جۇما, 29 ناۋرىز 2024
جاڭالىقتار 3555 0 پىكىر 23 شىلدە, 2009 ساعات 16:17

مۇنايلى استانادا مۇز ايدىنى سالىنىپ قوس قۇرلىقتى جالعاستىرعان قوس كوپىر اشىلدى

22-ءشى شىلدە كۇنى اتىراۋ قالاسىندا ەكى كوپىر جانە مۇز ايدىنى اشىلدى.

قالانىڭ ەۋروپا بولىگىندەگى اليەۆ كوشەسى مەن ازيا بەتىندەگى ساتىبالديەۆ كوشەلەرىن بايلانىستىراتىن كوپىرگە «سۇلتان بەيبارىس» اتاۋى بەرىلدى. بۇل كوپىر ءىرى جوبانىڭ باستاۋى: اتالعان كوپىر ارقىلى وتەتىن، اتىراۋ اۋە جايىنان باستاپ تەمىر جول ۆوكزالىنا دەيىنگى ارالىق ەندىگى جەردە «سۇلتان بەيبارىس داڭعىلى» دەپ اتالاتىن بولادى.

ەندى بۇل ارالىقتى، ياعني، قالانىڭ ءبىر شەتىنەن كەلەسى شەتىنە جۇردەك اۆتوكولىكپەن بار بولعانى 8-10 مينۋتتا ءجۇرىپ وتۋگە بولادى. ال، ساتىبالديەۆ پەن اليەۆ ەسىمدەرى قالانىڭ وزگە بولىكتەرىندەگى كوشەلەردىڭ بىرىنە بەرىلەدى. بولاشاقتا وسى داڭعىلدى قالانىڭ ورتالىق بولىگىنە اينالدىرۋ كوزدەلىپ وتىر. ونى بويلاي بيزنەس جانە ويىن-ساۋىق ورتالىقتارى، الەۋمەتتىك ماڭىزدى عيماراتتار، جالپى ايتقاندا زاماناۋي ينفراقۇرىلىم بوي كوتەرمەك.

سالتاناتتى شارادا اتىراۋلىقتاردى قۇتتىقتاپ ءسوز سويلەگەن بەرگەي ساۋلەبايۇلى، وبلىستا جوسپارلانعان بەس كوپىردىڭ ەكەۋىنىڭ حالىق يگىلىگىنە اينالعالى وتىرعانىن، قالعان ۇشەۋىنىڭ قۇرىلىسى تاياۋ مەرزىمدە اياقتالاتىنىن حابارلادى.

22-ءشى شىلدە كۇنى اتىراۋ قالاسىندا ەكى كوپىر جانە مۇز ايدىنى اشىلدى.

قالانىڭ ەۋروپا بولىگىندەگى اليەۆ كوشەسى مەن ازيا بەتىندەگى ساتىبالديەۆ كوشەلەرىن بايلانىستىراتىن كوپىرگە «سۇلتان بەيبارىس» اتاۋى بەرىلدى. بۇل كوپىر ءىرى جوبانىڭ باستاۋى: اتالعان كوپىر ارقىلى وتەتىن، اتىراۋ اۋە جايىنان باستاپ تەمىر جول ۆوكزالىنا دەيىنگى ارالىق ەندىگى جەردە «سۇلتان بەيبارىس داڭعىلى» دەپ اتالاتىن بولادى.

ەندى بۇل ارالىقتى، ياعني، قالانىڭ ءبىر شەتىنەن كەلەسى شەتىنە جۇردەك اۆتوكولىكپەن بار بولعانى 8-10 مينۋتتا ءجۇرىپ وتۋگە بولادى. ال، ساتىبالديەۆ پەن اليەۆ ەسىمدەرى قالانىڭ وزگە بولىكتەرىندەگى كوشەلەردىڭ بىرىنە بەرىلەدى. بولاشاقتا وسى داڭعىلدى قالانىڭ ورتالىق بولىگىنە اينالدىرۋ كوزدەلىپ وتىر. ونى بويلاي بيزنەس جانە ويىن-ساۋىق ورتالىقتارى، الەۋمەتتىك ماڭىزدى عيماراتتار، جالپى ايتقاندا زاماناۋي ينفراقۇرىلىم بوي كوتەرمەك.

سالتاناتتى شارادا اتىراۋلىقتاردى قۇتتىقتاپ ءسوز سويلەگەن بەرگەي ساۋلەبايۇلى، وبلىستا جوسپارلانعان بەس كوپىردىڭ ەكەۋىنىڭ حالىق يگىلىگىنە اينالعالى وتىرعانىن، قالعان ۇشەۋىنىڭ قۇرىلىسى تاياۋ مەرزىمدە اياقتالاتىنىن حابارلادى.

سونداي-اق، قالادا سالىنىپ بىتكەن ءىرى سپورت عيماراتتارىنىڭ ءبىرى دە تۇرعىندارعا ەسىگىن ايقارا اشتى. ول - مۇز ايدىنى سارايى. اتالعان عيمارات، وتكەن اپتادا عانا پايدالانۋعا بەرىلگەن عابدول سلانوۆ اتىنداعى وبلىستىق عىلىمي-امبەباپ كىتاپحانانىڭ ءدال قاسىندا ورنالاسقان. بۇل كەشەنگە قالالىق ونوماستيكالىق كوميسسيا جانە قالالىق ءماسليحات شەشىمىمەن حالىق قاھارمانى، قازاقتىڭ قايسار ۇشقىش قىزى حيۋاز دوسپانوۆانىڭ اتى بەرىلدى. ەكى قاتارلى عيماراتتىڭ ۇلكەن مۇز الاڭى مەن كورەرمەندەر ورنىنان باسقا، قاجەتتى قۇرال-جابدىقتارمەن تولىقتاي جاراقتاندىرىلعان جاتتىقتىرۋشىلار كابينەتى، سپورتشىلاردىڭ دايىندىق زالى سەكىلدى 20-عا جۋىق بولمە بار.

مۇز ايدىنىنىڭ ساپاسىن استانادان كەلگەن مانەرلەپ سىرعاناۋ شەبەرلەرى «نيۋ-يورك، نيۋ-يورك» انىنە نەگىزدەلگەن ادەمى كومپوزيتسيالارىمەن تەكسەرسە، «اتىراۋ» حوككەي كلۋبى مەن «كازترانسگاز» كومانداسى سپورتشىلارى جولداستىق كەزدەسۋ وتكىزىپ، كورەرمەنگە ادەمى ويىن ورنەگىن پاش ەتتى.

«تۇساۋ كەسىلگەن» ءۇشىنشى نىسان - اۆانگارد مولتەك اۋدانى مەن تۇرعىندار قالاشىعىن بايلانىستىراتىن كوپىر بولدى. لەنتا قيۋ ءراسىمى قالا اكىمى ءسالىمجان ناقپاەۆ پەن قالالىق سوعىس جانە ەڭبەك ارداگەرلەرى كەڭەسىنىڭ توراعاسى تايىر عۇماروۆتىڭ ەنشىسىنە ءتيدى. «مۇنايشى» اتاۋى بەرىلگەن بۇل كوپىر دە قالاداعى كولىك قوزعالىسىن ەداۋىر جەڭىلدەتەتىن بولدى.

 

 

 

كوپىرلەردىڭ كولەمدىك كورسەتكىشى:


«بەيبارىس سۇلتان» كوپىرى:


جالپى ۇزىندىعى: 800 مەتر;

كوپىردىڭ ۇزىندىعى - 380, 74 مەتر، ەنى - 22 مەتر;

ءتورت جولاقتى كولىك جولىنىڭ ەنى - 16 مەتر، ەكى قاپتالداعى جاياۋ جۇرگىنشىلەر جولىنىڭ ەنى - 2,5 مەتر;

 


«مۇنايشى» كوپىرى:


جالپى ۇزىندىعى: 693 مەتر;

كوپىردىڭ ۇزىندىعى - 483,1مەتر، ەنى - 17 مەتر.

ءتورت جولاقتى كولىك جولىنىڭ ەنى - 14 مەتر، ەكى قاپتالداعى جاياۋ جۇرگىنشىلەر جولىنىڭ ەنى - 1 مەتر;

 

 

مۇز ايدىنى تۋرالى ماعلۇمات:

جالپى اۋماعى: 6000 ش.م.

مۇز ايدىنىنىڭ اۋماعى: 1880 ش.م.

سىيىمدىلىعى: 800 كورەرمەندىك ورىن.

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3541