قازاقستان-قىرعىز شەكاراسىندا قايتادان سالىنعان «قاراسۋ» باقىلاۋ-وتكىزۋ بەكەتى ىسكە قوسىلدى. ول ەكى ەل ازاماتتارىنىڭ كەدەندىك باقىلاۋدان ءوتۋىن ايتارلىقتاي جىلدامداتادى.

قر قم كەدەندىك باقىلاۋ كوميتەتىنىڭ ءباسپاسوز قىزمەتى حابارلاعانداي، كوممەرتسيالىق ماقساتتى كوزدەمەگەن شەكارادان ءوتۋشى جەكە تۇلعالار، ءبىرىنشى كەزەكتە تۋريستەر شەكارانى ەش كەدەرگىسىز، جىلدام وتە الادى. ال بيزنەسپەن اينالىسىپ، شەكارادان تۇتىنۋشىلىق تاۋارلاردى الىپ وتەتىن سىرتقى ەكونوميكالىق قىزمەت وكىلدەرى ءۇشىن بولەك ەرەجەلەر ورناتىلعان. 50 كەلىگە دەيىنگى جۇگى ءۇشىن 1500 ەۋرو تولەگىسى كەلمەيتىن بيزنەسمەندەر جۇكتى ءبولىپ-ءبولىپ، الىپ وتەتىن ادامداردى جالدايدى. ادەتتە ونداي ادامدار سانى 250-350 ادامعا دەيىن بارادى. وسىنداي ادامدار جۇكتى شەكارادان شىعارىپ بەرۋ كەزىندە ۇزىننان-ۇزاق كەزەكتەر تۋعىزادى. تاۋاردى سالىقسىز الىپ وتكىسى كەلەتىندەردەن قاراپايىم ازاماتتار مەن تۋريستەردى اجىراتۋعا بىرلەسكەن كەدەندىك باقىلاۋ كومەكتەسەدى. ول قازاقستان مەن قىرعىزستان كەدەندىك قىزمەتتەرى اراسىندا ارنايى حاتتاماعا قول قويىلعاننان كەيىن قولعا الىنادى. ەندى وتكىزۋ بەكەتتەرى زاماناۋي تەحنيكالىق قۇرالدارمەن: ينسپەكتسيالىق-تەكسەرۋ كەشەندەرىمەن، تاۋارلار جەتكىزىلىمىن باقىلاۋدىڭ اۆتوماتتالعان جۇيەلەرىمەن جانە ەلەكتروندى وتكىزۋ بەكەتتەرىمەن جابدىقتالعان. ولار قاپتامالارىن اشپاستان جارىلعىش جانە ەسىرتكى زاتتاردى، قارۋ مەن باعالى مەتالداردى تابۋعا مۇمكىندىك بەرەدى.

قازاقستان-قىرعىز شەكاراسىندا قايتادان سالىنعان «قاراسۋ» باقىلاۋ-وتكىزۋ بەكەتى ىسكە قوسىلدى. ول ەكى ەل ازاماتتارىنىڭ كەدەندىك باقىلاۋدان ءوتۋىن ايتارلىقتاي جىلدامداتادى.

قر قم كەدەندىك باقىلاۋ كوميتەتىنىڭ ءباسپاسوز قىزمەتى حابارلاعانداي، كوممەرتسيالىق ماقساتتى كوزدەمەگەن شەكارادان ءوتۋشى جەكە تۇلعالار، ءبىرىنشى كەزەكتە تۋريستەر شەكارانى ەش كەدەرگىسىز، جىلدام وتە الادى. ال بيزنەسپەن اينالىسىپ، شەكارادان تۇتىنۋشىلىق تاۋارلاردى الىپ وتەتىن سىرتقى ەكونوميكالىق قىزمەت وكىلدەرى ءۇشىن بولەك ەرەجەلەر ورناتىلعان. 50 كەلىگە دەيىنگى جۇگى ءۇشىن 1500 ەۋرو تولەگىسى كەلمەيتىن بيزنەسمەندەر جۇكتى ءبولىپ-ءبولىپ، الىپ وتەتىن ادامداردى جالدايدى. ادەتتە ونداي ادامدار سانى 250-350 ادامعا دەيىن بارادى. وسىنداي ادامدار جۇكتى شەكارادان شىعارىپ بەرۋ كەزىندە ۇزىننان-ۇزاق كەزەكتەر تۋعىزادى. تاۋاردى سالىقسىز الىپ وتكىسى كەلەتىندەردەن قاراپايىم ازاماتتار مەن تۋريستەردى اجىراتۋعا بىرلەسكەن كەدەندىك باقىلاۋ كومەكتەسەدى. ول قازاقستان مەن قىرعىزستان كەدەندىك قىزمەتتەرى اراسىندا ارنايى حاتتاماعا قول قويىلعاننان كەيىن قولعا الىنادى. ەندى وتكىزۋ بەكەتتەرى زاماناۋي تەحنيكالىق قۇرالدارمەن: ينسپەكتسيالىق-تەكسەرۋ كەشەندەرىمەن، تاۋارلار جەتكىزىلىمىن باقىلاۋدىڭ اۆتوماتتالعان جۇيەلەرىمەن جانە ەلەكتروندى وتكىزۋ بەكەتتەرىمەن جابدىقتالعان. ولار قاپتامالارىن اشپاستان جارىلعىش جانە ەسىرتكى زاتتاردى، قارۋ مەن باعالى مەتالداردى تابۋعا مۇمكىندىك بەرەدى.

ايتا كەتەيىك، جىل سايىن قازاقستان-قىرعىز شەكاراسىن 40 مىڭ ادام مەن 4 مىڭعا جۋىق كولىك كەسىپ وتەدى. جازعى مەزگىلدەردە ولاردىڭ سانى ارتا تۇسەدى. سوندىقتان شەكاراداعى وتكىزۋ بەكەتتەرىنىڭ قالىپتى جۇمىس ىستەۋىن قامتاماسىز ەتۋ - كەدەندىك ورگانداردىڭ ءبىرىنشى كەزەكتەگى ماسەلەسىنە اينالىپ وتىر.

دەرەككوز: 1tv.kz