قازاقتار قاراپايىم، كەمەڭگەر، دانا ادامدى ەشقاشان مويىندامايدى. كەز كەلگەن اۋىلدا بولسىن، اۋداندا بولسىن، وسىنداي كەمەڭگەر قاراپايىم ادام قازاقتىڭ الدىنا شىعىپ سويلەسىن، وعان ءمان بەرمەيدى، ەلەمەيدى.

ال ەندى، مىناعان قاراڭىز!
استىنا ەڭ قىمبات كولىك مىنگەن، اقشاسى اعىلىپ توگىلگەن، كەۋدەسىن كوتەرگەن، قارنى بەگەموتتىڭ قارنىنداي، ەشكىمدى مەنسىنبەي سويلەيتىن، تاكاپپار، گالستۋك تاققان نادان بولسا دا، ايۋان بولسا دا، بىرەۋى باسشى بولىپ كەلسە، ارتىنا كىرىپ، اۋزىنان شىعادى. الدىندا جالپايىپ جاتا كەتەدى.

قازىر قازاقتار ساياسي-قۇقىقتىق مادەنيەتى جوعارى ادامدى باعالامايدى. ال، جەمقور، قانىپەزەر، ەلدىڭ كوز جاسىنا قارامايتىن مەس قارىن حايۋان باسشىلاردىڭ الدىندا قۇرداي جورعالاپ جۇگىرەدى. قازاق كۇشپەن توقپاقتاپ، جەلكەسىنەن قىسىپ، تىرپ ەتكىزبەيتىن ديكتاتوردى عانا مويىندايدى.
قازاققا التەرناتيۆا كورسەتەتىن، كونسترۋكتيۆتى جۇمىس ىستەيتىن ليبەرال-دەموكراتتار كەلسە، ءاپ ساتتە كوزىن قۇرتادى.
مەن قازىر ەلدىڭ ماسەلەسىمەن تالاي ادامداردىڭ ورتاسىندا ءجۇرمىن. وسىنى كورىپ ءجۇرمىن كۇندە.

قازاقتىڭ ساياسي-قۇقىقتىق ساۋاتى اشىلىپ قالعان دەگەن قىرتقان ادامنىڭ ءسوزى. ساياسي، قۇقىق، زاڭ جاعىنان ءنولمىز. ءسويتىپ وتىرىپ بىرقىلداپ رەنجيمىز، جۇيەنى اۋىستىرعىمىز كەلەدى. بۇل مىنەزبەن ەشتەڭە دە وزگەرمەيدى.
قازاققا ءبىلىم كەرەك. ءبىلىمسىز كۇنىڭ قاراڭ.
ءبىلىمسىز قوعامدى ناداندار مەن جەمقورلار ماڭگى باسقارا بەرەدى.

بەكبولات قارجان

Abai.kz