ءتورت جاستاعى ايكوركەم مەلدەحانعا الماتىدا اۆتوكولىكپەن ازىق-تۇلىك ساتىپ الۋعا بارا جاتقان ۋاقىتتا وق ءتيدى. ونىڭ 16 جاستاعى اپكەسى دە جارالاندى. اۆتوكولىككە كىم وق اتقانىن بيلىك ايتپاي وتىر.
ايكوركەمنىڭ اكەسى ايدوس مەلدەحان وتباسىن قايدا كوشىرگەنىن ايتپاي وتىر. ول قىسىمنان قاۋىپتەنەدى. ايدوستىڭ ايتۋىنشا، وعان ۇقك قىزمەتكەرلەرى بىرنەشە مارتە كەلگەن: ارنايى قىزمەت ايدوستىڭ بەلسەندى ارەكەتىنە، جۋرناليستەرگە سۇحبات بەرگەنىنە، مالىمدەمە جاساعانىنا نارازى بولعان.
ءۇشىنشى ماۋسىمدا مەلدەحاندى پوليتسياعا تەرگەۋگە شاقىرعانى ءمالىم بولدى. ول ازاتتىق راديوسىنا بەلگىسىز بىرەۋ سوڭىنان ەرىپ جۇرگەنىن ايتتى. مەلدەحان سوڭىنا تۇسكەن اداممەن سويلەسۋگە تالپىنعان ۋاقىتتا، ول جانجال شىعارىپ، كەيىن ۇستىنەن شاعىم تۇسىرگەن. "مەنى جولدان الىپ تاستاۋعا تالپىنىپ جاتىر", – دەيدى ايكوركەمنىڭ اكەسى.
ايكوركەم مەلدەحان وتباسىنىڭ اۆتوكولىگىنە 7 قاڭتاردا الماتىدا قالالىق اكىمدىككە جاقىن ماڭدا وق اتتى. وق ايكوركەمنىڭ باسىنا ءتيدى، ءتورت جاستاعى قىز سول جەردە جان تاپسىردى. اۆتوكولىكتى ونىڭ اعاسى مەن اپكەسى بولعان. اپكەسىنە دە وق تيگەن. ايدوس مەلدەحان اۆتوكولىكتە 20 وقتىڭ ءىزى قالعانىن ايتتى. بالليستيكالىق ساراپتاما وقتى اسكەريلەر اتقانىن راستادى، دەيدى مەلدەحان.
ونىڭ 15 جاستاعى قىزىنىڭ دەنەسىندە سەگىز جارىقشاق قالعان، ازىرگە ولاردى الىپ تاستاۋ مۇمكىن ەمەس. جارالى قىز ۇيدەن شىقپايدى، ارەڭ جۇرەدى، مەكتەپتى ونلاين ءبىتىردى. كەنجە ۇل قاتتى شوشىپ قالعان.
7 قاڭتاردا، ايكوركەم قازا بولعانى كۇنى، پرەزيدەنت قاسىم-جومارت توقاەۆ ارميا مەن پوليتسياعا ەسكەرتۋسىز وق اتۋعا رۇقسات بەردى. باس پروكۋراتۋرا مالىمەتىنشە، قاڭتار وقيعاسى كەزىندە 238 ادام قايتىس بولدى، سولاردىڭ جيىرماسىنا "وق ابايسىزدا تيگەن". قازاقستان بيلىگى قاڭتاردا قازا بولعانداردىڭ ءتىزىمىن جاريالاماي وتىر.
ازاتتىق راديوسى قاندى قاڭتاردا قازا بولعان 188 ادامنىڭ ءتىزىمىن جاريالادى. جۋرناليستەر دايىنداعان تىزىمدە كامەلەت جاسقا تولماعان التى ادام بار. كەيىن باسىلىم قاڭتار وقيعاسى كەزىندە قازا بولعان جەتى شىمكەنتتىكتىڭ ەسىمىن تىزىمگە قوستى.
Abai.kz
