ورىستىلدىلەر «سامكا» (ۇرعاشى) اتايتىن «سامۇرىق-قازىنا» ۇلتتىق ءال-اۋقات قورى»  اكتسيونەرلىك قوعامى باسقارما توراعاسىنىڭ ورىنباسارى ق.بيشيمباەۆ مىرزا «يننوۆاتسيالىق قازاقستان» كونكۋرسىنىڭ باستالعانى تۋرالى جاريا ەتتى. اتالمىش كونكۋرستىڭ ءمانى - «مۇناي مەن گاز»، «ەنەرگەتيكا»، «كولىك»، «كەن ءىسى» (مۇنى «ۇرعاشىلىقتار» - ورىسشا «گورنوە دەلودان» «تاۋ ءىسى» دەپ اۋدارىپتى), «تەلەكوممۋنيكاتسيا»، «ماشينا جاساۋ»، التى اتالىم بويىنشا جاڭاشىل ۇسىنىستار جيناپ، قارجىلاندىرۋ، ول جوبالاردى ەنگىزۋگە جاعداي جاساۋ. بۇل ۇسىنىستار عىلىمي-تەحنيكالىق، الەۋمەتتىك-ەكونوميكالىق، ەكولوگيالىق كوزقاراستار تۇرعىسىنان ءتيىمدى، پايدالى، جۇزەگە اسىرىمدى بولۋى قاجەت ەكەن. بۇعان قوسا تاعى دا ارنايى اتالىمدار بار: «ەنەرگيالىق تيىمدىلىك جانە رەسۋرستى قورۋ («ۇرعاشىلىقتاردا» - ساقتاۋ)»، «ەنەرگيانىڭ بالاما كوزدەرى»، «ۇزدىك كومپانيا - كونكۋرستىڭ بەلسەندى قاتىسۋشىسى»، «ۇزدىك جاڭاشىل ساراپشى».

ورىستىلدىلەر «سامكا» (ۇرعاشى) اتايتىن «سامۇرىق-قازىنا» ۇلتتىق ءال-اۋقات قورى»  اكتسيونەرلىك قوعامى باسقارما توراعاسىنىڭ ورىنباسارى ق.بيشيمباەۆ مىرزا «يننوۆاتسيالىق قازاقستان» كونكۋرسىنىڭ باستالعانى تۋرالى جاريا ەتتى. اتالمىش كونكۋرستىڭ ءمانى - «مۇناي مەن گاز»، «ەنەرگەتيكا»، «كولىك»، «كەن ءىسى» (مۇنى «ۇرعاشىلىقتار» - ورىسشا «گورنوە دەلودان» «تاۋ ءىسى» دەپ اۋدارىپتى), «تەلەكوممۋنيكاتسيا»، «ماشينا جاساۋ»، التى اتالىم بويىنشا جاڭاشىل ۇسىنىستار جيناپ، قارجىلاندىرۋ، ول جوبالاردى ەنگىزۋگە جاعداي جاساۋ. بۇل ۇسىنىستار عىلىمي-تەحنيكالىق، الەۋمەتتىك-ەكونوميكالىق، ەكولوگيالىق كوزقاراستار تۇرعىسىنان ءتيىمدى، پايدالى، جۇزەگە اسىرىمدى بولۋى قاجەت ەكەن. بۇعان قوسا تاعى دا ارنايى اتالىمدار بار: «ەنەرگيالىق تيىمدىلىك جانە رەسۋرستى قورۋ («ۇرعاشىلىقتاردا» - ساقتاۋ)»، «ەنەرگيانىڭ بالاما كوزدەرى»، «ۇزدىك كومپانيا - كونكۋرستىڭ بەلسەندى قاتىسۋشىسى»، «ۇزدىك جاڭاشىل ساراپشى».

ق.بيشيمباەۆتىڭ ايتۋىنشا، بۇل كونكۋرسقا دايىندالۋعا جىلدىڭ جارتىسى كەتىپتى، التى اي بويى ۇلتتىق كومپانيالاردان اتالعان التى اتالىم بويىنشا 143 تەحنولوگيالىق مىندەت جيناۋمەن الىسىپتى.  ەندى قالعان 3 ايدىڭ ىشىندە جاڭاشىلدار جوبا جاساپ، ونىڭ اقشاسىن الىپ، جۇزەگە اسىرىپ ۇلگەرۋى ءتيىس. بۇل قاي كەربەزدىك؟ التى اي بويى كونكۋرسقا دايىندالۋ دەگەن نە ماسقارا؟ ۇلتتىق كومپانيالار وزدەرىندەگى تەحنولوگيالىق ماسەلەلەردى التى اي بويى انىقتايتىنداي قانداي ماقۇرىم بولعانى؟ كەز كەلگەن  تەحنولوگيالىق ۇدەرىستەر ماسەلەسى سولاردىڭ كۇندەلىكتى جۇمىستارىندا كورىنىپ تۇرعان جوق پا؟ ۇلتتىق قورىمىزدىڭ «ۇرعاشىلىعى» ءوز الدىنا، ەندى كەربەزدىگى دە كورىندى.

كونكۋرس اشىق تا ءمولدىر ەكەن. ولاي بولسا، ءتىپتى، كونكۋرس ۇيىمداستىرۋ جونىندە «سامۇرىق-قازىناعا» قاراپايىم عانا ۇسىنىس جاساعىمىز كەلەدى. جىل باسىندا ارنايى كونكۋرس  سايتىن اشىپ، سوندا ۇلتتىق كومپانيالاردىڭ تەحنولوگيالىق ماسەلەلەرى تۇسكەن بويدا يننوۆاتورلار ءوز جوبالارىن ازىرلەي بەرسىن، تەحنولوگيالىق مىندەتتەرىن ازىرلەپ ۇلگەرمەگەن كومپانيالار ن.نازارباەۆتىڭ تاپسىرماسىن ورىنداي الماعاندار تىزىمىنە كىرسىن. بولدى! سوندا ايلاپ، كەڭسەدە شاي ىشۋمەن ۋاقىت وتكىزەتىندەردىڭ جاۋاپ بەرۋىنە تۋرا كەلەدى. ايتپەسە، ءبىر كونكۋرسقا التى اي بويى ازىرلەنىپ جۇرەتىن «ۇرعاشىلىقتاردىڭ» وزدەرى جاۋاپ بەرۋى قاجەت. قىسقاسى، «سامۇرىق-قازىناعا» جاڭاشىل يدەيا كونكۋرسىن وتكىزۋدىڭ وزىنە يننوۆاتسيالىق جوبا كەرەكتىگى كورىنىپ تۇر.

ونىڭ ۇستىنە ۇلەستىرمە ماتەريالدىڭ ءبارى ورىسشا. «ءبارى دە مۇمكىن! ىسكە كىرىس!»  دەۋدىڭ ورنىنا - «ۆوزموجنو ۆسە! دەيستۆۋي!» دەپ ورىسشا بۇيىرىپ تۇر. جانە دە بۇل كونكۋرسقا تەك قازاقستاندىقتار ەمەس، شەتەلدىكتەرگە دە ەسىك اشىق ەكەنى ايتىلدى. جارايدى، ەڭ بولماسا مەملەكەتتىك تىلدە ۇران جازۋعا دا بولماعانى ما؟! قازاقتىلدى جاڭاشىلدار توقالدان تۋعاننىڭ وزىندە دە، جاڭاشىل بولۋى قۇقىعىن ءالى ەشكىم ايىرعان جوق ولاردان! ەندەشە، «ۇرعاشى»  اتالعان باس قورىمىز كىمگە قىزمەت ەتىپ جاتقانى؟!

«اباي-اقپارات»