستالدى.

كونفەرەنتسيانىڭ پلەنارلىق وتىرىسى مەملەكەت باسشىسى قاسىم-جومارت توقاەۆتىڭ قۇتتىقتاۋ سوزىمەن اشىلدى. قازاقستان پرەزيدەنتى كونفەرەنتسياعا قاتىسۋشىلارعا جەمىستى جۇمىس تىلەپ، «كوپتەگەن مەملەكەتتە ەتنوسارالىق سيپاتتاعى الەۋمەتتىك شيەلەنىس ءورشىپ بارادى. سوندىقتان، حالىقارالىق قاۋىمداستىقتىڭ الدىندا وسى تۇيتكىلدى ماسەلەنى شەشۋدىڭ ءتيىمدى جولدارىن ىزدەۋ، قوعامدىق دامۋدىڭ جاڭا ينكليۋزيۆتى مودەلىن ازىرلەۋ مىندەتتەرى تۇر. بۇل رەتتە ساراپشىلار مەن كاسىبي زەرتتەۋشىلەردىڭ عىلىمي ۇستانىمنان اينىماي، بەلسەندى جۇمىس ىستەۋى اسا ماڭىزدى.»،- دەدى.

ەكى كۇن بويى قازاقستان، رەسەي، ۋكراينا، وزبەكستان، يزرايل، بولگاريا ەلدەرىنىڭ ەتنوسارالىق قاتىناستار، كونفليكتولوگيا جانە ەتنوپسيحولوگيا سالاسىنداعى ساراپشىلارى ەتنوسارالىق قاتىناستاردى دامىتۋدىڭ وزەكتى ماسەلەلەرىن تالقىلايدى.

سونىمەن قاتار، كونفەرەنتسيا جۇمىسىنا قر پارلامەنتى ءماجىلىسىنىڭ دەپۋتاتتارى، قر پرەزيدەنتى اكىمشىلىگىنىڭ، مينيسترلىكتەردىڭ، پروكۋراتۋرا جانە سوت ورگاندارىنىڭ، ەلىمىزدىڭ عىلىمي-زەرتتەۋ ينستيتۋتتارىنىڭ وكىلدەرى قاتىسادى.

كونفەرەنتسيا جۇمىسىنىڭ ءبىرىنشى كۇنى جامبىل وبلىسىنىڭ اكىمى بەردىبەك ساپارباەۆ، قازاقستان حالقى اسسامبلەياسى توراعاسىنىڭ ورىنباسارى – قازاقستان حالقى اسسامبلەياسى حاتشىلىعىنىڭ مەڭگەرۋشىسى مارات ءازىلحانوۆ، اقپارات جانە قوعامدىق دامۋ ۆيتسە-ءمينيسترى بولات تىلەپوۆ، ۇلتتىق ەكونوميكا ۆيتسە-ءمينيسترى الىبەك قۋانتىروۆ بايانداما جاسادى.

كونفەرەنتسيا جۇمىسى ءتورت سەكتسيا بويىنشا وتەدى:

  1. كوپەتنوستى ەلدى مەكەندەردەگى الەۋمەتتىك پروبلەمالاردى شەشۋدەگى جەرگىلىكتى اتقارۋشى ورگاندار مەن ازاماتتىق ينستيتۋتتاردىڭ ءرولى;
  2. شيەلەنىستەر مەن نارازىلىق كوڭىل-كۇيلەردى الدىن الۋ جانە ولاردى ەسكەرتۋ;
  3. مۋلتيمادەني ورتاداعى قاقتىعىستاردىڭ الدىن الۋ ىسىنە عىلىمي-ساراپتامالىق الەۋەتتى پايدالانۋ;
  4. قوعامدىق كەلىسىمدى نىعايتۋداعى قازاقستان حالقى اسسامبلەياسى مەن باق-تىڭ ءرولى.

كونفەرەنتسيانىڭ ءبىرىنشى كۇنى ساراپشىلار قاقتىعىستار مەن نارازىلىق كوڭىل-كۇيلەردىڭ نەگىزگى سەبەپتەرى، زاماناۋي قوعامدارداعى ەتنوگەنەزدىڭ جاڭا اسپەكتىلەرى، جەرگىلىكتى دەڭگەيدە ەتنوسارالىق قاتىناستاردى رەتتەۋدەگى جەرگىلىكتى اتقارۋشى ورگانداردىڭ ءرولى جانە الەمدىك تاجىريبە جانە ت.ب. تالقىلانادى. قوعامدىق كەلىسىم سالاسىنداعى مەملەكەتتىك ساياساتتى ىسكە اسىرۋدا جوعارى وقۋ ورىندارىنىڭ ءرولى، وڭتۇستىك قازاقستاننىڭ ەتنيكالىق قۇرىلىمىنىڭ دامۋ ەرەكشەلىكتەرى مەن كەلەشەگى جەكە قارالدى.

كونفەرەنتسيانىڭ ءبىرىنشى كۇنى ساراپشىلار قاقتىعىستار مەن نارازىلىق كوڭىل-كۇيلەردىڭ سەبەپتەرىن، قازىرگى قوعامدارداعى ەتنوگەنەزدىڭ جاڭا اسپەكتىلەرىن، جەرگىلىكتى اتقارۋشى جانە زاڭ شىعارۋشى ورگانداردىڭ ءرولىن، ەتنوسارالىق قاتىناستاردى رەتتەۋدىڭ الەمدىك تاجىريبەسىن جانە باسقالاردى تالقىلايدى. جوو-لاردىڭ قوعامدىق كەلىسىم سالاسىنداعى مەملەكەتتىك ساياساتتى ىسكە اسىرۋداعى قىزمەتى، وڭتۇستىك قازاقستاننىڭ ەتنيكالىق قۇرىلىمىنىڭ ەرەكشەلىكتەرى بولەك قارالدى.

ءىس-شارانى قر اقپارات جانە قوعامدىق دامۋ مينيسترلىگى، جامبىل وبلىسىنىڭ اكىمدىگى، قازاقستان حالقى اسسامبلەياسى جانە قولدانبالى ەتنوساياسي زەرتتەۋلەر ينستيتۋتى ۇيىمداستىردى.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3512