بار مۇسىلمان قاۋىمنىڭ قاسيەتتى ايى ورازا ايىنا از كۇن قالعاندا ءدىنباسىمىز دەربەسالى ءابساتتار قاجى جالپى قاۋىمعا  ۇندەۋ جولداعان ەدى. ياعني، قاسيەتتى ايدا ازىق تۇلىك جانە وزگە باعالاردى 10 پايىزعا ارزانداتسا دەگەن بولاتىن باس ءمۇفتي ءوز ۇندەۋىندە. وسىعان بايلانىستى سىر ءوڭىرىنىڭ قاراپايىم ساۋداگەرلەرىنە بارىپ، ۇندەۋدى تانىستىرىپ، پىكىرلەرىن تىڭداعان ەدىك. الايدا، ۇكىلەپ بارعان ۇندەۋىمىزدى ەستىگەن جۇرت بۇل ماسەلەنى ۇكىمەتكە ايتىڭدار دەپ شىعارىپ سالعان-دى. ەندى، مىنە، وسى سىر ءوڭىرى ءابساتتار قاجى ايتقانداي ون پايىز باعا تۇسىرمەك تۇگىلى نانىڭ باعاسىن 5 تەڭگە جانە ۇن مەن ۇننان جاسالاتىن تاعامداردىڭ اربىنە 15-20 تەڭگەدەن ۇستەمە باعا قويىپ وتىر.

ال، رەسپۋبليكالىق تەلەارنالاردا بولسا، جىلۋ مەن جارىقتىڭ قىمباتتايتىندىعى جونىندە كۇندە ايتىلۋدا. سوندا بۇل قالاي، قاسيەتتى ورازادا قۇلقىنعا جول بەرىپ وتىرمىز با، الدە ءال-دارمەننىڭ قۋاتى وسى كۇنگە ازەر جەتتى مە؟ قالاي بولعاندا دا ەل كوڭىلىندە «باعا باس مۇفتيگە نەگە باعىنبادى ەكەن؟» دەگەن ساۋالعا اينالىپ تۇر.

بار مۇسىلمان قاۋىمنىڭ قاسيەتتى ايى ورازا ايىنا از كۇن قالعاندا ءدىنباسىمىز دەربەسالى ءابساتتار قاجى جالپى قاۋىمعا  ۇندەۋ جولداعان ەدى. ياعني، قاسيەتتى ايدا ازىق تۇلىك جانە وزگە باعالاردى 10 پايىزعا ارزانداتسا دەگەن بولاتىن باس ءمۇفتي ءوز ۇندەۋىندە. وسىعان بايلانىستى سىر ءوڭىرىنىڭ قاراپايىم ساۋداگەرلەرىنە بارىپ، ۇندەۋدى تانىستىرىپ، پىكىرلەرىن تىڭداعان ەدىك. الايدا، ۇكىلەپ بارعان ۇندەۋىمىزدى ەستىگەن جۇرت بۇل ماسەلەنى ۇكىمەتكە ايتىڭدار دەپ شىعارىپ سالعان-دى. ەندى، مىنە، وسى سىر ءوڭىرى ءابساتتار قاجى ايتقانداي ون پايىز باعا تۇسىرمەك تۇگىلى نانىڭ باعاسىن 5 تەڭگە جانە ۇن مەن ۇننان جاسالاتىن تاعامداردىڭ اربىنە 15-20 تەڭگەدەن ۇستەمە باعا قويىپ وتىر.

ال، رەسپۋبليكالىق تەلەارنالاردا بولسا، جىلۋ مەن جارىقتىڭ قىمباتتايتىندىعى جونىندە كۇندە ايتىلۋدا. سوندا بۇل قالاي، قاسيەتتى ورازادا قۇلقىنعا جول بەرىپ وتىرمىز با، الدە ءال-دارمەننىڭ قۋاتى وسى كۇنگە ازەر جەتتى مە؟ قالاي بولعاندا دا ەل كوڭىلىندە «باعا باس مۇفتيگە نەگە باعىنبادى ەكەن؟» دەگەن ساۋالعا اينالىپ تۇر.

ايتپاقشى، تەلەديداردان باس ءمۇفتيدىڭ ۇندەۋىنەن سوڭ باعا ءتۇسىرىپ جاتقان كاسىپكەرلەردى كورىپ قالىپ ەدىم. سونىمەن قاتار، ۇندەۋدى قۋاتتاپ جاتقان يمامداردىڭ دا ءسوزى جەلگە ۇشپاس دەپ ارقانى كەڭگە سالعانبىز. الايدا، ۇندەۋدەن كەيىن قۋانعان كوڭىل ورازا ىشىندە سۋ سەپكەندەي باسىلىپ وتىر. باس مۇفتيگە «قۇلاق اسپاعان» باعا تەك قىزلوردا قالاسىندا عانا ەمەس، قازاقستاننىڭ بارلىق ايماعىندا كەزەكتى رەت شارىقتاپ بارا جاتقان كورىنەدى. Abai.kz اقپاراتتىق پورتالىنىڭ «سانايعاعىندا» كەلتىرىلگەن مىنا كەپكە قاراڭىز: قازاقستاندا جالپى ازىق-تۇلىكتىڭ باعاسى 3,4%» كوتەرىلدى. ونىڭ ىشىندە سيىر ەتى 23,7%، جىلقى ەتى 20,5%، قوي ەتى 20,4% ءوستى (دەرەك كوزى - قر ستاتيستيكا جونىندەگى اگەنتتىگى).

«اباي-اقپارات»