دۇيسەنبى, 3 قازان 2022
ايتىس 2575 11 پىكىر 10 ماۋسىم, 2022 ساعات 14:28

سۆەتقالي نۇرجان: «جۇرەكتى اينىتادى...»

5 ماۋسىم كۇنى وتكەن رەفرەندۋمعا ارناپ مۇحامەدجان تازابەك ولەڭ شىعارىپ، ونى Facebook پاراقشاسىندا جاريالاعان ەدى. بەلگىلى اقىن سۆەتقالي نۇرجان «مۇنداي سۇمپايىلىق جۇرەكتى اينىتادى» دەپ جازدى.

«تومەندەگى بەتپاق شاتقان شاتپاق الەم-جالەمدە “حيت” بولىپ جاتىر ەكەن. نايەتى، وسى ادامنان ازعان پالەكەتتەرگە ءسوز شىعىنداۋ اۋزىما قانشالىقتى ىلايىق دەپ ويلاۋعا دا بولار ەدى، بىراق بۇلاردىڭ وتانىمىزعا سالعان 30 جىلدىق ىلاڭى جانە شەكسىز ارسىزدىعىمەن تاعى دا قازاقتى اقىماق كورىپ، الداماق بولىپ، ءسويتىپ ءار جەر، ءار جەردەن جىلتىڭداپ كورىنگىسى، جاعىنعىسى، تاعى ساناتقا ەنگىسى، ساپقا كىرگىسى كەلىپ تۇراتىن سۇمپايىلىقتارى جۇرەكتى اينىتادى! ال اينىعان جۇرەكتەن قاي ءبىر وڭعان ولەڭ شىقسىن؟! بۇل دا سونداي ءبىر كەپ»، - دەيدى Facebook جەلىسىندە ايت-مان نۇرجان دەگەن اتپەن تىركەلگەن اقىن.

بۇدان ارى اقىن تازابەكتىڭ ۇيقاسىنا سالىپ، بىرەر جول ولەڭ جازادى. ولەڭىندە  ەكس-دەپۋتات، تۇركياداعى بۇكىلالەمدىك ەتنوسپورت فەدەراتسياسىنىڭ ءبىرىنشى ۆيتسە-پرەزيدەنتى بەكبولات تىلەۋحاندى دا اتاپ وتكەن. اقىن بۇل ەكەۋىن قازاقستانداعى ءدىني اعىم سالافيزم اعىمى ءۇشىن كىنالاپتى.

سۆەتقالي نۇرجان قازاقستاندا 2000 جىلداردىڭ باسىندا كەڭ جايىلعان تاعى ءبىر ءدىني اعىم – ءسۋفيزمنىڭ (سوپىلىق) بەلدى وكىلى رەتىندە ءجيى ايتىلادى. ول وسى اعىمنىڭ قازاقستانداعى نەگىزىن سالۋشى يسماتۋللا ماقسىمنىڭ قاسىنان ءجيى كورىنەدى.

ايتا كەتەيىك، قازىر مۇحامەتجان تازابەك شەتەلدە ءجۇر. الەۋمەتتىك جەلىلەردە «ءسالافيزمنىڭ سەركەسى قايرات ساتىبالدى قاماۋعا الىنعان سوڭ، تازابەكتەر شەتەلدە بوي تاسالاپ ءجۇر» دەگەن بولجام ايتىلادى.

Abai.kz

11 پىكىر