12 قاراشادا تۇركيانىڭ ىستامبۇل قالاسىندا تۇركى كەڭەسىنە مۇشە مەملەكەتتەر باسشىلارىنىڭ VIII ءسامميتى وتەدى.

«تسيفرلىق داۋىردەگى جاسىل تەحنولوگيالار جانە اقىلدى قالالار» تاقىرىبىنداعى سامميتكە تۇركيا، قازاقستان، ءازىربايجان، قىرعىزستان، وزبەكستان جانە تۇركىمەنستان پرەزيدەنتتەرى، سونداي-اق ۆەنگريا پرەمەر-ءمينيسترى مەن باس حاتشى قاتىسادى دەپ جوسپارلانۋدا. مەملەكەت باسشىلارى ۇيىمنىڭ ورتا جانە ۇزاق مەرزىمدى پەرسپەكتيۆالارىنا قاتىستى بىرقاتار ماڭىزدى ماسەلەلەردى تالقىلايدى. كۇن تارتىبىنەن بولەك، ەل باسشىلارى اعىمداعى وڭىرلىك جانە حالىقارالىق ساياسي-ەكونوميكالىق وقيعالار تۋرالى پىكىر الماسادى.

توراعالىق ءازىربايجاننان تۇركياعا وتەتىن سامميتتە مەملەكەت باسشىلارى تۇركى كەڭەسى VIII ءسامميتىنىڭ قورىتىندى قۇجاتى بولاتىن ىستامبۇل دەكلاراتسياسىنا قول قويادى، سونداي-اق باسقا دا بىرقاتار كەلىسىمدەردى قابىلدايدى. سامميت تۇركى ەلدەرىنىڭ دامۋىنا جاڭا سەرپىن بەرەدى جانە ىنتىماقتاستىقتا ماڭىزدى بەتبۇرىس جاسايدى دەپ كۇتىلۋدە.

Abai.kz