الداۋ، ارباۋ ارقىلى قالتانى قامپايتۋ - «العا» راديكالدى توبىنىڭ بەلسەندىلەرىنە ءتان قىلىق. توپتىڭ باسشىسى ۆلاديمير كوزلوۆ باس بوستاندىعىنان ايىرىلدى. ەندىگى جەردە كوزلوۆ جازاسىن وتەيدى، ال «العالىقتاردى» جەلپىندىرىپ، دەم بەرگەن مۇحتار ءابىليازوۆ شەتەلدە شايقاپ ءجۇر. عالامتورداعى قاۋىم ەكەۋگە قاتىستى پىكىرىن بۇكپەسىز جەتكىزۋدە. شەتى مەن شەگى كورىنبەيتىن عالامتور الەمىندە دامىل جوق. بىراق كوزلوۆ پەن ءابىليازوۆتىڭ قۇلاعىنا حالىقتىڭ ۇندەۋى جەتەر مە؟! كوزلوۆتىڭ قيتۇرقى ارەكەتتەرى سوت وتىرىسىندا اشكەرە بولدى. اشىق تا ءادىل وتكەن سوت وتىرىسى ەلدىڭ نازارىندا ەدى. حالىقارالىق ساراپشىلار مەن وتاندىق مامانداردىڭ باسىن قوسقان وتىرىس بارىسىندا ۆلاديمير كوز­لوۆتىڭ شىنايى بەت-بەينەسى ايقىن­دالدى. ءابىليازوۆتىڭ «قۋىر­شاعىنا» اينالىپ، 2011 جىلدىڭ جەلتوقسانىندا جاڭا­وزەندەگى نارازى مۇنايشىلاردىڭ باس كوتەرۋىنە سەبەپكەر بولعان دا كوزلوۆ. ەڭ قىزىعى، «العالىقتاردىڭ» «اكەسىنە» اينالعان ۆلاديمير كوزلوۆ رەسمي تۇردە جۇمىسسىز ادامداردىڭ ساناتىنا جاتا­دى. بىراق ۆلاديمير مىرزا 500 مىڭ اقش دوللارىن زاڭ­داستىرىپ العان. مۇن­داي اقشانى كوز­لوۆقا جىبەرىپ «جارىلقايتىن» - مۇح­تار ءابىليازوۆ. كەزىندە جازا باسىپ، تۇرمەگە توعىتىلىپ، سونان سوڭ اقتالىپ شىعىپ، بتا-بانكىنىڭ باسشىلىق ورنىنا قايتا جايعاسقان ءابىليازوۆ بانككە سەنىم ارتقان ەلدىڭ 7 ميلليارد تەڭگەسىن جىمقىرىپ كەتكەنى بەلگىلى. قازىر بۇرناعى بانكير، بۇگىنگى ۇرى مۇحتار لوندوننىڭ تورىندە شالقىپ ءجۇر.

الداۋ، ارباۋ ارقىلى قالتانى قامپايتۋ - «العا» راديكالدى توبىنىڭ بەلسەندىلەرىنە ءتان قىلىق. توپتىڭ باسشىسى ۆلاديمير كوزلوۆ باس بوستاندىعىنان ايىرىلدى. ەندىگى جەردە كوزلوۆ جازاسىن وتەيدى، ال «العالىقتاردى» جەلپىندىرىپ، دەم بەرگەن مۇحتار ءابىليازوۆ شەتەلدە شايقاپ ءجۇر. عالامتورداعى قاۋىم ەكەۋگە قاتىستى پىكىرىن بۇكپەسىز جەتكىزۋدە. شەتى مەن شەگى كورىنبەيتىن عالامتور الەمىندە دامىل جوق. بىراق كوزلوۆ پەن ءابىليازوۆتىڭ قۇلاعىنا حالىقتىڭ ۇندەۋى جەتەر مە؟! كوزلوۆتىڭ قيتۇرقى ارەكەتتەرى سوت وتىرىسىندا اشكەرە بولدى. اشىق تا ءادىل وتكەن سوت وتىرىسى ەلدىڭ نازارىندا ەدى. حالىقارالىق ساراپشىلار مەن وتاندىق مامانداردىڭ باسىن قوسقان وتىرىس بارىسىندا ۆلاديمير كوز­لوۆتىڭ شىنايى بەت-بەينەسى ايقىن­دالدى. ءابىليازوۆتىڭ «قۋىر­شاعىنا» اينالىپ، 2011 جىلدىڭ جەلتوقسانىندا جاڭا­وزەندەگى نارازى مۇنايشىلاردىڭ باس كوتەرۋىنە سەبەپكەر بولعان دا كوزلوۆ. ەڭ قىزىعى، «العالىقتاردىڭ» «اكەسىنە» اينالعان ۆلاديمير كوزلوۆ رەسمي تۇردە جۇمىسسىز ادامداردىڭ ساناتىنا جاتا­دى. بىراق ۆلاديمير مىرزا 500 مىڭ اقش دوللارىن زاڭ­داستىرىپ العان. مۇن­داي اقشانى كوز­لوۆقا جىبەرىپ «جارىلقايتىن» - مۇح­تار ءابىليازوۆ. كەزىندە جازا باسىپ، تۇرمەگە توعىتىلىپ، سونان سوڭ اقتالىپ شىعىپ، بتا-بانكىنىڭ باسشىلىق ورنىنا قايتا جايعاسقان ءابىليازوۆ بانككە سەنىم ارتقان ەلدىڭ 7 ميلليارد تەڭگەسىن جىمقىرىپ كەتكەنى بەلگىلى. قازىر بۇرناعى بانكير، بۇگىنگى ۇرى مۇحتار لوندوننىڭ تورىندە شالقىپ ءجۇر. ال اشىنعان حالىق عالامتور ارقىلى ءابىليازوۆتان اقشاسىن كەرى قايتارۋدى سۇرايدى. بىراق مۇحتارعا حالىقتىڭ زارلى ءۇنى جەتە قويماس. «www.zonakz.net/blogs/user/mybestfriend/» سىلتەمەسىن تەرسەڭىز، ءابىليازوۆتىڭ قى­رۋار قارجىسى تۋرالى بىلاي دەلىنگەن «ساراپشىلاردىڭ ايتۋىنشا، بتا-بانكىنىڭ ديرەكتورلار كەڭەسىنىڭ ءتور­اعاسى قىزمەتىندە وتىرعان كەزىندە ءابىليازوۆ بانكتەن 10 ملرد دول­-لار جىمقىرعان. تەرگەۋ امالدارى ونىڭ قىمبات باعالى 20 ءۇي، 9 اكىمشىلىك عيما­رات، الماتى وبلىسىندا 171 جەر تەلىمى، 967 پاتەرى، اسا جايلى بىرنەشە جەكە­مەنشىك ۇشاعى، گاراجدارى، باعاسى ءبىر­نەشە پاتەرمەن بىردەي تۇراتىن قىم­بات اۆ­توكولىكتەرى، جالپى قۇنى ميلليارد­تاپ سانالاتىن باعالى قاعازدارى با­­رىن انىقتادى. ءتىپتى، بتا-بانكىنىڭ اقشا­سى­نا ءابىليازوۆ تۇتاس ءبىر اۆيافلوت ساتىپ الىپ، ونى قالاي بولسا سولاي پايدالان­عان. ايەلى شەتەلگە بارىپ قايتقىسى كەلە مە، ەسىك الدىندا اۆتوكولىگى سەكىلدى، ۇشاققا مىنەدى دە جۇرە بەرەدى. بالا-شا­عاسى كا­ريب ارالدارىنا بارعىسى كەلە
مە، ولار­دىڭ ءوز تىلدەرىندە ايتقاندا «پو­جا­لۋيس­تا!» قازاق «سەمىزدىكتى قوي عانا كوتەرە­دى» دەيدى. ءابىليازوۆ ەلدە ءجۇرىپ سەمىزدىكتى كوتەرە المادى. ايتپەسە وعان نە جەتپەدى دەگەن ساۋال ءار ازاماتتىڭ ساناسىندا قىلاڭ بەرەدى». حالىقتىڭ اقشاسىن سىپىرىپ الىپ، ۇلىبري­تا­نياعا تايىپ تۇرعان بانكيردىڭ ار­قاسىندا كۇن كورىپ جۇرگەن «العا» پار­تياسىنىڭ بەلسەن­دىلەرىنىڭ دە قال­تاسى تەسىك ەمەس. مۇحتار ءابىليازوۆتىڭ قا­زاقستانداعى كوزى ءھام قۇلاعىنا اينال­عان توپتىڭ ەسەبى تۇگەل. «تەك 2006-2007-جىلدارى مۇح­تار ابiليازوۆقا جاقىن جۇرەتىن ءۇش ادام: ۆلاديمير كوزلوۆ -
63 250 000 تەڭگە، مۇراتبەك كەتەباەۆ - 438 020 000 تەڭ­گە، باۋىرجان كەتەباەۆ - 61 600 000 تەڭ­­گە زاڭداستىرعان. جيىن­­­تىعى 562 ميل­ليون 870 مىڭ تەڭ­گە. بۇل فاكتىنى الماتى قالاسىنىڭ سا­لىق كو­مي­تەتى راستاپ بەرە الادى. سوندا، مۇن­شاما قار­جى بۇل ۇشەۋىنە قايدان كەلدى؟ ءاري­نە، مۇحتار ءابىليازوۆتان» دەيدى اۆتور.
راسىندا، جۇمىسسىز ءجۇرىپ، حالىقتى بوس ۇرانمەن الداپ، ارباعان ءوزىن سايا­ساتكەرمىن دەپ جاريالايتىن ازامات­تار­دىڭ قىلىعىن كەشىرۋ مۇمكىن ەمەس. ۆلاديمير كوزلوۆتىڭ حالىقتى الداۋعا ماشىقتانعانى سونشالىق، كەز كەلگەن بۇلىكتى وڭاي ۇيىمداستىرا الادى. تەك لوندوننىڭ تورىنەن كەرەكتى قاراجات بولىنسە بولدى. «ۆلاديمير كوزلوۆ مۇ­نايلى ءوڭىر ماڭعىستاۋدى جاقسى بىلە­تىندەردىڭ ءبىرى. 1990-جىلدارى سول وڭىردە جەكە تەلەكومپانيا اشىپ، تانىس-تا­مىردى كوبەيتىپ العان. ال جاڭاوزەندەگى مۇنايشىلار جالاقى تۋرالى تالاپ قويعان كەزدە وڭىرگە قايتا-قايتا بارىپ ءجۇرىپ، بەيبىت تالاپتىڭ بەتىن باسقا جاققا بۇرۋعا جان سالا كىرىستى. ءوز ماقساتىنا ايماقتان ازاماتتاردى تارتتى. مۇناي­شىلاردىڭ ۇيالى باي­لانىسى ءۇشىن اقشا تولەۋ، اس بەرىپ، جۇرتتى جيناۋ ارقىلى وزدەرىنىڭ نەگىزگى يدەيا­لارىن بۇقارا اراسىنا تاراتۋعا تى­رىس­تى. اقشا مەن بيلىككە ولاردىڭ شەكسىز قۇمارلىعى كىم-كىمنىڭ دە تاعدىر تالا­يىنا ەنجار قاراۋعا ۇيرەتكەن» دەلىن­گەن «www.zonakz.net» سايتىندا. سوت وتىرىسىندا تالعات ساقتاعانوۆ كوز­لوۆپەن ۆارشاۆاعا ەۋ­روپارلامەنت دە­پۋتاتتارىمەن كەزدەسۋ­گە بارعانىن، سول جەردە اشىنعان حالىق­تىڭ «جارىل­قاۋشىسى» جاڭا­وزەندەگى قاقتىعىس جايىندا جاق اشپاعانىن ايتقان ەدى.
سونىمەن، اقشا ءۇشىن ارى مەن ابى­رويىن ساتۋعا ءازىر «العالىقتاردىڭ» ءىزى كەسىلدى. حالىقتى دۇرلىكتىرىپ، جىمىس­­قى ءىسىن جۇزەگە اسىرعان ءابىليازوۆ ەندى كىم­­گە يەك ارتار ەكەن؟ «yvision.kz» پورتالىن­دا mark_ruby ەسىمدى تۇتىنۋشى «مۋحا (مۇحتار ءابىليازوۆ) سوڭعى 4 جىلدا قا­زاقستانداعى تۇراقتىلىق پەن تىنىش­تىققا نۇقسان كەلتىرۋدىڭ قۇرالى رەتىن­دە ۇستاپ وتىرعان «العاسىن» (وعان قازاق­ستاندى جامىراي جامانداسىپ، الەمدە ءابىليازوۆتان اۋليە ادام جوق ەتىپ كور­سەتۋگە تىرىساتىن ءوزىنىڭ اقپارات قۇ­رالدارى كىرمەيدى) قولداۋ ءۇشىن
10 ميل­ليون دوللار جۇمسادى دەگەن دەرەك بار...» دەيدى. ەندىگى جەردە مۇحتار ءابى­ليازوۆتىڭ قىرۋار قارجىسى كىمگە جانە قانداي قيتۇرقى ارەكەتكە جۇمسالار ەكەن؟! «نيەتى بۇزىققا كۇن دە قاراڭعى، ءتۇن دە قاراڭعى». ولاردى تىڭداساڭ قازاقستاننان جيىركەنىشتى، قازىرگى بي­لىكتەن قورقىنىشتى ەشتەڭە جوق سە­كىلدى. قازاق «ەشتەڭە ىستەمەگەن ادام عانا قا­تەلەسپەيدى» دەگەن. مەم­لەكەت جەمقور­لارمەن شاماسى كەلگەن­شە كۇرەسۋدە. جەمقورلاردىڭ جايىنى دا، شاباعى دا ۇستالىپ، سوتتالىپ جاتىر. كەلەڭسىزدىك­پەن كۇرەستى جالپى ەل بولىپ جالعاستى­­را بەرسەك، الدىمەن ادالدىق­تى ادامدار­­دىڭ ساناسىنا نىق ور­نىق­تىرىپ، ءوزىمىزدى تاربيەلەي بىلسەك، ونداي كەلەڭ­سىزدىكتەر ءبىرجولا تامىر ۇزبە­گەنمەن، بىرتىندەپ ازايار» دەپ اياقتايدى پىكىرىن mark_ruby اتتى عالامتور تۇتى­نۋشىسى. ءبىز دە وسى پىكىرمەن تولىق­تاي كەلىسەمىز. جىمىسقى ارەكەتىمەن ەل­دىڭ تىنىش­تىعىن بۇزعان، اقشا ءۇشىن «العا» دەپ جالعان ۇراندايتىن، كوك قاعاز ءۇشىن وتانىن ساتىپ، بىرەۋدىڭ جارىلقاۋىن كۇتىپ، بايلىعى تاسىعان ادامنىڭ «قۋىر­­شاعىنا» اينالعان الدامشى سايا­ساتكەرلەردەن اۋلاق بو­لايىق...

ءا.باقىت

"ايقىن" گازەتى