موحاكيكتىڭ مالىمەتىنە قاراعاندا، كابۋلدىڭ 13-وكرۋگىنەن بىرنەشە اپتا بۇرىن تابىلعان بالالار دەنەسىن جەرگىلىكتى مولدا مەن وسى اۋداننىڭ تۇرعىندارى جەرلەگەن.

مولدا مۇحاممەد ءالي ءباميانيدىڭ حابارىنا قاراعاندا، جەتىم بالالاردىڭ ۇلكەنى - شامامەن سەگىز جاستا، كىشىسى - ءبىر جارىم جاستا عانا. "ولاردىڭ ەشكىمى قالماعان. اكە-شەشەسىنىڭ ەكەۋى دە ولگەن، جاقىن تۋىستارى دا جوق", — دەيدى ءبامياني.

ءبامياني بالالار دەنەسى تابىلعان ۇيگە بارعانىن ايتادى. ونىڭ سوزىنشە، بالالاردىڭ اشتىقتان السىرەگەنى سونشالىق، ءوز بەتىمەن قيمىلداۋعا دا جاراماعان.

"تاليبان" قوزعالىسى باسقاراتىن اۋعان ۇكىمەتى بۇل جونىندە ەشقانداي اقپارات بەرگەن جوق.

بۇعان دەيىن بىرىككەن ۇلتتار ۇيىمى تاياۋ ارادا گۋمانيتارلىق كومەك بەرىلمەسە، اۋعانستان اشتىققا ۇرىنۋى مۇمكىن ەكەنىن ەسكەرتكەن.

Abai.kz