تۇركيانىڭ ۇلى ۇلتتىق جينالىسىندا ساياسي پارتيالار قازاقستانداعى «قاڭتار وقيعاسىنا» قاتىستى بىرلەسكەن ارنايى مالىمدەمە جاسادى. Abai.kz اقپاراتتىق پورتالى اتالعان مالىمدەمەنى قازاق تىلىنە اۋدارىپ، وقىرمان نازارىنا ۇسىنىپ وتىر. مىنەكەي:

مالىمدەمە

ءبىز باۋىرلاس قازاقستانداعى سوڭعى كۇندەرى ورىن العان جاعدايعا الاڭداۋشىلىق تانىتامىز. قازاقستاننىڭ تۇراقتىلىعى مەن تىنىشتىعى ءبىز ءۇشىن ءوز ەلىمىزدىڭ بەيبىتشىلىگى مەن تىنىشتىعى سياقتى ماڭىزدى. قازاقستاندىقتاردىڭ پاراساتتىلىعى مەن باسشىلىقتىڭ توزىمدىلىگى ارقاسىندا ءبارى تىنىشتالىپ، ەلدىڭ قالىپتى ومىرىنە ورالىپ جاتقانىنا قۋانىشتىمىز.

​وقيعا سالدارىنان قازا تاپقان باۋىرلارىمىزعا كوڭىل بىلدىرەمىز، قايعىلى وقيعاعا بايلانىستى اللانىڭ مەيىرىمى مەن شىدامدىلىق تىلەيمىز. زارداپ شەككەندەر تەز جازىلىپ كەتسىن.

ءبىز ادام ومىرىنە قاۋىپ توندىرەتىن، قوعامدىق ءتارتىپتى بۇزىپ، مۇلىككە زيان كەلتىرەتىن كەز كەلگەن زورلىق-زومبىلىق پەن ءىس-ارەكەتتەرگە قارسىمىز.

حالىقتىڭ ءال-اۋقاتىن كوتەرۋگە باعىتتالعان كۇن تارتىبىندەگى شەشىمدەر مەن قازاقستان اكىمشىلىگىنىڭ رەفورمالارىن قولدايمىز.

ءبىزدىڭ ارداگەرلەر كەڭەسى 15 شىلدەدەگى مەملەكەتتىك توڭكەرىس جاساۋ ارەكەتى كەزىندە قازاقستاندىق بيلىكتىڭ قولداۋىن ۇمىتپايدى.

تۇركيا قازاقستان تاۋەلسىزدىگىن العان كۇننەن باستاپ ونى قولدايدى جانە بۇدان كەيىن دە قازاقستان بەيبىتشىلىگى مەن تۇراقتىلىعىن ساقتاۋ ءۇشىن كەز كەلگەن كومەك ۇسىنادى.

مۇستافا شەنتوپ,

تۇركيانىڭ ۇلى ۇلتتىق جينالىسىنىڭ سپيكەرى.

ەنگين التاي,

تۇركيانىڭ رەسپۋبليكالىق حالىق پارتياسى پارلامەنتتىك توبى توراعاسىنىڭ ورىنباسارى.

مۋساۆات دەرۆيشوگلۋ،

IYI ۇلتشىلدىق پارتياسى پارلامەنتتىك توبى توراعاسىنىڭ ورىنباسارى.

دجاحيت وزكان,

ادىلدىك جانە دامۋ پارتياسى پارلامەنتتىك توبى توراعاسىنىڭ ورىنباسارى.

ەركان اكچاي،

ۇلتشىلدىق قوزعالىس پارتياسى پارلامەنتتىك توبى توراعاسىنىڭ ورىنباسارى.

Abai.kz