ءۇيدىڭ باعاسى ءوسىپ كەتتى. رەسمي باعا قانشانى كورسەتسە دە ءۇيدىڭ باعاسى كەمىندە 40%-عا ءوستى. تۋرا وسىلاي اۆتوكولىكتىڭ دە باعالارى ءوستى. ازىق تۇلىك 40%-عا وسپەسە دە ول جاقتا قىمباتشىلىق بار. بىلتىرلارى 8000-عا بەنزين قۇيساق بيىل 9500-گە قۇيامىن. ول جاقتا دا ءوسىم بار. مەنىڭ ويىمشا وسى جىلى ينفلياتسيا كەمىندە 20% بولدى. بىراق رەسمي ستاتيستيكا 7.8% كولەمىندە بولىپ تۇر. ستاتيستيكا ەگەر دە ءادىل بولعاندا ينفلياتسيانى دۇرىس سانايتىن ەدى. ەگەر دە ينفلياتسيانى دۇرىس ساناسا حالىق باعالاردىڭ وسكەنىن ونشا قاتتى سەزىنبەۋ كەرەك. سەبەبى ينفلياتسياعا قاراي زەينەتاقى، باسقا دا الەۋمەتتىك تولەمدەر وسەدى. ينفلياتسيا 30% بولسا، زەينەتاقى دا 30%-عا ءوسۋ كەرەك. شىن ينفلياتسيا 30% بولىپ، رەسمي ستاتيستيكا 7.5% دەسە باعانىڭ ارتىنان زەينەتاقى قۋالاپ جەتە المايدى. ارتىنان جەتە الماعان سوڭ زەينەتاقى دا جەتپەيدى. زەينەتاقى جەتپەگەن سوڭ، كەيبىر زەينەتكەرلەر قايىرشى بولادى. ءوزىم قايىر تىلەگەن زەينەتكەردى كورگەنمىن.

بىلتىر كوپ ادامنىڭ ارتىلعان زەينەتاقى قورىنداعى اقشالارىن تاراتىپ بەردى. نەگىزى مۇندايدى الەمدە ەشبىر ەل جاسامايدى اۋ. ءبىز قازىر 200 دوللارلىق ورتاشا زەينەتاقى الساق 20 جىلدان سوڭ دا وسى 200 دوللاردىڭ اينالاسىنان شىعا الماسىمىزدى بىلەمىن. باتىستاعىداي جاقسى زەينەتاقى الۋ ءۇشىن جاقسى ايلىق بولۋى كەرەك. بىزدىكىندەي 400-500 دوللار ايلىقپەن زەينەتاقى دا ميزيرنىي بولىپ قالا بەرەدى. كەرىسىنشە زەينەتاقى كوپ بولسىن دەسەك بىرىنشىدەن زەينەتاقى قورىنداعى اقشانى دوللارعا يندەكستەۋ كەرەك. ايتپەسە قۇنىن جوعالتا بەرەتىن تەڭگەمەن جيناعاننان پايدا جوق. ەكىنشىدەن ول جاقتاعى جيناقتى 10%-دان دا كوبەيتۋ كەرەك. كەمىندە 15% بولۋ كەرەك شىعار. ۇشىنشىدەن بايلاردىڭ ءلوببيسى ءۇشىن ارتىق اقشانى شەشىپ الۋ دەگەندى قويۋ كەرەك. ارتىلسا كەدەيلەرگە بەرسىن.

سابيت رىسباەۆ

Abai.kz