ءبىر-بىرىنە دەگەن ىنتىزارلىعى ەرەكشە ەكى جاستىڭ سۋرەتىن  ارعى بەتتە، قىتاي حالىق رەسپۋبليكاسىندا تۇرىپ جاتقان باۋىرىلارىمىزدىڭ kultegin.com سايتىنان الىپ وتىرمىز. ءيا، بۇل بۇگىنگى اقش پرەزيدەنتى باراك وباما مەن جارى ميشەل حانىم. «سول كەزدەگى ىستىق قۇشاقتارىمىز جازىلماي ءومىردى بىرگە ءسۇرىپ كەلەمىز»، - دەيدى اقش پرەزيدەنتى.

ءبىر-بىرىنە دەگەن ىنتىزارلىعى ەرەكشە ەكى جاستىڭ سۋرەتىن  ارعى بەتتە، قىتاي حالىق رەسپۋبليكاسىندا تۇرىپ جاتقان باۋىرىلارىمىزدىڭ kultegin.com سايتىنان الىپ وتىرمىز. ءيا، بۇل بۇگىنگى اقش پرەزيدەنتى باراك وباما مەن جارى ميشەل حانىم. «سول كەزدەگى ىستىق قۇشاقتارىمىز جازىلماي ءومىردى بىرگە ءسۇرىپ كەلەمىز»، - دەيدى اقش پرەزيدەنتى.

باراك حۋسەين وباما 1961 جىلدىڭ تامىز ايىندا دۇنيەگە كەلگەن. ول امەريكا قۇراما شتاتتارىنىڭ تاريحىنداعى بەسىنشى افروامەريكاندىق سەناتور اتاندى. تۋعان جەرى گاۆاي ارالدارىنىڭ ورتالىعى - گونولۋلۋ قالاسى. ونىڭ اكەسى - ۇلكەن باراك حۋسەين وباما ەكونوميكا سالاسىن زەردەلەۋ ماقساتىمەن امەريكاعا كەنيادان كەلگەن. باراكتىڭ اناسى  ستەنلي ەنن دانحەم  ەكىنشى رەت تۇرمىس قۇرىپ يندونەزيالىق مۇسۇلمان ستۋدەنتپەن باس قۇرايدى. حۋسەين وباما نەگىزىنەن وسى وگەي اكەسىنىڭ تاربيەسىن كورىپ وسەدى. وبامانىڭ ءومىربايانى تۋرالى ازداعان ماعۇلماتتى مىنا سىلتەمەدەن تابا الاسىزدار: http://dinislam.kz/publ/38-1-0-294.  ءبىر قىزىعى وباما اقش پرەزيدەنتتىگىنە سايلانىپ جاتقان كەزدە وعان يسلام الەمى زور ۇمىتپەن قاراپ ەدى. dinislam.kz سايتى دا سول كەزدەگى جالپى جاميعاتتىڭ كوڭىل-كۇي اۋانىنا بەرىلىپ، وبامانى ءمۇمين كورگىسى كەلگەنىن بايقاتادى. دەگەندەي-اق، وباما اق ءۇيدىڭ تورىنە شىعىسىمەن كىشى بۋشتىڭ يراكقا جاساعان اسەكەري ارەكەتىن سىنعا العان ەدى. ەستەرىڭىزگە سالا كەتەيىك، دوردج بۋش 2001 جىلعى 11 قىركۇيەك وقيعاسىنا «ءال-كاەدا» ۇيىمىن كىنالى دەپ تاۋىپ، كۇللى مۇسىلمان ءجۇمرياتىنا جۇدىرىعىن بىلەگەن بولاتىن. سودان كەيىن كوپكە سوزباي سولتۇستىك اتالانتيكا وداعى مەن اقش-تىڭ اسكەري كۇشىن جۇمىلدىرىپ يراكقا قارسى قيان-كەسكى سوعىستى باستاپ تا كەتكەن-ءدى. ۇزاق جىلدار بويى يراكتى بيلەپ-توستەگەن ساددام حۋسەين اقىرىندا دارعا اسىلىپ، كونە باعدات قالاسىنىڭ توز-توز شىقتى. ال، باراك وباما پرەزيدەنتتىك قىزمەتىنە ناقتىلى كىرىسكەننەن كەيىن يراكتان اقش اسكەرلەرىن شىعارۋ جانە اتىشۋلى گۋانتانامو تۇرمەسىن جابۋ، تاۋەلسىز پالەستينا مەملەكەتىن قۇرۋ جانە مۇسىلمان مەملەكەتتەرى باسشىلارىنىڭ ۇلكەن ءسامميتىن وتكىزۋ تۋرالى  جوسپارلارىن جايىپ سالعان-دى. وبامانىڭ وسىنداي بەتالىسىنا قاراپ مۇسىلمان مەملەكەتتەرى قۋانىسىپ قالعان. الايدا، ول تاياۋ شىعىستى دەرلىكتەي تىزە بۇكتىرىپ، 30-40 جىلدان ەل بيلىگىندە وتىرعانداردى تاقتان قۇلاتتى. ءبىز، ارينە، وبامانى سول ءۇشىن ايىپتاۋدان نەمەسە جاقتاۋدان قالىسپىز. ەل ءىسىنىڭ ىشكى ماسەلەلەرىنە سىرتتىڭ قولىن سۇقتىرماي بەرەكەلى تىرشىلىك قۇرۋ الدىمەن وزدەرىن يسلام الەمى اتايتىن ەلدەرگە كەرەك. ال، وباما... وباما بولسا، اقش-تىڭ ءبىرىنشى دەرجاۆا دەگەن اتاعىنا اتاق، داڭقىنا داڭق قوسىپ ميشەل حانىممەن ىستىق قۇشاعى اجىراماعان قالىپى عۇمىر كەشىپ جاتىر. مىنا سۋرەت ەكى جاستىڭ جۇپىنى تىرلىگىنەن سىر اڭعارتاقناداي ما، قالاي؟ ايتكەنمەندە باق دەگەندى قويساڭىزشى، ميشەل مەن باراك قازىر اق ۇيدە تۇرادى. كۇيەۋىنىڭ سوڭىنان اق ۇيگە كوشىپ كەلگەن ميشەل وباما امەريكا قۇراما شتاتتارى پرەزيدەنتىنىڭ رەزيدەنتسياسى ورنالاسقان  كوگالدان جاسىل باق جاساپ العان. اق ءۇي باعىنان قازىر ول ءونىم الىپ، ەرىنە سىرا قايناتىپ بەرەدى ەكەن.  اق ۇيدەگىلەر قازىر ميشەل جەڭگەيدىڭ بال سىراسىنان ءشول باسىپ، ءماز دەيدى بىلەتىندەر.

«اباي-اقپارات»